Шірікке шыбын айналар

Тазалығы қатынның
Тарағынан белгілі.
Батырлығы батырдың
Жарағынан белгілі.

Тазалық – саулық негізі,
Саулық – байлық негізі.

Бірінші байлық — денсаулық,
Екінші байлық — ақ жаулық,
Үшінші байлық — он саулық.

Жаман ауруға жақсы ас.

Көкірек ауру күле кетер.

Ауру аздырады,
Суық тоңдырады.

Ауру батпандап кіріп,
Мысқалдап шығады.

Ауру астан,
Дау қарындастан.

Дауды елемеген төлейді,
Ауруды елемеген өледі.

Іздеп алған аурудың емі табылмас.

Айналдырған ауру алмай қоймас,
Бұлттанған күн жаумай қоймас.

Жанымды алмаған ауру,
Жанымның садағасы.

Шірік шірітеді,
Бұзық бүлдіреді.

Шірікке шыбын айналар.

Жасыңда салақ болсаң,
Бара - бара былық боларсың.

Ас — елдің құты.

Көже деген тоқ ас,
Тұра келсең жоқ ас.

Ас астың орны басқа.

Айран ішсең ас болады.

Шымырдың сезімі сергек.

Ескі сөз жаңа сөздің қазығы.

Сергектің сенімі нық.

Денсаулық зор байлық.

Тамақтан өткеннің бәрі тамақ.