Қазақша рефераттар

Алманы жеу алгоритмі

Алгоритмдер және оны орындаушылар

Бұл сабақта біз күнделікті әрекеттерді ретімен орындаудың маңызын қарастырамыз. Реттелген қадамдар тізбегі алгоритм деп аталады.

Көңіл күйді көтеру: Мейірімді жүрекпен, ақпейілді тілекпен амандасайық, бір жадырап қалайық!

Топқа бөліну

  • Алфавиттің алғашқы 5 әрпі — I топ.
  • Келесі 5 әріп — II топ.
  • Келесі 5 әріп — III топ.

Топ ережелері

  1. 1 Бір-бірімізді тыңдаймыз.
  2. 2 Уақытты үнемдейміз.
  3. 3 Топ мүшелерінің пікірімен санасамыз.

Алгоритм деген не?

Берілген іс-әрекеттің реттелген жолын алгоритм деп атаймыз. Қазіргі кезде алгоритм ұғымы тек математикалық есепті шешу әдісімен шектелмейді — оның мағынасы әлдеқайда кең. Әрбір компьютер алдын ала берілген алгоритммен, яғни жоспар бойынша жұмыс істейді.

Мысал: ыдыс жуу алгоритмі

  1. 1 Раковинаға ыдыстарды жинап саламыз.
  2. 2 Краннан суды ағызамыз.
  3. 3 Ыдысты жуамыз.
  4. 4 Кранды жабамыз.
  5. 5 Қолымызды сүрткішпен сүртеміз.

Мысал: сабаққа бару алгоритмі

  • Оянамыз.
  • Жуынамыз.
  • Жаттығу жасаймыз.
  • Ас ішеміз.
  • Киінеміз.
  • Сабаққа барамыз.

Жаттығулар: алгоритм құрастыру

Дымбілместі үйретейік: допты бояу алгоритмі

Түстерді ретімен қолданып, бір әрекетті бір қадамға бөліп жазайық.

  1. 1 Сары түсті қылқаламды алып, допты сары түспен бояймыз.
  2. 2 Жасыл түсті қылқаламды алып, допты жасыл түспен бояймыз.
  3. 3 Көк түсті қылқаламды алып, допты көк түспен бояймыз.
  4. 4 Қызыл түсті қылқаламды алып, допты қызыл түспен бояймыз.

«Іс-әрекетті орында» ойыны: конфет жеу алгоритмі

  1. 1 Конфетті аламыз.
  2. 2 Конфетті ашамыз.
  3. 3 Конфетті жейміз.
  4. 4 Қағазын қоқысқа тастаймыз.
  5. 5 Бітті.

Тапсырма: Дымбілмеске алманы қалай жеуді үйрет

Алманы жеу үшін қандай қадамдар қажет? Алгоритм құрастырайық.

  1. 1 Алманы аламыз.
  2. 2 Алманы жуамыз.
  3. 3 Алманы жейміз.
  4. 4 Қалғанын қоқысқа саламыз.
  5. 5 Бітті.

Тапсырма: Буратиноға алтын теңгелерді жасыруға көмектес

«Ғажайып алаңға» алтын теңгелерді жасыру үшін әрекеттерді ретімен жазайық.

  1. 1 Шұңқыр қазамыз.
  2. 2 Шұңқырға теңгелерді саламыз.
  3. 3 Шұңқырды топырақпен көмеміз.
  4. 4 Су құямыз.
  5. 5 «Крекс, фекс, пекс» деген сиқырлы сөзді айтамыз.
  6. 6 Бітті.

Ойланайық

«Дөңгелектерден пирамиданы қалай құрастырамыз?» деген сұраққа алгоритм жасап көр. Әр қадам нақты, қысқа және ретімен жазылсын.

Кеңес: алгоритмде қадамдар түсінікті болуы керек, ал реті өзгерсе — нәтиже де өзгеруі мүмкін.