Қазақша рефераттар

Балалар біз Атырау қаласына жеттік

Сабақтың мақсаты мен идеясы

Бұл сабақта жақшалы өрнектердің орындалу тәртібі пысықталады: алдымен жақшаның ішіндегі амалдар орындалатыны туралы ереже бекітіледі. Оқушылар топтық, жұптық және жеке тапсырмалар арқылы білімін қайталайды. Ойын элементтері жылдам әрі ауызша есептеу дағдыларын, логикалық ойлауды дамытып, танымдық қызығушылықты арттыруға бағытталған. Сонымен қатар патриоттық және адамгершілік тәрбие беру көзделеді.

Сабақтың түрі

Қайталау сабағы

Сабақтың типі

Интеграциялық, ойын сабағы

Пәнаралық байланыс

Ана тілі, дүниетану

Көрнекіліктер

Таратпа материалдар, Қазақстан қалалары (слайд), ойын тапсырмалар

Сабақтың барысы

Сабақ ойын-саяхат форматында ұйымдастырылады: оқушылар әр қалаға «поездбен» барып, тапсырмаларды орындау арқылы кілт сөзді жинайды.

1) Ұйымдастыру кезеңі

Психологиялық дайындық: «Жүрек жылуын беру» ойыны. Оқушы жүрегіне жылы тілек айтып, сыныптағы ұнаған оқушыға «жылуын» береді.

Мұғалім сабақтың тақырыбы мен мақсатымен таныстырады. Сол сәтте есік қағылып, біреу сыры бар сандық қалдырып кетеді. Сандықтың ашылуы үшін жұмбақ кілт сөзді табу қажет екені айтылады.

Экраннан кітап оқып отырған оқушының суреті көрсетіледі. Оқушылар оның Қартқожа екенін айтады. Қартқожа көмектесіп, кілт сөзді саяхат барысында табуға болатынын жеткізеді. Поезд дыбысы қосылып, сынып «жолға шығады».

2) Өткенді қайталау: ауызша есептеу

Оқушылардың алдында «билет» болады. Әр оқушы өрнектің мәніне сәйкес вагонға отырады («Орныңды тап» ойыны). Мұғалім билеттер арқылы дұрыс орналасуын тексереді.

Билеттердегі өрнектер

21 − 20
10 − 9
41 − 40
61 − 60
10 − 8
4 − 2
42 − 40
32 − 30
8 − 6
33 − 30
1 + 2
43 − 40
53 − 50
14 − 10
84 − 80
3 + 1
74 − 70

Қозғалыс бағытын табу («Кім жылдам?»)

Оқушылар келесі қалалардың қозғалыс бағытын есеп арқылы анықтайды. Қай топ бірінші тапса, сол жеңімпаз.

Алматы

(11 − 10)

4

Атырау

(23 − 20)

5

Түркістан

(10 − 8)

1

Көкшетау

(10 − 6)

3

Астана

(45 − 40)

2

Көркем жазу

Алматыға жеткенше дәптер ашылып, бүгінгі күн жазылады және көркем жазу жолы толтырылады.

Алматы: «Тоқтыларды жинау» ойыны

Экраннан Алматы қаласының көрінісі беріледі. Кенет «Шибұт, Қарынбас, Қылмойын» ертегісінің кейіпкерлері пайда болып, кілт сөздің жартысын бірден бермейтінін айтады. Ертегі бойынша олардың мақсаты — тоқтыны ұрлап, жеп қою. Оқушылар «жайлаудағы тоқтыларды жинап беру» тапсырмаларын орындайды.

Тапсырмалар

  1. 90 бен 50-дің айырмасына 8-ді қос.
  2. 80 бен 30-дың айырмасына 7-ні қос.
  3. 60 пен 50-дің айырмасына 40-ты қос.
  4. 70 пен 40-тың айырмасынан 20-ны азайт.
  5. 50-ге 90 бен 80-нің айырмасын қос.
  6. 60-қа 50 бен 30-дың айырмасын қос.

Тапсырмалар орындалғаннан кейін оқушыларға кілт сөздің бірінші бөлігі беріледі.

Түркістан: эстафета және уақыт өлшемдері

Түркістан — көне қалалардың бірі. Бұл бөлімде «Ұр, торпақ» ертегісінің кейіпкерлері пайда болады. Құс пен есектің тапсырмасы — эстафеталық жарыс: қай топ жылдам әрі зерек екенін көрсетеді.

Салыстыр

2 онд 5 бірл … 2 онд 3 бірл
5 онд … 5 бірл
3 онд 6 бірл … 6 онд 6 бірл
8 бірл … 8 онд

Уақыт өлшемдерін қайталау

  • 1 сағ = 60 мин
  • 1 тәулік = 24 сағ
  • 1 апта = 7 күн
  • 1 ай = 4 апта (30–31 күн)
  • 1 жыл = 12 ай (365 күн)
  • 1 мүшел = 12 жыл
  • 1 ғасыр = 100 жыл

Өздік жұмыс (жақшалы өрнектер)

Оқушылар тапсырманы орындайды, кейін экрандағы дұрыс жауаппен өзін-өзі бағалайды.

6 сағ + (3 сағ + 1 сағ) × (6 сағ + 3 сағ) + 1 сағ
(3 тәул + 7 тәул) − 2 тәул × 3 тәул + (7 тәул − 2 тәул)
(10 мин − 6 мин) + 1 мин × 10 мин − (6 мин + 1 мин)

3) Сергіту сәті: Атырау

Теңіз жағалауының толқын дыбысы қойылады — сынып Атырау қаласына жетеді. Осы сәтте «Аңқау арыстан» ертегісіндегі арыстан пайда болып, тапсырма береді: Ф. Оңғарсынованың «Білім керек бәріне» өлеңін қимылмен айту.

Көкшетау: есеп шығару және сюжеттік тапсырма

Экраннан Көкшетаудың көрінісі көрсетіледі. «Қасқыр мен түлкі» ертегісінің кейіпкерлері шығады. Ертегі жолбарыстың сырқаттануынан басталғаны еске түсіріледі.

Түлкінің тапсырмасы

Жолбарысқа емдік шөпті жинап берейік.

Қасқырдың тапсырмасы

№4, 52-бет. Есепті оқып, шартын құру.

1-ыдыста: 2 л

2-ыдыста: 5 л

Шешуі: 2 + 5 = 7 (л)

Жауабы: екі ыдыста 7 литр шырын.

4) Қорытынды: Астана

Соңғы аялдама — Астана. Бұл бөлімде білім бекітіледі:

  • Берілген ғимараттың қандай геометриялық фигуралардан құралғанын анықтау.
  • Жануарлардың қай пәтерде тұратынын табу (логикалық тапсырма).