Сөйлемнің ішіндегі күрделі етістіктің астын сыз
Сабақтың тақырыбы
Дара және күрделі етістіктер
Мақсаты
- Дара және күрделі етістіктер туралы түсінік беру.
- Мәтіннен етістіктерді табуға және оларды ажыратуға үйрету.
- Оқушылардың тілін дамытып, сөздік қорын молайту.
- Ұқыптылыққа тәрбиелеу.
Көрнекілігі
Оқулық, түрлі-түсті суреттер.
Әдісі
Түсіндіру, сұрақ-жауап, іздену, өзіндік жұмыс.
Түрі
Аралас сабақ.
Сабақтың барысы
I. Ұйымдастыру кезеңі
Сабаққа дайындық, құрал-жабдықтарды түгендеу.
II. Үй тапсырмасын тексеру
374-жаттығу бойынша орындалған тапсырманы тексеру.
III. Өткенді пысықтау
- Етістік деген не?
- Етістіктің сұрақтары қандай?
- Мысалдар келтіру.
IV. Мақсат қою кезеңі
Етістіктер дара және күрделі түрге бөлінеді.
Дара етістік
Бір сөзден тұрады: келді, оқыды, көрді.
Күрделі етістік
Екі немесе үш сөзден құралады: келе жатыр, оқып отыр, көріп жүр.
V. Жаңа сабақ
Оқулықпен жұмыс: 374-жаттығу. Сөйлемдерді көшіріп жазып, етістіктердің астын сыз. Оларды өзара салыстыр. Не байқадың?
Салыстыру үлгілері
Жаңбыр жауды. — Жаңбыр жауып тұр.
Қос аққу ұшты. — Қос аққу ұшып барады.
Айнұр кітап оқыды. — Айнұр кітап оқып отыр.
376-жаттығу: дара етістіктерді күрделі етістікке айналдырып жаз.
| Дара етістік | Күрделі етістік |
|---|---|
| ұшты | ұшып барады |
Ережені оқыту: хормен оқу, талдау, мысалдармен бекіту.
VI. Түсінгендерін тексеру
377-жаттығу: берілген етістіктерді қатыстырып сөйлем құра. Әр етістіктің дара немесе күрделі екенін айт.
Берілген етістіктер: өсіп тұр, биледі, емдеп жүр.
378-жаттығу: дара және күрделі етістіктерді салыстырып, дәлелде. Мағыналық ерекшеліктерін байқа.
Тірек сөздер: көздеді, ойнап жүр, келе жатыр, көрді, тоқып жатыр, шомылды.
VII. Бекіту
- Дара етістік дегеніміз не?
- Күрделі етістік дегеніміз не?
- Сурет бойынша сөйлем құра. Сөйлем ішіндегі күрделі етістіктің астын сыз.
VIII. Үй тапсырмасы
379-жаттығу: сурет бойынша әңгіме құрастыру.