Қазақша рефераттар

Суреттерін салу

Сабақ туралы мәлімет

Пәні

Ана тілі

Сабақтың тақырыбы

«Шегіртке мен құмырсқа»

Сабақтың түрі

Аралас сабақ

Сабақтың мақсаттары

  1. Мысал жанрының ерекшелігін таныту: адам емес кейіпкерлер (жануарлар, жәндіктер, жансыз заттар) арқылы берілетін ойды ашу, өлең түрінде жазылған шағын шығарманың мазмұнын түсіндіру.

  2. Ой-өрісін және дүниетанымын кеңейту, сөздік қорын молайту, еңбекқорлыққа баулу.

  3. Көркем сөзді саналы қабылдап, өз сөздік қорында қолдана білуге үйрету; ауызша және жазбаша сөйлеу дағдыларын дамыту; эстетикалық талғамын арттыру және еңбекке тәрбиелеу.

Көрнекіліктер

  • А. Құнанбаев пен И. В. Крыловтың суреттері
  • Қыс мезгілінің көрінісі (сурет)
  • Бейнетаспа, слайд материалдары

Әдіс-тәсілдер

  • Ой қозғау, ой шақыру
  • Венн диаграммасы, топтастыру
  • Бейнетаспа, өнер қойылымы
  • Өлеңнен үзінді, «екі түрлі түсініктеме» күнделігі
  • INSERT жүйесі, тест тапсырмалары

Пәнаралық байланыс

  • Кино және сахна өнері
  • Дүниетану
  • Бейнелеу өнері

Сабақтың барысы

1) Ұйымдастыру кезеңі

Психологиялық дайындық: сабақ басында бір-бірімізге сәттілік тілейміз.

2) Үй тапсырмасын тексеру

И. Бази (татар жазушысы) «Жеміс бағында» мәтіні бойынша «Алма жинау» ойыны: әр алманың астында сұрақтар беріледі.

  • «Жеміс бағында» мәтінінде не туралы айтылған?
  • Жылдың қай мезгілінде алма ағаштарының бұтақтары басын көтере алмай тұрады?
  • Алманың қандай түрлерін білесің?

3) Ой қозғау

Үзінді

Әсемпаз болма әрнеге,

Өнерпаз болсаң, арқалан.

Сен де — бір кірпіш дүниеге,

Кетігін тап та, бар, қалан!

А. Құнанбаев

Таныстыру

Иван Андреевич Крылов туралы қысқаша мәлімет беріледі.

4) Қызығушылықты ояту

«Шегіртке мен құмырсқа» мультфильмінен (Госфильм киностудиясы) үзінді көрсетіледі.

5) Ой шақыру: жұмбақ шешу

Ат басты, арқар мүйізді. Бөрі кеуделі, бөкен санды.

Жауабы: Шегіртке

Ине бел, қылқа мойын, қара батыр, қара тауды арқалап бара жатыр.

Жауабы: Құмырсқа

Оқушылар шегіртке мен құмырсқа туралы білетіндерін ортаға салады.

6) «Мысал» жанры туралы түсінік

Мысал — кейіпкерлері адам емес (аң-құс, жан-жануар, жәндік, жансыз зат) арқылы адам бойындағы мінді тұспалдап көрсететін, әжуа мен күлкіге құрып, ой салатын тағылымдық шығарма.

7) Биологиялық анықтама

Құмырсқа

  • Халық тәжірибесінде кей жағдайларда аяқ ауырғанда құмырсқа илеуіне аяқты салып, шақтырған.
  • Құмырсқадан алынатын дәрілер буын ауруларында, қант диабетінде және қан қысымын реттеуде қолданылғаны айтылады.
  • Оңтүстік Азия елдерінде және Мексикада құмырсқаны тағам ретінде де пайдаланады.
  • Құмырсқаның шамамен 10 мыңдай түрі бар.

Шегіртке

  • Ауыл шаруашылығына өте қауіпті бунақденелілердің бірі.
  • Өзге жәндіктерден айырмашылығы — бір немесе екі жұп қанаты болады.
  • Қанаты болғандықтан ұша алады.

8) Оқулықпен жұмыс

Мәтінмен жұмыс: мұқият оқу, таныс емес сөздерді белгілеу, кейін сөздік жұмысын жүргізу.

9) Топтық жұмыс

  • 1-топ

    Абай туралы не білеміз? Қандай шығармаларын оқыдық?

  • 2-топ

    Мысал жанры туралы не білесіңдер? Түсінік беріңдер.

  • 3-топ

    Табиғат туралы өлең айтып беріңдер.

10) Сергіту сәті

Қысқа қимыл-қозғалыс жаттығулары орындалады.

11) Мағынаны тану (INSERT)

«Болжамымыз оқулықтағы мәтінмен сәйкес келе ме?» деген сұраққа жауап іздейміз. Мысалды оқып, INSERT жүйесімен белгілеу жүргізіледі:

Bілемін

Таныс ақпарат

Білмеймін

Түсініксіз немесе жаңа дерек

Мен үшін жаңалық (+)

Жаңа мәлімет

Мені таң қалдырды (!)

Ерекше әсер қалдырған тұс

12) Ойға шабуыл: Венн диаграммасы

Шегіртке мен құмырсқаның дара және ортақ қасиеттерін анықтап, Венн диаграммасына түсіреміз.

Шегіртке

  • Дара қасиеттері (мысал бойынша) жазылады

Ортақ

  • Ортақ қасиеттері жазылады

Құмырсқа

  • Дара қасиеттері (мысал бойынша) жазылады

13) Шығармашылық жұмыс

«Екі түрлі түсініктеме күнделігі» толтырылады: мәтіннен үзінді және оқушының өз пікірі.

Мәтіннен үзінді

Өз ойың

…
…

14) Сахналау

Мысал мазмұны бойынша рөлдік қойылым ұйымдастырылады.

15) Үй тапсырмасы

  • Мысалды рөлге бөліп оқу.
  • Шегіртке мен құмырсқаның іс-әрекетін сипаттайтын мақал-мәтел жазу.
  • Кейіпкерлердің суретін салу.

16) Бағалау

Сабақтағы белсенділік, жауап сапасы және тапсырмалардың орындалуына қарай бағаланады.

17) Қорытынды

Мысалдың негізгі ойы қорытындыланып, еңбекқорлық пен жауапкершіліктің маңызы туралы қысқаша пікір алмасу жүргізіледі.