Қазақша рефераттар

Жаңа сабақты түсіндіру Модель термині көп мағыналы

Сабақ туралы мәлімет

Білім беру ұйымы

Арыс қаласы, Аманкелді атындағы жалпы орта мектебі

Пән мұғалімі

Информатика пәні мұғалімі: Алмахан Балжан

Сабақтың тақырыбы

Модель және модельдеу. Модельдің түрлері

Сабақтың мақсаты

Білімділік

Оқушылардың модель, модельдеу және модель түрлері туралы түсінігін қалыптастыру.

Дамытушылық

Оқушылардың ақыл-ой өрісін кеңейту, танымдық қабілетін дамыту.

Тәрбиелік

Оқушыларды ұқыптылыққа, әсемдікке баулу және шығармашылық қабілетін арттыру.

Сабақтың өту барысы

  1. Оқушыларды ұйымдастыру.
  2. Топқа бөлу.
  3. «Жауабын тап» тапсырмасы.
  4. Үй жұмысын тексеру.
  5. Жаңа сабақ.
  6. «Болашаққа көзқарас»: Expo–2017 тақырыбы бойынша ой толғау жазу.
  7. Қорытындылау (сөз құрастыру, тест).
  8. Бағалау.
  9. Үй тапсырмасын беру.

Үй жұмысын тексеру: сұрақ-жауап

Төмендегі сұрақтар өткен тақырыптарды қайталап, негізгі ұғымдарды нақтылауға арналған.

1) Алгоритм дегеніміз не?

Берілген есептің шығару жолын реттелген амалдар тізбегі түрінде көрсету.

2) Паскаль тіліндегі программа неше бөліктен тұрады?

Үш бөліктен тұрады: тақырып, сипаттау бөлімі және оператор бөлімі.

3) Интерпретатор дегеніміз не?

Бір тілден екінші тілге командаларды аударып, оларды бірден орындауға арналған трансляторлық программа.

4) Сызықтық алгоритм дегеніміз не?

Әрекеттердің тізбектей орындалуын сипаттайтын алгоритм.

5) Алгоритмнің қанша қасиеті бар?

5 қасиеті бар.

6) Паскаль тілін кім және қай жылдары ұсынды?

Никлаус Вирт, 1968–1971 жылдары.

7) Кез келген программа қандай сөзден басталады?

program сөзімен басталады.

8) Алгоритмдік тіл дегеніміз не?

Орындалатын әрекеттерді (амалдарды) бірізді және дәл жазуға арналған тіл.

Жаңа тақырып: модель және модельдеу

Модель ұғымы

Модель термині көп мағыналы. Ол нақты нысанды толық қайталамай, оның маңызды қасиеттерін ықшам түрде көрсететін бейне немесе аналог ретінде түсіндіріледі.

Нысанның қарапайым көшірмесі.

Заттың кішірейтілген түрі (макет).

Табиғатта немесе қоғамда болып жатқан құбылыстар мен үдерістерді сызба, сурет, мәтіндік сипаттама түрінде көрсету.

Модель физикалық немесе ақпараттық аналог болуы мүмкін: оның жұмыс істеу өлшемдері нақты нысанның жұмыс істеу өлшемдеріне ұқсас келеді.

Модельдеу ұғымы

Модельдеу — объектілерді, процестерді немесе құбылыстарды зерттеу мақсатында олардың моделін (макетін) құру үдерісі.

Бір объект (процесс немесе құбылыс) үшін әр түрлі модель жасауға болады, себебі әр модель белгілі бір мақсатқа қызмет етеді: түсіндіру, салыстыру, болжау немесе жоспарлау.

Негізгі анықтама

Модель — нақты объектіні, процесті немесе құбылысты ықшам әрі шағын түрде бейнелеп көрсететін құрал. Ол көрнекі түрде жоспар, сызба, сурет немесе жазбаша сипаттама ретінде ұсынылуы мүмкін.