Қазақша рефераттар

Жол ережесіне байланысты жұмбақтар шешу

Отбасылық спорттық-танымдық жарыс

Тақырыбы: «Бағдаршамға бағынамыз, баршамыз!»

Мақсаты

  • Балаларға жол ережесінің бастапқы қағидаларын ойын арқылы түсіндіру.
  • Ата-аналарды ойынға қатыстыра отырып, балаларды бірлесе тәрбиелеуге, ортақ тіл табысуға ықпал ету.
  • Салауатты өмір салтын насихаттау және жеңіске ұмтылатын намысты ұрпақ тәрбиелеу.

Сұрақ–жауап

— Балалар, біз балабақшаға және басқа да жерлерге қалай барамыз?

— Жолмен барамыз.

— Немен барамыз?

— Көлікпен, велосипедпен немесе жаяу барамыз.

— Көшеде жүру ережесін білу бізге не үшін қажет?

— Көліктер соқтығыспауы, адамдардың амандығы және әр адамның өз өмірінің қауіпсіздігі үшін. Яғни, бәріміздің аман-есен жүруіміз үшін.

Олай болса, жол ережесін сақтап, қауіпсіз жүріп-тұру үшін «Бағдаршамға бағынамыз, баршамыз!» атты отбасылық спорттық-танымдық жарысымызды бастауға рұқсат етіңіздер.

Командалар және ұйымдастыру

Қатысушыларды екі топқа бөлеміз: «Жүргізушілер» және «Жаяу жүргіншілер». Атына заты сай жүргізушілер жеңе ме, әлде жаяу жүргіншілер басып оза ма — жарыс барысында білетін боламыз.

Әділқазылар алқасы

  1. ____________________
  2. ____________________
  3. ____________________

Жарысымыз 5 бөлімнен тұрады. Ерекшелігі — барлық кедергілер жол ережесімен байланысты болады, әрі бізбен бірге Бағдаршам та ойынға қатысады. Мұқият тыңдап, ережені сақтап ойнайық.

Бағдаршамның сәлемдесуі

Бағдаршам: Сәлем, балалар! Мені барлық елдің балалары жақсы біледі. Бүгін сендерге арнайы келдім — ойындарың қызықты әрі тартысты өтсін деп.

Жол бойында тұрамын,
Жол ережесін құрамын.
Адамның саулығы үшін
Үш көзіммен қызмет етемін.

Жарыс кезеңдері

1) Велосипедпен серуен

Эстафета

Шарты: Балалар белгіленген жерге дейін велосипедпен барып, айналып қайтады да, велосипедті келесі балаға береді.

Жүргізуші:
Қызыл жанса — тоқтағын,
Көрдің жұрттың тостқанын.
Сары жанса — дайындал,
Айналаңа қарап ал.
Жасыл жанса — тыңдағын,
Жолың ашық, тұрмағын.

2) Бағдаршам көздері

Құрастыру

Шарты: Алдындағы тақтаға бағдаршамның түстерін дұрыс ретімен орналастыру.

Жүргізуші:
Қызыл көзін ашқанда,
Ешқашанда баспа алға.
Орныңда тұр, қозғалма —
Ереже бұл: «Сен тоқта!»

3) Көпірден өтеміз

Қауіпсіздік

Шарты: «Көпір» қауіпті болғандықтан, ата-ана баланы көтеріп өткізіп, тез арада командасына оралады. Ойын барлық ойыншы өткенше жалғасады.

Жүргізуші:
Жасыл көзін ашқанда,
Қарап қалма аспанға.
Жүруге әлі болмайды —
Дайындықты сақтайды.

4) Жол ережесіне байланысты жұмбақтар

Танымдық

Арқаным бар тым ұзын,
Ала алмайсың бір үзім.
Табыңдаршы, балалар,
Бұл жұмбақтың шешуін.

Жауабы: Жол

Бір тұлпар су ішпейді, жем жемейді,
Ешбір адам емдемейді.
Жүк емес, жүз адам мінсе де,
Шылбырын сымға байлап тез жөндейді.

Жауабы: Трамвай

Бұйырмапты бас та, ауыз да, құлақ та,
Бақырайған үш көзі бар бірақ та.

Жауабы: Бағдаршам

Ала таяқ ұстағаны,
Жол тәртібін нұсқаған.
Өміріңді күзеткен,
Ысқырықпен түзеткен.

Жауабы: Жол полициясы

Көліктің қаншасын үстінен өткізген,
Іргеден басталып, алысқа жеткізген.

Жауабы: Жол

Өзі сөйлей білмейді,
Бірақ «Тоқта, жүр!» дейді.

Жауабы: Бағдаршам

Көше бойлап аяңдайды,
Адам тасып аялаиды.

Жауабы: Автобус

Жүргізуші:
Сары көзін ашқанда,
Көліктер саған тоқтайды.
Ережені білгендер,
Өтуге еш қорықпайды.

5) Балабақшадан баланы автобуспен алып қайту

Командалық ойын

Шарты: Команда «автобус» болып тізбектеліп отырады (бірінің артынан бірі). Бірінші ойыншы баласының қолынан ұстап, белгіленген бағытты айналып келеді. Жолда кедергілер кездеседі: бағдаршамның қызыл түсі жануы мүмкін, жаяу жүргінші өтуі мүмкін — мұның бәрі уақытты тежейді. Соған қарамастан, әр ойыншы келесісін «автобусқа» жалғап, ойынды бірінші болып аяқтауы керек.

Сөз кезегі әділқазыларға беріледі. Нәтиже жарияланып, жеңген топ марапатталады.

Қорытынды ереже

Жүргізуші:
Жолды кесіп өтерде
Сол жағыңа қарайла.
Жарты жолдан өткенде
Оң жағыңа қарайла.
Білгеніңді басқаларға
Үйрете жүр, жарай ма?