Педагогикалық жағдаяттарды талдау және оны шешу жолдары
«Үздік сынып жетекші – 2014» байқауы туралы
Мерей мөлтек ауданындағы №211 А. Байтұрсынов атындағы орта мектепте 16 сәуір күні «Үздік сынып жетекші – 2014» байқауы өтті. Байқаудың негізгі мақсаты — сынып жетекшілерінің жаңашыл тәжірибесін анықтап, таратуды және олардың тың бастамаларына қолдау көрсетуді күшейту. Байқауға 6 сынып жетекші қатысты.
- Қатысушылар
- 6 сынып жетекші
- Форматы
- 4 кезеңді сайыс
- Ұзақтығы
- 2 сағаттан астам
Бірінші тур: ашық тәрбие сағаттары
Байқаудың бірінші турында ашық тәрбие сағаттары өткізілді. Қорытынды бойынша 3 «В» сыныбында Д. Омарова өткізген «Табиғат – тал бесігім» атты тәрбие сағаты ең үздік деп танылды.
Ең үздік тәрбие сағаты
«Табиғат – тал бесігім» (3 «В» сыныбы, Д. Омарова)
Екінші тур: эссе жазу
Екінші турда қатысушылар бала тәрбиесіне қатысты түрлі тақырыпта эссе жазды. Қазылар алқасы Динара Омарова мен Әзиз Ботабаевтың эсселерін ерекше атап өтті.
-
Ерекше атап өтілген
Омарова Динара
-
Ерекше атап өтілген
Ботабаев Әзиз
Келесі кезең: 4 бөлімнен тұратын сайыс
Байқаудың келесі бөлігі сайыс түрінде ұйымдастырылып, 4 кезеңнен тұрды. Әр кезең қатысушылардың кәсіби шеберлігімен қатар, шығармашылық қырын да айқындады.
-
1
«Мен сынып жетекшімін»
Қалаған форматта өзін-өзі таныстыру: бейнефильм, мультимедиалық жоба, презентация.
-
2
«Ұшқыр ойдан белсенді әрекетке»
Педагогикалық жағдаяттарды талдау және оларды шешу жолдарын ұсыну.
-
3
«Мен және менің сыныбым»
Сынып өмірін танытатын видеоролик көрсету.
-
4
«Өз өнері»
Ән, аспаздық, қолөнер сияқты шығармашылық бағыттағы өнерін көрсету.
Кезеңдерден үзінділер
Өзін-өзі таныстыру
Қатысушылардың таныстыру үлгілері бір-біріне ұқсамады: Назгүл Құлтасова мен Ақгүл Маханбетова таныстыруды өлең жолдарымен өрнектесе, Гүлфира Шамаханова өзін шәкірттерінің орындауындағы өлең шумақтары арқылы таныстырды. Ал Динара Омарова, Әзиз Ботабаев және Балдырған Тұңғышбаева мультимедиа арқылы портфолиоларын презентациялады.
Педагогикалық жағдаяттар
Екінші кезеңде қатысушылар өз мүмкіндіктерін барынша көрсетті. Ең ұтымды жауаптар мен нақты шешу жолдарын Динара Омарова, Балдырған Тұңғышбаева және Әзиз Ботабаев ұсынды.
Видеороликтер
Үшінші кезеңде ұсынылған видеороликтердің мазмұны мен сапасы, жаңашылдығы жағынан әрқайсысы ерекше әсер қалдырды.
Шығармашылық өнер
Төртінші кезеңде қатысушылар өнерлерін аянып қалмай көрсетті: бірі ән салса, бірі шебер аспаз екенін дәлелдеді, енді бірі қолөнерімен таңғалдырды. Динара Омарова шәкіртімен бірге ән орындаса, Балдырған Тұңғышбаева қызы Еңлікпен бірге ән шырқап, көрермен ықыласына бөленді.
Нәтиже және марапаттау
-
Бас жүлде
Омарова Динара (3 «В»)
-
I орын
Тұңғышбаева Балдырған
-
II орын
Ботабаев Әзиз
-
III орын
Шамаханова Гүлфира
-
«Шығармашыл ұстаз» аталымы
Құлтасова Назгүл, Маханбетова Ақерке
Жеңімпаздар грамоталармен және кәсіподақ ұйымының арнайы сыйлықтарымен марапатталды.
Автор туралы
Еспенбетова Зағира Нағметоллақызы
Қызылорда қаласы, №211 А. Байтұрсынов атындағы орта мектеп