Қазақша рефераттар

Қыран тобы - қызыл киімде

Іс-шара туралы мәлімет

Қарағанды қаласы, №41 жалпы білім беретін орта мектептің дене шынықтыру пәні мұғалімі Аязбаев Асет Муратович ұйымдастыратын «Жүйріктен жүйрік озар — жарысқанда» атты «Толағай» спорттық-отбасылық сайысы оқушылар мен ата-аналарды бір алаңда біріктіретін көңілді әрі пайдалы жарыс.

Өтетін орны

Футбол алаңы

Уақыты

11:00

Қатысушылар

2 «А», 2 «Ә», 3 «А», 3 «Ә» сынып оқушылары және олардың ата-аналары

Мақсаты

  • Денсаулықты сақтау және нығайтудың маңызын түсіндіру, осы бағыттағы ұғымдарды кеңейту.
  • Оқушылардың денсаулығын нығайтуға деген қызығушылығын арттыру.
  • Денсаулықты күтуге, бағалауға және жауапкершілікпен қарауға тәрбиелеу.
  • Ата-ана мен бала арасындағы қарым-қатынасты нығайту, ортақ белсенділік мәдениетін қалыптастыру.

Әдісі

Спорттық-отбасылық сайыс.

Ұйымдастырушы

Дене тәрбиесі пәнінің мұғалімі.

Қажетті құрал-жабдықтар

Доп Шеңбер Шар Ысқырғыш Дартс Пневматикалық мылтық

Көрнекіліктер

Нақыл сөздер мен түрлі түсті шарлар қолданылып, мерекелік көңіл-күй күшейтіледі. Шара барысында «Толағай» әні әуен ретінде ойналып тұрады.

Ашылу бөлімі (жүргізушілер мәтіні)

1-жүргізуші: Бүгінгі Отбасы күні мерекесімен шын жүректен құттықтай отырып, мереке қарсаңында ұйымдастырылып отырған «Жүйріктен жүйрік озар — жарысқанда» атты «Толағай» спорттық-отбасылық сайысына қош келдіңіздер!

1-жүргізуші: Уа, халқым, назар аудар денсаулыққа! Өмірде бақыттысың денің сау болса. «Денсаулық — терең бақыт» деген сөзді құр айтпаған ұлы Абай данамыз да!

Бағдарлама: флешмоб.

2-жүргізуші: Елбасымыз Н. Ә. Назарбаев «Қазақстан — 2030» стратегиялық жолдауында болашақ ұрпақтың ел тізгінін ұстарын айта отырып, жастарға үлкен сенім білдірген. Салауатты өмір салты — өз қолымызда. Осы мақсатта біз бүгін Отбасы мерекесіне арналған «Жүйріктен жүйрік озар — жарысқанда» атты «Толағай» спорттық-отбасылық сайысын ұйымдастырып отырмыз.

Сайыс басталар алдында құттықтау сөзі мектеп басшысына беріледі.

Командаларды таныстыру

1-жүргізуші: Әр таңды бақытпен қарсы аламыз. Өнер мен ой көгінде самғаңыз! Ендеше сайысқа қатысатын үлгілі, өнегелі, жылдам әрі шапшаң отбасылық топтарды ортаға шақырамыз!

  • «Қыран» тобы

    Қызыл түсті киім

  • «Сұңқар» тобы

    Сары түсті киім

  • «Бірлік» тобы

    Көк түсті киім

  • «Барыс» тобы

    Ақ түсті киім

Әділқазылар және бағалау

2-жүргізуші: Құрметті көрермен, жарысты тамашалаңыздар! Әділқазылар алқасы әділ бағаларын береді.

Әділқазы

1)

Әділқазы

2)

Әділқазы

3)

Әр кезең 5, 4, 3 ұпай жүйесімен бағаланады. Қатысушыларға сәттілік тілей отырып, сайысты салтанатты түрде мемлекеттік әнұранмен бастаймыз (Әнұран орындалады).

Сайыс кезеңдері

Сайыс 8 кезеңнен тұрады:

  1. Үй тапсырмасы — топтың аты, ұраны және қарсылас командаларға сәттілік тілеу.
  2. Кім жүйрік?
  3. Кім епті?
  4. Мергендер
  5. Кезектес секіру
  6. Картоп егіп, жинап ал
  7. Теңге алу
  8. Арқан тартыс

Кезеңдердің шарттары (үзінді)

1-кезең: Үй тапсырмасы

Шарты: команда өз атауын, ұранын таныстырады және қарсылас командаларға сәттілік тілейді.

Әділқазылар алқасы бағалайды.

2-кезең: Кім жүйрік?

Шарты: екі адамнан шеңберлердің арасымен кедергілерді еңсеріп жүгіріп, мәреге жетеді.

Әділқазылар алқасы бағалайды.

3-кезең: Кім епті?

Шарты: ұзындығы 5 м үлкен қаптардың арасымен еңбектеп өтіп, келесі жағынан шығып, мәрені айналып, бастапқы орынға қайта тұру керек.

Әділқазылар алқасы бағалайды.

4-кезең: Мергендер сайысы

Ата-аналар: 9 м қашықтықтан пневматикалық мылтықпен нысанадағы шарларды атады.

Балалар: 2 м қашықтықтан дартс инесімен шарларды жаруы керек.

Әділқазылар алқасы бағалайды.