Қалалар ойыны
Онкүндіктің ашылуы
Жүргізуші: Құрметті ұстаздар, оқушылар! «Білім жолын бастаған — бастауышым, бастамам» атты бастауыш сыныптар онкүндігі басталғалы отыр. Онкүндіктің шымылдығын оқу мен білімнің өмірдегі маңызын айқындайтын мақал-мәтелдермен ашайық.
1-оқушы
Қына тасқа бітеді, білім басқа бітеді.
2-оқушы
Оқусыз — білім жоқ, білімсіз — күнің жоқ.
3-оқушы
Оқу — білім бұлағы, білім — өмір шырағы.
4-оқушы
Оқу — инемен құдық қазғандай.
Жүргізуші:
Білдім деме, балам, білмейтінің көп шығар.
Бәрін білген адам бұл дүниеде жоқ шығар.
Көп білуге ұмтылған — көз жұмғанша оқиды,
Көз жұмғанша оқыған — көп нәрсені тоқиды.
Ән: «Үйретеді»
Біз мектепке барғанда,
Қолға қалам алғанда —
Үйретеді, үйретеді, үйретеді.
Әдемілеп жазуды,
Көркем сурет салуды —
Үйретеді, үйретеді, үйретеді.
Анамызды сүйеміз,
Еңбектерін ақтаймыз —
Үйренеміз, үйренеміз, үйренеміз.
Азамат боп өсеміз,
Еңбектеніп өтеміз —
Үйренеміз, үйренеміз, үйренеміз.
«Оқылған сабақтар еліне» саяхат
Жүргізуші: Бүгін осы сәтте кездескеніме қуаныштымын. Сіздерді ғажайыптар еліне, таңғажайыптар еліне жетелеймін. Бұл елде біз бірнеше күн бойы саяхаттап, көп нәрсе үйренеміз. «Бұл қандай ел?» десеңіз — сөзді оқып білесіз!
Саяхат ережесі
- Бұл елде тек оқушылар ғана пәндерге «саяхаттайды».
- Әр бекетте тапсырмалар мен ойындар арқылы білімімізді көрсетеміз.
Жүргізуші: Жақсы, ендеше саяхатымызды бастайық!
Сонау-сонау алысқа жүзсін десең кемелер,
Тылсым сырлы ғарышқа ұшсын десең денелер.
1-бекет: Математика
Оқушы:
Жасау үшін бәрінде математика —
Ең маңызды ғылым бұл.
Сондықтан, сол ғылымның тілін біл.
Жүргізуші: Математика пәнін қаншалықты меңгергендеріңді көрсетіп көріңдер.
1-сынып тапсырмалары
-
Аулада 5 үйрек, қорада 3 үйрек. 1 үйрек тығылды, 1 үйрек жығылды. Қалғаны неше үйрек?
Жауабы: 6
-
Санға қосып алсаң, сол санның өзі шығады. Санды оған бөлуге болмайтынын математиктер ұғады. Көп адамдар ол санға шекесінен қараған. Сан осін қақ бөлуге сол сан жараған.
Жауабы: 0 (нөл)
3-сынып тапсырмалары
-
Ала шапан киініп, қарбыз жатыр үйіліп. Қарбыздарды шетінен санап шықтым. Бесеу болды жұп саны. Нешеу болды түп саны?
Жауабы: 10
-
Бұталардың бойымен 11 құйрық келеді, оған қоса 30 сирақ сидаң-сидаң етеді. Не десеңіз бұл көрініс — әтештер мен торайлар. Жауап берші сұраққа: неше әтеш қатарда?
Жауабы: 7 әтеш
2-бекет: Қазақ тілі
5-оқушы:
Мәреге болған білімге мәні көп ана тілінде.
Сөз береміз алдымен сөзшең қазақ тіліне.
Ойын: «Баспалдақ»
Жүргізуші: Бұл ойында «Б» әрпінен басталатын сөздер айтамыз. Кім көп және дұрыс сөз айтса — сол жеңімпаз.
3-бекет: Әдебиеттік оқу
6-оқушы:
Өнегелі, өзекті өмір жайлы сөз етті.
Әдебиеттік оқу пәніне берем енді кезекті.
Тапсырма: мақал-мәтелді жалғастыр
Жүргізуші: Мақал-мәтелді қаншалықты білетініңді көрейік. Мақалдың жалғасын тап.
- Білетінің бір тоғыз, білмейтінің тоқсан тоғыз.
- Білмесең үндеме, білгенді күнлеме.
- Білім — гауһар, бағасы жоқ. Надандық — кесел, дауасы жоқ.
- Киіміне қарап қарсы алады, біліміне қарап шығарып салады.
Жұмбақтар
Жүргізуші: Енді бәріміз жұмбақ шешіп көрейік.
Бірі — ағаш кесу құралы,
Бірі — шырынды бал бұлағы.
Жауабы: ара
Бірінен кисең бөрікті,
Бірінен тігіп киерсің киім көрікті.
Жауабы: қамқа
Санасаң, бір үйде төртеуі бар.
Қаласаң, ауызды өртейтін нәр.
Жауабы: бұрыш
Жел соқса, жайқалып толқиды.
Ел оқыса, тұла бойың балқиды.
Жауабы: өлең
Бірі — ыдысқа керек,
Бірі — жүріске керек.
Жауабы: аяқ
4-бекет: Дүниетану
7-оқушы:
Табиғаттың сәніне таңғалтып мол әніне,
Жақсы лебіз білдірсін дүниетану пәні де.
Ойын: «Қалалар»
Мақсаты: буыннан сөз құрастырып, дұрыс жазуға дағдыландыру.
Шарты: сынып екі топқа бөлінеді. Тақтаға қала атауының кез келген буыны жазылады. Қай топ дұрыс сөзді бірінші тапса — сол топ жеңеді.
қар — Қарағанды
ас — Астана
алма — Алматы
тау — Көкшетау
рау — Атырау
кент — Шымкент
Ойын: «Сұрақ–жауап»
Мақсаты: сұраққа дұрыс жауап беруге үйрету.
Шарты: қатты қағаздан 40 карта дайындалады: 20 картаға сұрақтар, 20 картаға жауаптар жазылады.
Оқушылар шеңбер құрып отырады: бір оқушы сұрағы бар картамен жүреді, келесі оқушы сәйкес жауап картасын табады.
Тапсырмалар үлгісі
- Жыл мезгілдерін ата.
- Сөзжұмбақ шеш.
Ән: «Мектебім»
Осымен бастауыш сыныптар онкүндігінің ашылуы аяқталды.