Қазақша рефераттар

Наурызды қалай түсінесің

Нұр себеле, Ұлыстың ұлы күні!

Наурыз мерекесіне арналған ертеңгілік сценарийі

Мақсаты: балалардың Наурыз мерекесі туралы білгенін тереңдету, мерекедегі ұлағатты салт-дәстүрді дәріптеу және құрметтеуге тәрбиелеу.

Жүргізушінің құттықтауы

Ассалаумағалейкүм, ағайын! Ынтымақ пен ырыстың басы — әз Наурыз құтты болсын!

Ұлағатты ұстаздар, ардақты ата-аналар, құрметті қонақтар, бүгінгі күн — біз үшін дүбірлі күн! Ұлыстың ұлы күні Наурыз баршамызға бақ-берекесімен келсін!

Бұл — араздасқан ағайын татуласатын, табысатын күн. Барша түркі халықтары бір-бірімен амандасып, қауышатын күн. Дәл осы күні біз де сіздермен Қашар ауылында Наурыз мерекесінің дастарханында қауышып отырмыз!

Қатысушылар мен көрініс

  • Ортада қазақы оюлы көрпешенің үстіне әр топтан 2 анадан отырады.
  • Ата-аналар мен жүргізуші ұлттық киіммен шығады.
  • Ән: «Наурыз — думан». Ортаға «Балапан» тобының бүлдіршіндері шақырылады.

Үш ауыл, үш топ

Наурыз тойын тойлауға біз үш ауыл болып жиналдық. Үш топ: «Бәйшешек», «Қызғалдақ», «Түймедақ». Ендеше, әр топтың Наурыз тойына арнаған құттықтауларын тыңдайық.

1

Наурыз тойы — тамаша,
Наурыз тойы — жаңаша.
Табиғат та тамаша,
Тамылжып тұр жараса.

2

Жылдың басы — Наурыз,
Жердің басы — Наурыз.
Мерекеге арналсын
Бүгінгі жыр-әніміз.

3

Жыл басы — Наурыз мереке,
Ақ нұрға әлем боялды.
Наурыз тойы — береке,
Тіршілік жаңа оянды.

4

Күн мейрамы ежелден,
Құтты болсын Наурыз!
Наурыз — береке,
Құтты болсын мереке!

5

Жарасып, жаңғырып
Құлпырды жер мен көк.
Әр жүректен ән тарап,
Шаттанады шартарап.

6

Наурыз тойым, Наурыз тойым,
Құтты болсын, халайық!
Қане, достар, қане, достар,
Шырқап әнге салайық.

7

Уа, ағайын, халайық,
Мұнда назар салайық!
Мерекесі халықтың —
Наурыз тойын бастайық!

8

Наурыз келді еліме,
Наурыз келді жеріме.
Байлық, бақыт тілеймін
Бүкіл қазақ еліне!

9

Келді, келді Наурыз айы —
Ән салайық бәріміз.
Келді, келді Наурыз айы —
Би билейік бәріміз!

10

Бұл — мұсылман жаңа жылы,
Қуануда даламыз.
Бұл — мұсылман жаңа жылы,
Шырқап әнге саламыз!

Сұрақ-жауап бөлімі

1-топ

Наурызды қалай түсінесің?

Күтілетін жауап: Наурыз — жаңа күн, жыл басы, Ұлыстың ұлы күні; халыққа молшылық тілеу; өкпе-назды ұмыту.

Наурыз көже неден жасалады?

Күтілетін жауап: ет, сүт, тұз, кеспе және басқа да дәмдер.

2-топ

Ұлттық киімдерді ата.

Күтілетін жауап: камзол, мәсі, тақия, көкірекше, сәукеле, шапан, кимешек және т.б.

Ұлттық ойындарды білесіңдер ме?

Күтілетін жауап: сақина салу, арқан тарту, асық ойнау, бәйге, ақсүйек, аударыспақ, орамал тастау, қазақша күрес, қыз қуу және т.б.

3-топ

Қазақ халқына тән тойларды ата.

Күтілетін жауап: бесік тойы, сүндет тойы, тіл ашар, беташар, қыз ұзату, үйлену тойы және т.б.

Наурыз қай мезгілде келеді және қандай ерекшеліктері бар?

Күтілетін жауап: көктемде; күн жылынады, жаңбыр жауады; Наурыз тойы тойланады; күн мен түн теңеледі.

Енді әр ауылдан келген қыздарымызды биге шақырайық! Би: «Қамажай»

Ұлттық ойындар

  • Ойын: «Тақия алу»

    Шапшаңдық пен ептілікті шыңдайтын көңілді ойын.

  • Ойын: «Сақина салу»

    Ата-аналармен бірге ойналады.

  • Ойын: «Арқан тарту»

    Бірлік пен командалық рухты күшейтеді.

Сөзжұмбақ

Жүргізуші сөзжұмбақты ата-аналар мен балаларға жасырады. Соңында дұрыс жауаптар көрсетіліп, тексеріледі.

Сұрақтар

  1. Наурыз көжені немен ішесің?
  2. Наурыз айында, осы мерекеге дейін қандай мерекені тойладық?
  3. Әр мерекені немен безендіреміз?
  4. Әжемнің орамалының түсі қандай?
  5. Балабақшаға кімдер барады?

Жауаптар

  1. Қасық
  2. Аналар
  3. Шар
  4. Ақ
  5. Балалар

Жалпы би: «Қара жорға»

Қорытынды

Осымен Наурыз мерекесіне арналған ертеңгілігіміз аяқталды. Ендеше, «Балапан» тобымен бірге Наурыз көжеден дәм татайық.