Қазақша рефераттар

Балалар сендер нешеге дейін санай аласыңдар

Жамбыл облысы • Т. Рысқұлов ауданы

Балауса балалар бақшасы • Тәрбиеші: Махатова Г.М.

Ұйымдастырылған ашық оқу іс-әрекетінің технологиялық картасы

Топ: «Гүлдер» (орта топ)

Тақырыбы

«Ойнайық та, ойлайық»

Білім беру салалары

  • Таным
  • Қатынас

Бөлімдер

  • Математика
  • Тіл дамыту
  • Құрастыру

Инклюзивтік қолдау

Белсенділігі төмен балалармен жеке жұмыс, нақты нұсқаулар және қадамдап көмектесу.

Мақсаты

  • Балаларды 1-ден 5-ке дейін тура және кері санауға үйрету, бекіту.
  • Кеңістікті бағдарлау дағдыларын (оң–сол, жоғары–төмен) дамыту.
  • Тәулік бөліктері туралы білімдерін нақтылау және бекіту.
  • Геометриялық пішіндер туралы түсініктерін жетілдіру.
  • Ойлау, есте сақтау қабілеттерін дамыту, танымдық белсенділікті арттыру.
  • Тапсырманы орындауда нәтижеге жетуге тәрбиелеу.

Міндеттері

Дағдылар

  • 5 көлеміндегі санау дағдыларын қалыптастыру
  • Кеңістік ұғымдарын дұрыс қолдану

Қатынас және шығармашылық

  • Бірлесе жұмыс жасауды үйрету
  • Шығармашылық белсенділікті арттыру
  • Сөздік қорды байыту

Қажетті материалдар

Көрнекіліктер

  • 1–5 сандары
  • Геометриялық пішіндер

Құрал-жабдықтар

  • Әр балаға екі жолақты карточка
  • 1–5 дейінгі сандар жиынтығы
  • Геометриялық пішіндер жиынтығы

Оқу іс-әрекетінің барысы

1) Шаттық шеңбері

Шеңбер болып тұрайық.

Алақанды ашайық.

Күннің нұрын салайық.

Таза ауаны жұтайық.

Жүрекке жылу сыйлайық.

Жиналған жылы шуақты қонақтарға шашайық.

Қайталау сұрақтары

  • Қазір жылдың қай мезгілі?
  • Бір жылда қанша мезгіл бар?
  • Бір аптада қанша күн бар? Жеті күнді санап беріңдер.

2) Оқиға желісі: «Қояннан хат»

Есік қағылып, сайқымазақ келеді. Қолында 5 шар бар. Әр шардың ішінде тапсырма жазылған хат болады. Тәрбиеші хатты дауыстап оқиды:

«Құрметті балалар! Сәлеметсіңдер ме! Мен сендерден көмек сұраймын. Мен түлкімен дос болдым, оған үй салып беруге көмектесесіңдер ме? Ол үшін мына тапсырмаларды орындауларың керек. Сәлеммен: Қоян».

I тапсырма: 1–5 дейін тура және кері санау

Іргетас қаланды

Балалар 1-ден 5-ке дейін және 5-тен 1-ге дейін санайды. Дұрыс жауаптан кейін қол шапалақтайды.

II тапсырма: Сөздік ойын (қарсы мәнді толықтыру)

Қабырға көтерілді
  • Күзде жаңбыр жауады, ал қыста…
  • Жазда жеңіл киінеміз, ал қыста…
  • Көктемде ағашта жапырақ шығады, ал күзде…
  • Түлкінің құлағы қысқа, ал қоянның құлағы…
  • Таңертең біз оянамыз, ал түнде…
  • Үйдің шатыры — үшбұрыш, ал күннің пішіні…
  • Көзімізбен көреміз, ал құлағымызбен…

Сергіту сәті

Қимыл-қозғалыс

Қысқа қимылды жаттығулар орындалады (тәрбиеші балалардың жас ерекшелігіне сай қозғалыстарды көрсетеді).

III тапсырма: Үлестірмелі құралмен жұмыс

Шатыр орнатылды

Екі жолақты карточкамен жұмыс: берілген сандарды ретімен орналастыру, пішіндерді салыстыру, «жоғары–төмен», «оң–сол» ұғымдарын қолдану.

IV тапсырма: «Қай пішін жоқ?»

Есік орнатылды

Балалар көрсетілген геометриялық пішіндер қатарынан жетіспейтінін анықтайды және атайды.

V тапсырма: Жұмбақтар (уақытты бағдарлау)

Екі терезе орнатылды

Тәулік бөліктерін ажырату және дұрыс ретімен айту: таңертең, түс, бесін, кеш, түн.

Жеке қолдау

Белсенділігі төмен балаларға қысқа, түсінікті нұсқаулар беріледі; жауапты бірге құрастыруға бағытталған жетекші сұрақтар қойылады.

Қорытынды әңгіме

Сұрақ-жауап

  • Бізге қонаққа кім келді?
  • Біз үйді кімге құрастырдық?
  • Сендер нешеге дейін санай аласыңдар?
  • Бүгінгі оқу іс-әрекеті сендерге ұнады ма?

Бағалау

Белсенді қатысқан балалар мадақталады. Сабақтың негізгі нәтижелері қысқаша қайталанып, қорытынды жасалады.

Негізгі екпін: санау, кеңістік, уақыт, пішіндер.