Аружан әжесінің қолқанаты
Мерекелік тәрбие сағатының барысы
Кіріспе өлең
Жер бусанып, көк шығып, сегізінші наурыз,
Арықтардан су ақты — келген кезі көктемнің.
Бүрлеп өсіп көк шыбық, жұтып жатыр шуақты,
Елжіреп нұр төккен күн бәрімізді қуантты.
Бұл — аналардың мерекесі.
Мұғалімнің құттықтауы
Құрметті асыл аналар, қыз-қызғалдақтар, қадірлі ұстаздар! Мерекелеріңіз құтты болсын. 8 наурыз — көктеммен бірге келетін тамаша күн, табиғаттың оянатын мезгілі. Бұл күні ең жылы сезімдер — қайырымдылық пен кішіпейілділік, үміт пен сенім, махаббат пен адалдық — бір арнаға тоғысады. Осы мерекеге орай ұйымдастырылған тәрбие сағатымызға қош келдіңіздер!
I бөлім
Ана – өмір шуағы
II бөлім
Наурыз аруы
I бөлім: Ана – өмір шуағы
Жүргізушілер сөзі
1-жүргізуші: Дүниеде анасыз адам болмайды. Мына отырған сендер де, мен де — бәріміз анадан туып, ананың мейірімінен нәр алған жандармыз. Ендеше, ардақты аналар мен салмақты әжелерге арналған «Ана – өмір шуағы» бөлімін бастайық.
2-жүргізуші: Бізді өсірген анашым, еңбегің де зор екен.
1-жүргізуші: Құтты болсын, анашым! Құтты болсын мерекең!
Оқушылардың өлеңдері
1-оқушы: Ана — біздің елде ардақты адам. Кіші де, үлкен де оны ардақтаған. Өзінің аяулысы — Отанды да «Ана» деп халқымыз бекер айтпаған.
2-оқушы: Ана деген — асқақ ән, орындайтын әрқашан. Анадай қымбат сыйлықты таба алмайсың ешқашан.
3-оқушы: Ана деген — ақылшың, анаң барда батырсың. Қасыңда кім болса да, тек анаңа жақынсың!
4-оқушы: Ақыл құйған санама алғыс айтам анама. Күн алыста, ал анам үнемі менің жанымда.
5-оқушы: Анаң болса қасыңда, басқа бақыт не керек? Аналардың жүрегі мейірімді ғой керемет.
6-оқушы: Теңдесі жоқ данасың, арқа тұтар панасың. Еңбегіңді ақтайын, аман болшы, анашым!
Хормен:
Бәрі жақсы ананың, бәрі де оның керек-ақ…
Бірақ әрбір баланың өз анасы бөлек-ақ!
Ән
«Ақ мамам»
Әжелерге құрмет
2-жүргізуші: Бізге жарық өмір сыйлаған — анамыз бен әкеміз. Ал сол ананың анасы, әкенің анасы — біздің әжеміз.
1-жүргізуші: «Қариясы бар үйдің қазынасы бар» деп бекер айтылмаған. Қазыналы әжелерімізді құттықтай отырып, өлең-жырларымызды қабыл алыңыздар.
7–8-оқушылар: Аналарды сүйеміз, ақылын ойға түйеміз. Әжені де ардақтап, әдеппен бас иеміз. Әже деген — әр үйдің берекесі, сәбидің қамқоршысы, алыптардың анасы, пәнидің қонағы.
9-оқушы: Құртын, майын сақтаған, жұртқа мені мақтаған — әжетайым ол менің, қылығымды жақтаған.
10-оқушы: Тентек болсам, ашынып, жақсы іс қылсам, асырып — маған сақтап жүреді тәттіні де жасырып.
11-оқушы: Тосып тәтті дәмдерін, ол бар жерде бал жедім. Мен ұйықтарда айтады ертегісін, әндерін. Біздің үйде осындай әжетайым бар менің.
Барлығы:
Құттықтаймыз сіздерді! Әжемізге мың алғыс!
Көрініс
«Жай ғана әжей»
Хор
«Құттықтаймын, ана, мерекеңізбен!»
Аналар мен әжелерге дайындалған сыйлықтарды табыстау.
II бөлім: Наурыз аруы
Сайыстың ашылуы
1-жүргізуші: Достықты біз ойлаймыз, бірге күліп ойнаймыз. Қыздарды да құттықтап, мерекесін тойлаймыз! Ендеше қыздарымызға арналған сайысымызды бастаймыз. Алдымен әділқазылар алқасын сайлап алайық.
2-жүргізуші: Біздің қыздар білімді, меңгерген ілімді. Біздің қыздар елгезек — алады тез тіліңді. Сыныбымыздың ақылды, білімді, елгезек қыздары алдарыңызда өнерлерін ортаға салмақ.
Қатысушылар
-
Рымбекова Жанерке Талғатқызы
Дос пейілді, жанашыр, мейірімді, жауапкершілігі жоғары. Билегенді ұнатады, өнер мектебіндегі би үйірмесіне қатысады.
-
Елеукенова Аида Амангелдіқызы
Сабақты жақсы оқиды. Істі баяу, бірақ тиянақты орындайды; көп сөйлемейтін, салмақты, ұяң мінезді, мейірімді.
-
Нұриден Аружан Медетқызы
Іске ширақ, жүрегі жылылыққа толы, қылықты. Өз ісімен де, мінезімен де баурап алатын ерекше қасиеті бар. Әжесінің қолғанаты.
-
Букешова Айдана Маратқызы
Бірбеткейлеу мінезі бар, достарының қуанышына қуана біледі. Әдемі киінгенді, сұлулықты сүйеді; кербез, ерке. Мақтағанды ұнатады, көңілденсе әндетіп жібереді.
-
Асхат Айжан Асхатқызы
Жауапкершілігі жоғары, белсенді, білімді. Байқағыш, ширақ ойлы, жанашыр. Анасына қолғанат, бауырларына қамқор әпке.
-
Өтепберген Аружан Қонысбайқызы
Өз ойын еркін жеткізеді, жан-жақты білімді. Есте сақтау қабілеті мен қиялы жоғары. Бақылағанды, зерттегенді және қорытынды шығарғанды жақсы көреді.
Қатысушыларды ұлдар бір-бірлеп сахнаға алып шығып, таныстырады.
I. Таныстыру
2-жүргізуші: Таныстырсын өздерін, тамылжытып сөздерін! (Әр сайыскер өзін таныстырады.)
II. Өз өнері
1-жүргізуші: Қазақ жұрты киелі, өнерліні сүйеді. Қыздар ортаға шығып, би билеп, ән салады.
III. Қолөнер: ою қию
2-жүргізуші: Он саусағы майысқан, шебер болар ұрпақпыз. Тұла бойы толған өнер — өрнек жасайтын ұрпақпыз!
Ән
«Алтын ана»
IV. Ширату сұрақтары
Әр сайыскер ортаға шығып, бір әріпті таңдайды. Берілген сұрақтарға сол әріптен басталатын сөздермен жауап береді.
| Сұрақ | Жауап үлгісі («С» әрпі) |
|---|---|
| Атың кім? | Самал |
| Құрбыңның аты кім? | Саяжан |
| Қайдан келдің (қала/ауыл)? | Сараннан |
| Нені жақсы көресің? | Самсаны |
| Фамилияңды (тегіңді) айт | Смағұлова |
| Жануардың атын айт | Сілеусін |
| Қандай өсімдікті білесің? | Сәбіз |
| Ер баланың атын айт | Саят |
| Қандай көлікке міндің? | Самолетке |
| Нешеге дейін санай аласың? | Сегізге дейін |
Ойын (аналармен)
«Әндер сақинасы»
Бір ана ән бастайды, келесі ана жалғастырады.
Ойын (ер балалармен)
«Жүрекке жылы сөздер»
Ұлдар «Анам қандай?» деген сұраққа жауап болатын жылы сөздерді тізбектейді: мейірімді, ақылды, әдемі, сабырлы, т.б.
V. Ерекше киім үлгісі
1-жүргізуші: Қыздың көркі — қылығында. Бүгінгі мерекеде қыздарымыз ерекше киім үлгісін жасап көрсетеді.
Ән
«Ертегілер»
Марапаттау
1-жүргізуші: Көңілді көтердік біз мерекеде — әжелер, аналар мен қыздар үшін. Қаттырақ соғайықшы алақанды, келгенде алдымызға қыздарымыз!
2-жүргізуші: Ару қыздарымызды марапаттау сәті туды. Келесі кезек — әділқазылар алқасында! (Әр қызға мадақтама қағазы мен сыйлық табысталады.)
2-жүргізуші: Ең жақсы сөз — ана. Өсіп жатса бала, ана оған пана. Аман болсын ана!
1-жүргізуші: Ата-аналық — үлкен сын, бала өсіру — ұлы өнер. Жақсылардың соңынан жарқын қыз бен ұл өсер.
Қорытынды сөз
Мұғалім: Шуақты көктем келді гүлін алып, көктемнің мерекесі бүгін анық. Өмірдің көктемі де, гүлі де — аналар. «Ана» деп бас иеді күллі халық!
Құрметті аналар, мерекелеріңіз мерекеге ұлассын! Білімді де сүйкімді, өнерлі де сымбатты қыздарыңыз бен ұлдарыңыздың қуанышына тоймай, ұзақ ғұмыр сүріңіздер!