Қазақша рефераттар

Бірқалыпты кеңістік және үшөлшемді орта

Сабақтың тақырыбы

3D кеңістігі бағытына кіріспе. Орнын ауыстыру және өзгерту.

Сабақтың мақсаты

Білімділік

3D модельдеу және анимация туралы түсінік қалыптастыру; «виртуал», «виртуалды өмір» ұғымдарын түсіндіру және олардың шығу тарихымен таныстыру.

Дамытушылық

Логикалық ойлау қабілетін дамыту.

Тәрбиелік

Пәнге деген қызығушылықты арттыру.

Сабақтың әдістері

Түсіндіру, сөйлесу, сұрақ-жауап, көрнекілік қолдану.

Сабақтың типі

Жаңа тақырыпты түсіндіру сабағы.

Сабақтың барысы

1) Ұйымдастыру кезеңі

Оқушыларды ұйымдастырып, сыныптағы оқушыларды түгендеу.

2) Үй тапсырмасын тексеру кезеңі

Үйге берілген тапсырманың орындалуын тексеру.

3) Жаңа тақырыпқа кіріспе

Негізгі ұғымдар: модельдеу, 3D орта, анимация

Модельдеу дегеніміз не?

Модельдеу үдерісінде нысанның түпнұсқасын танып-білу мақсатымен нысан-үлгілер құрылады. Үлгіде зерттеу мақсатына сәйкес түпнұсқаның маңызды қасиеттері сақталуы керек.

Қазіргі таңда нысанның сипаттамалары немесе құбылыстар арнайы бағдарламалар арқылы компьютер жадында жазылып, сақталатындықтан, компьютерлік модель жасау кеңінен қолданылады.

Компьютерлік модельдеудің түрлері

Математикалық модельдеу

Құбылыс немесе үдеріс математикалық формулалармен сипатталады. Нәтижені есептеу компьютерсіз күрделі болуы мүмкін.

Графикалық модельдеу

Құбылыстың не үдерістің көрнекі бейнесін ұсынады. Күрделілігіне қарай түсінуді жеңілдетеді.

Нақты өмірдегі модельдеу

Жүйенің нақты өмірдегі нысанмен өзара әрекеттесуін көрсетеді (мысалы, ойындарда қолданушы әрекетіне қарай кейіпкердің іс-әрекеті өзгереді).

Нақты өмірдегі модельдеудің қолданылу аясы кең: телевизия саласы, ядролық физика және басқа да бағыттар. Бұл тәсіл тәжірибе тұрғысынан да, мағынасы жағынан да маңызды.

Бірқалыпты кеңістік және үшөлшемді орта

Декарт кеңістігі өзара перпендикуляр үш осьтен тұрады: X, Y және Z. Бұл осьтер нысанның ұзындығын, биіктігін және енін сипаттайды.

Нысан өзгеріске де ұшырай алады. Өзгеріс көбіне төртінші өлшем — уақыт факторымен байланысты.

Бірқалыпты кеңістікті компьютерде бейнелеу үшін үшөлшемді модельдеу орталары қолданылады. Мұндай орта кеңістіктің ауқымын құрып, оны әртүрлі нүктелерден бақылауға, нысанды қозғалтуға және өзгертуге мүмкіндік береді.

3D модельдеудің күрделілік деңгейлері

  • Қарапайым 3D модельдеу

    Үлгі ықшамдалған пішінде құрылады.

  • Күрделі 3D модельдеу

    Құрылатын үлгінің ұсақ-түйек детальдарының барлығы қамтылады.

Анимация және 3D анимация

Үшөлшемді модельдеу ортасында нысандарды құрып қана қоймай, оларды анимациялауға да болады: уақыт бойынша орнын және қасиеттерін өзгерту арқылы қозғалыс әсері беріледі.

3D анимация дегеніміз

Үшөлшемді сахна мен нысандарға негізделген заманауи анимация бағыты.

3D анимация мультфильмдерде, жарнама роликтерін жасауда, көрмелерде және безендіру бағытындағы визуал материалдарда кең қолданылады.

Үшөлшемді графиканың қолданылуы

Үшөлшемді графика ғылыми есептеулерде, инженерлік жобалауда және физикалық нысандарды компьютерде үлгілеуде кең таралған. Жалпы, қазіргі ақпараттық қоғамда 3D графика адам қызметінің көптеген салаларында қолданылады.

3D графикаға арналған бағдарламалар

3ds Max Blender K-3D Wings 3D Panda3D Sweet Home 3D Maya

4) Бекіту кезеңі (сұрақ-жауап)

  1. 1

    Нақты және виртуалды нысандардың айырмашылығы неде?

  2. 2

    Виртуалдылық деген не?

  3. 3

    Модельдеудің мақсаты қандай?

  4. 4

    Үшөлшемді графикада компьютерлік модельдеудің қандай түрлері бар?

5) Үй тапсырмасы

Өтілген тақырып бойынша негізгі ұғымдарды қайталау: модельдеу, 3D орта, осьтер (X, Y, Z), уақыт өлшемі және 3D анимацияның қолданылу салалары.

6) Бағалау кезеңі

Оқушылардың сабақтағы белсенділігіне, тақырыпты меңгеруіне және тапсырмаларды орындау деңгейіне қарай бағалар қойылады.