Сөздік әдіс, көрнекілік көрсету
Ұйымдастырылған оқу іс-әрекеті: сөйлеуді дамыту
Тақырыбы
«Ертегілер еліндегі шалқан»
Мақсаты
- Балаларды ертегі мазмұнымен таныстыру және сұрақтар арқылы бекіту.
- Кейіпкерлерді мәнерлеп сомдауға үйрету.
- Ойындар арқылы есте сақтау қабілетін дамыту, сөздік қорын молайту.
- Еңбекқорлыққа және ұйымшылдыққа тәрбиелеу.
Қолданылатын әдістер мен құралдар
Әдіс-тәсілдер
Сөздік әдіс, көрнекілік көрсету.
Көрнекіліктер
- Ертегі суреттері
- Ертегі кейіпкерлерінің бетперделері
- Сиқырлы қорапша
- Табиғи гүлдер мен ағаштар
- Шалқан суреті
Билингвизм (сөздік жұмыс)
қыс
зима
шалқан
репка
Жылулық шеңбері: «Қайырлы таң»
Музыка ырғағымен балалар залға кіріп, орындықтарының жанына келіп тұрады. Тәрбиеші балаларды ғажайып ертегілер еліне шақырып, қонақтармен амандасуды ұсынады.
Қайырлы таң, көк аспан,
Қайырлы таң, жер-ана.
Қайырлы таң, алтын күн.
Сәлеметсіз бе! Здравствуйте!
ҰОІӘ барысы: ертегілер еліне саяхат
Кіріспе әңгіме
Тәрбиеші өзін ертегілер елінен келген ертегіші ретінде таныстырады және балаларды ертегі әлеміне саяхатқа шақырады: «Менің соңымнан жүріңдер».
Алғашқы тоқтаулар: таныс ертегілер
- «Шұбар ала тауық» — ертегі не туралы екенін еске түсіру.
- «Бауырсақ» — кімнен қашқаны және оны кім жеп қойғаны туралы сұрақтар.
- «Үйшік» — қандай кейіпкерлер бар екенін атау.
Сиқырлы сандық және жаңа ертегі
Балалар сиқырлы сандықты тауып, оны бірге ашады. Сандықтың ішінен шалқан шығады. Сөздік жұмысы жүргізіледі: шалқан — репка (балалар хормен қайталайды).
Негізгі әрекет
Суреттер арқылы «Шалқан» ертегісімен танысу.
Тапсырма
Тыңдағаннан кейін мазмұнын айтып беру.
Оқыту тәсілі
Ертегіні мәнерлеп оқу және сұрақ-жауап.
Ертегіні бекітуге арналған сұрақтар
Шалқан қайда өсті?
Ол қандай болды?
Атаға кімдер көмектесті?
Ертегі бізге қандай ой береді?
Қорытынды ой: бұл — тату-тәтті, ұйымшыл отбасы туралы ертегі. Кейіпкерлер бір-біріне көмектесіп, жақындарына қамқорлық көрсетеді.
Тәрбиеші балалармен қысқаша әңгімелеседі: «Сендер бір-біріңмен доссыңдар ма? Ендеше, дос болайық!»
Сергіту сәті және дидактикалық ойын
Сергіту сәті
Қысқа қимыл-қозғалыс жаттығулары арқылы балалар сергіп, зейінін қайта жинақтайды.
Дидактикалық ойын: «Қай кейіпкер жоқ?»
Ойын шарты: ертегі кейіпкерлерінің біреуінің суреті алынып тасталады. Балалар қай кейіпкердің жоқ екенін табады және атайды.
Кейіпкерлерді атау және санау
Балалар «Шалқан» ертегісіндегі кейіпкерлерді атайды: ата, әже, қыз, ит, мысық, тышқан. Кейін барлығын бірге санайды: алты кейіпкер.
Қорытынды: сұрақ-жауап
- Қандай ертегімен таныстық? — «Шалқан».
- Қандай ертегілер туралы жұмбақ жасырдық? — «Бауырсақ», «Шалқан».
- Ертегі сендерге ұнады ма? — Иә.