Балалар қараңдаршы мына терезеге
Сюжеттік-рөлдік ойын: «Емханада»
Білім беру саласы: Қатынас. Бөлімі: Қазақ тілі. Тақырыбы: «Дәрігердің қабылдауында».
Мақсаты
- Балалардың сөздік қорын тереңдету.
- Сөз және сөйлем мәдениетін меңгерту.
- Тілге деген қызығушылық пен құрметті арттыру.
Сабақтың барысы
Ұйымдастыру кезеңі
Балалар қазақ тілі бөлмесіне жайғасады.
Мұғалім:
Балалар, сәлеметсіңдер ме?
Балалар:
Сәлеметсіз бе, мұғалім!
Мұғалім:
Балалар, терезеге қараңдаршы. Не байқадыңдар?
Балалар:
Терезеден күннің көзі түсіп тұр.
Қимыл-қозғалыспен амандасу
Әр жол қимыл-әрекетпен бірге қайталанады:
- •Армысың, Алтын күн!
- •Армысың, Көк аспан!
- •Армысың, Асыл жер!
- •Армысың, ардақты достарым!
Осыдан кейін мұғалім балалардың назарын үсті жабылған үстелге аударады.
Қызығушылықты ояту
Мұғалім:
Балалар, қараңдаршы, мына жерде біреу дастархан жауып қойыпты. Ішінде не бар екенін көргілерің келе ме?
Балалар:
Иә, Марзия Жәкиевна!
Ойын: «Танысып алайық»
Мұғалім бастайды, балалар жалғастырады. Үлгі сұрақтар:
- Атың кім?
- Тегің кім?
- Жасың нешеде?
- Қалың қалай?
- Қайда тұрасың?
- Сен кімсің? (ұл бала/қыз бала)
- Әкеңнің аты кім?
- Анаңның аты кім?
Үлгі жауап
Менің атым Саша. Менің тегім Байшакова. Жасым бесте. Қалым тамаша. Қарағанды қаласында тұрамын. Мен қыз баламын. Әкемнің аты — Андрей, анамның аты — Наташа.
Осылайша әр балаға сұрақ қойылып, жауап алынады.
Мамандықтар туралы әңгіме
Мұғалім:
Балалар, қандай мамандықтарды білесіңдер?
Ойын: «Суреттен таны»
Мұғалім сурет көрсетеді, балалар мамандықтың атауын айтады және сол мамандық иесінің не істейтінін қимылмен көрсетеді.
Мұғалім:
Енді дастарханды ашып көрейін. Ой, мынау дәрігердің үстелі екен! Мұнда бір хат та бар.
Хаттың мазмұны
«Дәрігер апай: сендер “дәрігер” ойынын ойнай аласыңдар ма? Барлығын қазақ тілінде сөйлеп ойнаңдар. Дұрыс сөйлесеңдер, сендерді тосын сыйлық күтеді!»
Рөлдік ойын: «Дәрігердің қабылдауында»
Ойын шарты
- Балалар рөлдерді бөліседі: біреуі — дәрігер, біреуі — науқас.
- Дәрігер өз бөлмесінде отырады.
- Диалог толықтай қазақ тілінде жүргізіледі.
- Ойын 4–5 баламен кезекпен қайталанады.
Үлгі диалог
Есік қағылады
Науқас: Кіруге бола ма?
Дәрігер: Болады, кіріңіз. Отырыңыз.
Науқас: Сәлеметсіз бе, дәрігер апай!
Дәрігер: Сәлеметсіз бе! Қай жеріңіз ауырады?
Науқас: Басым ауырып, қызуым көтеріліп тұр.
Тексеру
Дәрігер: Шешініңіз.
Дәрігер: Қане, қысымыңызды өлшейін. Қызуыңызды өлшейін. Тамағыңызды қарайын.
Дәрігер: Дем алыңыз… дем алмаңыз.
Дәрігер: Киініңіз.
Дәрігер: Мына дәрілерді алып ішіңіз. Екі күннен соң қайта келесіз.
Қорытынды
Мұғалім балаларға алғыс айтып, келесі үстелдің үстінде пайда болған сандықты көрсетеді. Сандық ашылып, әр балаға бір қаламнан таратылады.
Мұғалім:
Балалар, сендер өскенде кім болғыларың келеді?
Балалар:
Өз ойларын айтады.
Сабақты аяқтау
Мұғалім: Осымен сабақ аяқталды, сау болыңдар!
Балалар: Сау болыңыз, мұғалім!