Қазақша рефераттар

Сен бақытты ұлансың топтастыру

Сабақтың мақсаты

Білімділік

Тасымал тақырыбын меңгерту; өлеңді шапшаң, мәнерлеп және түсініп оқуға үйрету; өлеңнің мағынасын ұғындыру.

Дамытушылық

Оқушылардың ой-өрісін кеңейту; байланыстырып сөйлеу дағдысын, есте сақтауын, өз бетінше жұмыс жасау қабілетін дамыту; сұраққа нақты әрі толық жауап беруге жаттықтыру.

Тәрбиелік

Пәнге қызығушылықты арттыру; әдемі, таза, сауатты жазуға және ұқыптылыққа баулу; отбасы мүшелерін қадірлеуге, құрметтеуге, Отанын сүюге және қорғауға тәрбиелеу.

Сабақтың сипаттамасы

Түрі

Дәстүрлі сабақ.

Типі

Аралас сабақ.

Әдістері мен көрнекіліктері

  • Әдістері: сұрақ-жауап, түсіндіру, топтастыру.
  • Көрнекілік: тірек-сызба, тест тапсырмалары, кеспе қағаздар.

Сабақтың барысы

1) Ұйымдастыру бөлімі

Оқушыларды сабаққа әзірлеу, зейінін сабаққа бағыттау.

2) Үй тапсырмасын тексеру

  • Мәтінді оқыту, мазмұнын айтқызу.
  • Оқушылардың сұрақ қоюы және жауап беруі.
  • Мәтін мазмұнына сәйкес мақал-мәтел айтқызу.

Үй тапсырмасын бекіту: тест сұрақтары

  1. 1. Сөзде қанша дауысты дыбыс болса, сонша не болады?

    • а) буын
    • ә) әріп
    • б) сөйлем

  2. 2. Буынға дұрыс бөлінген сөзді тап.

    • а) тая-қ
    • ә) жұ-мырт-қа
    • б) дә-п-тер

  3. 3. Бір буынды сөзді тап.

    • а) қарағай
    • ә) таға
    • б) шөп

  4. 4. Екі буынды сөзді тап.

    • а) аспан
    • ә) үй
    • б) долана

  5. 5. Мына сызба (Δ–Δ) бойынша берілген сөзді тап.

    • а) ба-тыр
    • ә) да-на
    • б) а-қын

Жұптық тексеру: тест кілті ілінеді, нәтижелер өзара салыстырылады.

Сергіту сәті: қысқа қимыл-қозғалыс жаттығулары.

3) Жаңа сабақ

Көркем жазу минуты

Тт — табиғат

Табиғат қандай тамаша!

Талдау сұрағы: «Қарындаш» сөзінде неше буын бар?

Буынға бөлу үлгісі: қа-рын-даш.

67-жаттығу

  • Үлгі бойынша үш қатарға үш сөзден орындату.
  • «Қарағай», «ұшқыштар», «автобус», «дөңгелек» сөздеріне сөйлем құрату.
  • Сызба бойынша сөздің қалай бөлінгенін және не себепті солай бөлінгенін талдату (оқушылардың пікірін тыңдау).

Ереже: тасымал

Жазу жолына сыймаған сөз буынға бөлініп тасымалданады. Тасымалданған бөліктен кейін қысқа сызықша (дефис) қойылады.

Жұмыс түрі: жекелей оқыту және түсіндіру.

№1 дәптер: 1-тапсырма орындалады.

М. Қуанышбеков — «Сен бақытты ұлансың»

  • Автор туралы қысқаша мәлімет беру.
  • Өлеңді мәнерлеп оқу, сөздік жұмысы.
  • Тізбектей оқыту.
  • Өлеңнің жалпы мағынасын түсіндіру.

Талдау сұрақтары

  1. Өлеңде кімдер туралы айтылған? Оларды бір сөзбен қалай атаймыз?
  2. а) Ата туралы айтылған жолдарды тап.
  3. ә) Аға туралы айтылған жолдарды тап.
  4. б) Ел–Отан туралы айтылған жолдарды тап.
  5. Өлең мазмұнына байланысты қандай мақал-мәтелдер айтуға болады?

4) Сабақты бекіту

1. «Сен бақытты ұлансың» тақырыбы бойынша топтастыру

Негізгі ойды ашатын тірек сөздерді жинақтап, мағыналық байланысын көрсету.

2. Дидактикалық ойын: «Өз үйіне орналастыр»

Ойын мақсаты: берілген сөздерді екі «үйге» бөліп орналастыру: дұрыс тасымалданған және дұрыс тасымалданбаған.

Берілген сөздер

Ер-тегі, қ-ант, дәрі-гер, дом-быра, асх-ана, қаһар-ман, жа-палақ, қай-ық, жаңал-ық, қарын-даш.

Дұрыс тасымалданған

Оқушылар осы бөлікке дұрыс нұсқаларын орналастырады.

Дұрыс тасымалданбаған

Оқушылар осы бөлікке қате нұсқаларын орналастырады.

5) Үйге тапсырма

  1. М. Қуанышбековтің «Сен бақытты ұлансың» өлеңін мәнерлеп оқу.
  2. 68-жаттығу: сөздердің бір немесе бірнеше буынын келесі жазу жолына тасымалдап жазу.

6) Бағалау

Оқушылардың сабаққа қатысу белсенділігі, тапсырмаларды орындау сапасы, мәтін/өлеңді оқу мәнері және тасымал ережесін қолдануы бойынша бағалау.