Қазақша рефераттар

Бірдей сандарды азайту тәсілдеріне тоқталу

Маңғыстау облысы • Жаңаөзен қаласы • №7 орта мектеп

Бастауыш сынып мұғалімі: Қуанышева Алтынзер Қылышбайқызы

Сабақ тақырыбы

Бірдей сандарды азайту

Сабақ мақсаты

  1. Бірдей сандарды азайтқандағы айырманың мәнін табу. Бір амалмен шығарылатын есепті талдау және түрлендіру. Топта ондықтан аттап екі таңбалы сандарды қосу және азайту амалдарын жазбаша әдістермен орындау.
  2. Дүниетанымды, тіл байлығын және ойлау қабілетін дамыту.
  3. Ұлттық тәрбие беру.

Көрнекі құралдар

  • Слайдтар
  • Семантикалық карта
  • Оқулық

Әдіс-тәсілдер

  • СТО
  • Түсіндіру
  • Дәлелдеу

Сабақ барысы

I. Ұйымдастыру

1-слайд: «Ғажайып сәлемдесу»

Мұғалім сөзі

Мейірімді жүрекпен,

Ақпейілді тілекпен,

Амандасып алайық,

Бір жадырап қалайық.

Оқушылар сәлемі

Үлкенге — сіз,

Кішіге де — сіз.

Сәлем бердік сіздерге,

Құрметпенен біз.

2-слайд: Психологиялық дайындық («Күн шығару»)

Мұғалім оқушылармен қысқаша әңгіме жүргізеді: күнді бақылау арқылы оның көңіл күйі мен адамға беретін жарық, жылу туралы ой қорытындылайды.

Негізгі ой:

«Күн сәулесіндей бір-бірімізге жан жылуымызды сыйлап, бір-бірімізге сәттілік тілейміз».

Бүгінгі сабақта сынып 3 топқа бөлінеді. Тапсырмалар топта талқыланып орындалады. Көп ұпай жинаған топ — жеңімпаз.

Бағалау жетондары

  • Сары — 5
  • Көк — 4
  • Қызыл — 3

Топтар

I топ II топ III топ

II. Өткен білімдерді қайталау

3-слайд: «Блум түймедағы» (сұрақ-жауап)

Оқушылар «түймедақ» күлтелерінде берілген сұрақтарға нақты жауап береді. Түймедақ — дәрілік шөп, ал бұл тапсырмада ол қайталау құралы ретінде қолданылады.

Қайталау сұрақтары

  1. Қосудың қандай қасиеттерін білесің?
  2. Тік төртбұрыштың қандай қасиеттері бар?
  3. 1 дм = ... см
  4. Шаршының қандай қасиеттері бар?
  5. Бұрыш дегеніміз не?
  6. 1 м = ... см
  7. Қосу амалын қандай амалмен тексереміз?
  8. 1 сағ = ... мин
  9. Қосудың компоненттерін ата.
  10. 1 тәулік = ... сағ
  11. Шаршының қабырғалары 3 см болса, периметрі неше см?

«Ыстық орындық»: ауызша есептеу

Мақсат: ауызша есептеу дағдыларын тексеру және ойды шоғырландыру.

I топ

  • 19 + 9 = 28
  • 37 + 7 = 44
  • 55 + 8 = 63
  • 50 − 8 = 42

II топ

  • 42 + 38 = 80
  • 28 + 32 = 60
  • 100 − 25 = 75
  • 65 − 5 = 60

III топ

  • 55 + 12 = 67
  • 85 − 65 = 20
  • 50 + 36 = 86
  • 100 − 40 = 60

III. Жаңа сабақ

4-слайд: Жаңа тақырыпқа кіріспе

Өткен сабақта бірдей сандарды қосуды үйренсек, бүгін бірдей сандарды азайтуды меңгереміз.

«Білім кәрзеңкесі» әдісі

Сабақ бойы маңызды ойлар осы «кәрзеңкеге» жинақталады.

Оқулықтың 172-бетіне назар аударамыз: суретке қарап не көріп тұрғанымызды айтып, тапсырманы түсіндіреміз және талдаймыз.

Мазмұндық байланыс: зергерлік өнер

Сурет арқылы зергерлік өнердің мәні түсіндіріледі: зергерлік бұйым жасайтын адамды зергер дейді. Бұл — елімізде жақсы дамыған өнер түрі.

Нақтылау: бұйым атаулары

  • Қапсырма

    Әйел адамдардың сырт киіміне тағылатын әшекей. Қапсырмаларды тең бөліп беру арқылы бірдей сандарды азайтуға байланысты сұрақтар қойылады.

  • Білезік

    Әйел адамдардың қолға тағатын әшекей бұйымы. Білезікті бөлісу, салыстыру сияқты әрекеттер арқылы тапсырма орындалады.

Тақырыптың түйіні

Бірдей сандарды азайту тәсілдері түсіндіріліп, оқушылар тапсырмалар арқылы қорытынды жасайды.

Негізгі мақсат — айырманың мәнін табуды саналы түрде түсіну және оны есептерде қолдана білу.