Маңғыстау түбегі - халық жадында, оның фольклорында, сондай - ақ мыңдаған тарихи және археологиялық ескеркіштерінде сақталып қалған көп ғасырлық тарихы бар өлке

Маңғыстау түбегі – халық жадында, оның фольклорында, сондай - ақ мыңдаған тарихи және археологиялық ескеркіштерінде сақталып қалған көп ғасырлық тарихы бар өлке. Шөл даланың шексіздігі теңіздің шексіздігімен астасып жатқан бұл қатал өлкені ежелден бері ауыр климат жағдайынан да, мыңдаған шақырымға созылған арақашықтықтан да сескене қоймайтын адамдар мекендейді. Бұл – ежелгі өркениеттің мекені, археологиялық қорық, мемлекет қорғауына алынған 11мың тарихи ескерткіш сақталған мұражай, жартасқа салынған суреттердің елі.

Маңғыстауда көнермейтін мәдени маңызы бар тарихи және сәулеткерлік ескерткіштер мол сақталған. Олар, негізінен, мемориалдық қабір басындағы құрылыстар – құлпытастар, қойтастар, ұштастар мен олардың бір - бірімен үйлесуі және діни ғимараттар – мешіттер. Маңғыстаудағы 360 әулиенің өлкесі деп бекер атамаған. Бекет ата, Қараман ата, Шопан ата, Шақпақ ата мешіттері танымдық туризмнің нысаны болып қана қоймай, мыңдаған адамды тарихи және діни көздермен таныстыратын діни орындарға айналды.

Елсіз жатқан шексіз дала кенеттен материктің тереңінен Каспий жағалауына ұмсына орналасқан түбектің ең үлкен және жап - жасыл коньондарының бірі Сұлтан - епе тәрізді коньондармен алмасып кетеді. осы бір таңғалдырарлық табиғи мекен оңтүстіктің өткір күн сәулесі күйдірген сазды және құмды төбешіктер арасында Құдайдың өзі ұмыт қалдырған шуақты жасыл орамал тәрізді әсер етеді. Олардың арасындағы жіңішке өзекшелер шөл даланың аптап ыстығын елең қылмастан әр түрлі ағаштар мен шүйгін шөпке толған. Долана, қарағаш, жалбыз, көпшілігі осы арада ғана өсетін жергілікті түр болып табылатын басқа да ондаған өсімдік түрлері шөл дала түпкіріндегі осы оазистің тіршілігінің көзі болып отырған көптеген бұлақтар мен жылғалардың арқасында өсіп тұр. Коньон іші онда тұнып тұрған тыныштықпен үйлесімді аккомпанемент құратын, қалжыраған жолаушыны аңсай күткен демалысқа шақыратын құстардың сайраған үніне толған.