Қазақша рефераттар

Кім шапшаң, кім тапқыр

XXI ғасыр көшбасшылары

БҚО, Ақжайық ауданы, Есенсай ОЖББ мектебі • Бейнелеу өнері және сызу пәні

Мұғалім

Темиршеева Эльвира Аскаровна

Формат

3–5-сыныптар арасындағы өнер сайысы

Мақсаты

  • Оқушыларды бейнелеу өнерінің қыр-сырына баулу, негізгі ұғымдарды меңгерту.
  • Дүниетанымын кеңейту, эстетикалық талғамын дамыту.
  • Сурет салу дағдысын, логикалық ойлау, еске түсіру, елестету және шығармашылық қабілеттерін жетілдіру.
  • Өнерді құрметтеуге, ұстаз еңбегін бағалауға және шығармашылыққа тәрбиелеу.

Сайыстың құрылымы

Сайыс оқушылардың тілін ұстартып, ойын ұштауға, тапқырлық пен шеберлікті, еңбексүйгіштік пен жылдамдықты, іскерлікті дамытуға бағытталған.

I аялдама

Таныстыру

Әр топтың жетекшісі өз командасын таныстырады.

II аялдама

Сұрақ-жауап

Әр топтан үш оқушы карточка суырып, сұрақтарға жауап береді.

III аялдама

Шапшаңдық пен тапқырлық

Қиылған суретті құрастыру, жұмбақ шешу және өнерге қатысты мақал айту.

II аялдама: сұрақтар мен жауаптар

Сұрақтар

  1. 1. Бейнелеу өнері дегеніміз не?
  2. 2. Бейнелеу өнерінің түрлерін ата.
  3. 3. Живопись (кескіндеме) жанрларын ата.
  4. 4. «Портретист» сөзін қалай түсінесің?
  5. 5. Суға тез еритін бояуды ата.
  6. 6. Кемпірқосақтың түсі нешеу? Оларды ата.
  7. 7. Қарындаш дегеніміз не?
  8. 8. Түстер нешеге бөлінеді және қандай?
  9. 9. Көлеңке дегеніміз не?

Жауаптар

  1. 1. Бейнелеу өнері — айналамыздағы өмір көріністерін жазықтықта немесе кеңістікте бейнелейтін өнер түрі.
  2. 2. Живопись (кескіндеме), графика, мүсін, сәулет, сәндік-қолданбалы өнер және дизайн.
  3. 3. Натюрморт, пейзаж, портрет, анималистік, тарихи және т.б.
  4. 4. Адамның портретін бейнелеуге маманданған суретші.
  5. 5. Акварель, гуашь.
  6. 6. Жеті түс: қызыл, қызғылт сары, сары, жасыл, көгілдір, көк, күлгін.
  7. 7. Сырты ағаштан, өзегі графиттен жасалған жазу және сызу құралы.
  8. 8. Екіге бөлінеді: жылы және суық түстер.
  9. 9. Заттың жарық түспеген, қараңғылау бөлігі.

III аялдама: «Кім шапшаң, кім тапқыр?»

Бұл кезеңде командалар қиылған суреттерді құрастырып, жұмбақтың жауабын табады және өнерге байланысты мақал-мәтел айтады.

I топ

Тақырып: мектеп

Жұмбақ

Қабат-қабат қаттама, ақылың болса аттама.

Жауабы: кітап

II топ

Тақырып: парта

Жұмбақ

Екі көрші бірін-бірі көрмейді.

Жауабы: көз

III топ

Тақырып: қарындаштар

Жұмбақ

Ойыңды жазасың, аласың мазасын. Беттері біткен соң, бастайсың тазасын.

Жауабы: дәптер

Қатысушыларға арналған құттықтау

Қайырлы күн, құрметті ұстаздар мен оқушылар!

Бүгінгі 3–5-сыныптар арасындағы өнер сайысына қош келдіңіздер! Сайысымыздың мақсаты — тіл ұстартып, ой ұштауға жаттықтыру, тапқырлыққа, шеберлікке, еңбексүйгіштікке, жылдамдыққа және іскерлікке тәрбиелеу.