Қазақша рефераттар

Ата - анаңа қарсы келме

Сабақтың мақсаты

Балаларды өз отбасын, жеті атасын, қазақ халқының салт-дәстүрін танып-білуге баулу; ұлттық құндылықты құрметтеп, сақтауға тәрбиелеу.

Көрнекіліктер

  • Суреттер
  • Слайдтар
  • Нақыл сөздер

Сабақтың барысы

Құрметті балалар! Ата-тегін біліп, тілін, дәстүрін, салтын құрметтеп, сақтайтын ұрпақ — еліміздің болашағы.

Ұсақ болма, ірі бол!
Өз ортаңның гүлі бол!
Ата-анаңның көзінің
Сөнбейтұғын нұры бол!
Кім болсаң да әйтеуір,
Азаматтың бірі бол.
Туған елдің ұлы бол!
Ойға тоқы, парқын сез,
Ата сөзі — алтын сөз.

Бүгінгі сабағымыз қазақ халқының салт-дәстүрін тереңірек танып, өз тегімізді білуге арналады. Ендігі сөз кезегі — сендерде.

Балалардың тақпақтары

1-бала

Бұтағы — бабасының,
Ұрпағы — атасының,
Шуағы — әжесінің,
Тұяғы — әкесінің,
Тілегі — анасының,
Тірегі — ағасының,
Түлегі — даласының,
Дарытқан бар асылын —
Мен қазақ баласымын!

2-бала

Бабамнан басталар,
Өз жұртым мыналар:
Ең жақын адамдар —
Әкем мен анам бар.

3-бала

Әкемнің әкесі —
Ақ басты атам бар.
Әкемнің шешесі —
Ақ шашты әжем бар.

4-бала

Әкеге мен — бала,
Атаға — немере.
Немере баласы —
Болады шөбере.

Мақал-мәтел сайысы

Енді балалар, мақал-мәтелден жарысайық.

Ақ шашты ана

Жастығым — балам дейді.

Ақылды бала

Ай-күнім — анам дейді.

  • Ана алдында — құрмет, ата алдында — қызмет.
  • Атадан жақсы ұл туса, елінің қамын жейді; атадан жаман ұл туса, елінің малын жейді.
  • Бірлігі жоқ ел тозады, бірлігі күшті ел озады.
  • Бірлік болмай, тірлік болмас.
  • Ердің көркі — елімен, Отан көркі — жерімен.
  • Өз білмегеніңді кісіден сұра, үлкен болмаса кішіден сұра.
  • Адам болатын бала алысқа қарайды.
  • Адам баласының ең жаманы — талапсыз.
  • Еңбек етпесең, елге өкпелеме; егін екпесең, жерге өкпелеме.

Жарайсыңдар, балалар! Бала өзінен бастап әкесі, атасы, бабасы және басқа да ата-бабасының нақты есімдерін кішкентайынан жаттап өседі.

Жеті ата

Кім маған жеті атаға кімдер жататынын айтып береді?

  1. 1

    Ата

  2. 2

    Әке

  3. 3

    Бала

  4. 4

    Немере

  5. 5

    Шөбере

  6. 6

    Шөпшек

  7. 7

    Немене

Тыйым сөздер — тәрбиенің тірегі

Қазақ халқының тәрбие құралдарының бірі — тыйым сөздер. Бұл сөздер балаларды жаман әдеттен, жат пиғылдан, орынсыз қылықтан сақтандыруға қызмет еткен. Келесі кезек тыйым сөздерге беріледі.

  • Ата-анаңа қарсы келме.

    Үлкенді сыйлау — әдептің негізі.

  • Адамға қарап керілме.

    Бұл — әдепсіздік белгісі.

  • Кісі айыбын бетіне баспа.

  • Көп сөйлеме.

  • Жаңа өсіп келе жатқан көкті жұлма.

  • Далада не жолда тұрған жалғыз ағашты кеспе.

Жаңылтпаш — тіл шынықтыру

Жаңылтпаш — жас ұрпақтың тілін ұстарту, сөзді анық әрі жылдам айтуға үйрету үшін айтылатын мұра. Ендеше, шапшаңдығымызды сынап көрейік.

Жаңылтпаш 1

Жағажай, жағажайда — Қамажай.

Жаңылтпаш 2

Іске іскер, істі іскер істер.

Жарайсыңдар, балалар!

Жайнатар кең өлкені —
Болашақтың ертеңі,
Біз бақытты балдырған —
Ата-ананың өркені.

Осымен сабағымызды аяқтаймыз.