Көрші санды тап
Жезқазған қаласы • Жалпы орта білім беретін №1 орта мектебі КММ
Пәні: Математика (1-сынып)
Тақырыбы: 7 саны және цифры
Мұғалім
Жандаулетова Қызғалдақ Жаңғазыевна
Бастауыш сынып мұғалімі
Сабақтың мақсаты
- Оқушыларды 7 саны және цифрымен таныстыру, оның киелі сан екенін түсіндіру.
- Саналы түсіну дағдысын дамыту, алған білімдерін саралай білуге үйрету.
- Санды санға қосуды, саннан санды азайтуды, белгісіз санды табуды меңгерту.
- Ойлау, есте сақтау қабілеттерін және ауызша есептеу дағдыларын ойын арқылы дамыту; логикалық ой-өрісті кеңейту.
- Еңбекқорлыққа, шапшаңдыққа, мейірімділікке тәрбиелеу.
Көрнекілігі
Интерактивті тақта, суреттер, сызбалар, жеке карточкалар, геометриялық фигуралар, 7 санының баспа және жазба түрлері.
Сабақтың түрі
Аралас сабақ.
Әдіс-тәсілдері
Сұрақ-жауап, ауызша жұмыс, түсіндіру, көрнекілік, талдау және жинақтау.
Сабақтың барысы
I. Ұйымдастыру кезеңі
Оқушылардың назарын сабаққа аудару. Психологиялық дайындық:
Мұғалім:
Екі көз не үшін керек?
Балалар:
Жақсылықты көру үшін.
Мұғалім:
Екі құлақ не үшін керек?
Балалар:
Ақыл-кеңес тыңдау үшін.
Мұғалім:
Екі қол не үшін керек?
Балалар:
Елге көмек беру үшін.
Мұғалім:
Екі аяқ не үшін керек?
Балалар:
Шетте жүрсең, туған жерге жету үшін.
II. Үй тапсырмасын тексеру
- 6 саны және цифры бойынша білімді қайталау.
- Мысалдарды орындау.
- 6-ға дейін тура және кері санау.
III. Білімді жан-жақты тексеру
1-ден 6-ға дейін тура және кері санау.
Ойын: «Қандай сандар жетіспейді?»
Кіші көршім оң жақта,
Үлкен көршім сол жақта.
Тұрушы еді қасымда,
Қайда кеткен жан-жаққа?
Көрші сандарды тап.
… 2 …
… 3 …
… 6 …
IV. Жаңа сабаққа даярлық
Ойын: «Кім жаңылыспайды?»
Бір, екі, үш — келесі сан төрт дейміз.
Бес, алты, жеті — толық санап бітпейміз.
Ауызша есеп
Алтау аз деп балапан,
Қосты тағы бір балапан.
Табыңдаршы ойланып,
Қанша болды балапан?
Суреттермен жұмыс
Суреттен 7 санын білдіретін заттарды тапқызу, басқа заттармен салыстыру.
V. Жаңа білімді меңгерту
Оқулықпен жұмыс. Мұғалім 7 саны туралы түсінік береді: 7 — тақ сан.
№1
7 санына байланысты мысалдар келтіру.
№2
Қосындылар құру:
- 2 + 2…
- 3 + 1…
- 5 + 0…
- 4 + 1…
№3
Салыстыр:
- 6 … 7
- 6 … 5
- 5 … 7
- 4 … 7
- 6 см … 7 см
- 7 см … 7 см
Қай жол ұзын? Қайсысы қысқа? Салыстыр.
№5
7 цифрын дәптерге жазу (жазу талаптарын сақтау).
Сергіту сәті
Шаршасаңдар, балалар,
Қолдарыңды созыңдар.
Бір, екі, үш, төрт, бес —
Саусақтармен ойнаңдар.
Денелерің шынықсын,
Саналарың тынықсын.
Дәптермен жұмыс
Үлгі дәптердегі тапсырмаларды орындау, жазу ережесін еске түсіру.
VI. Сабақты бекіту: «Ғажайып 7 санына саяхат»
7 ғалам
Оңтүстік, солтүстік, батыс, шығыс, жер, аспан, жер асты.
7 күн
Бүгін, ертең, бүрсігүні, арғы күні, ауыр күн, соңғы күн, азына.
7 ата
Бала, әке, ата, арғы ата, баба, түп ата, тек ата.
7 қазына
Ер жігіт, сұлу әйел, қыран бүркіт, берен мылтық, ақыл-білім, жүйрік ат, жүйрік тазы.
7 жоқ
- Жерде өлшеуіш жоқ.
- Аспанда тіреуіш жоқ.
- Аллада бауыр жоқ.
- Жылқыда өт жоқ.
- Таста тамыр жоқ.
- Аққуда сүт жоқ.
- Тасбақада талақ жоқ.
7 жұт
Құрғақшылық, жұт, оба, өрт, соғыс, топан су, зілзала.
VII. Қорытынды
Сұрақтар
- Қандай геометриялық фигураларды білесіңдер?
- Оларды бөліктерге қалай бөлуге болады?
VIII. Үй тапсырмасы
- 78–79-беттерге дайындалу.
- Санамақ жаттау.
IX. Бағалау
Оқушылардың жұмысын қорытындылап, белсенді қатысқан оқушыларды мақтау және мадақтау.