Қазақша рефераттар

Шебер арқылы кесте құру

Сабақ туралы қысқаша мәлімет

Сынып

9-сынып

Тақырып

Деректер қорының кестесі (MS Access)

Сабақтың мақсаттары

Білімділік

MS Access бағдарламасында деректер базасы мен кестелерді құру жолдары мен әдіс-тәсілдерін меңгерту.

Дамытушылық

Жаңа мәліметтер арқылы білім қорын толықтыру, ой-өрісті дамыту, «білсем» деген ынтаны қалыптастыру және қызығушылықты арттыру.

Тәрбиелік

Шапшаңдыққа, жұмысты жүйелі орындауға, өз әрекетін нақты жеткізе білуге және компьютерді еркін меңгеруге баулу.

Күтілетін нәтижелер

  • MS Access бағдарламасының мүмкіндіктерімен танысады.
  • Деректер қорын құру тәсілдерін меңгереді және компьютерде деректер қорымен жұмыс істеуге дағдыланады.
  • Теориялық білімін практикалық жұмыста қолданады.
  • Логикалық ойлау қабілеті дамиды.

Негізгі бөлім: MS Access-та деректер базасы мен кесте құру

Кесте құрмас бұрын: деректер базасын (ДБ) жасау

MS Access-та кесте құрудан бұрын деректер базасы жасалады. ДБ жасаудың екі негізгі жолы бар:

  • Бос деректер базасы: алдымен бос ДБ құрып, кейін оған кестелерді, пішімдерді, есептерді және басқа объектілерді қосу.
  • Шебер (үлгі) арқылы: MS Access ұсынған дайын үлгілерді пайдалану.

Мысал (қысқа қадамдар)

  1. 1. Жұмыс үстеліндегі «Мой компьютер» белгішесін ашыңыз.
  2. 2. «Новая база данных» бөліміне өтіп, «Файл новой базы данных» терезесін ашыңыз.
  3. 3. Файл аты өрісіне «Информатик» деп жазып, «Создать» батырмасын басыңыз.

Кесте құрудың 3 тәсілі

1-тәсіл

Кесте шеберімен

Дайын үлгіден өрістер таңдап, кестені тез құрастыру.

2-тәсіл

Конструктор көмегімен

Өріс атауын, деректер типін және қасиеттерін қолмен нақтылау.

3-тәсіл

Берілгендерді енгізу арқылы

Кестені бірден дерек енгізу режимінде жасап, өріс аттарын өзгерту.

1) Кесте шебері арқылы құру

ДБ терезесінен «Кесте шебері» командасын екі рет басқанда, кесте құруға арналған диалог терезесі ашылады. Үлгіден кесте таңдап, қажетті өрістерді жаңа кестеге көшіреміз. Өріс атауларын өз қажеттілігімізге қарай өзгертуге болады.

Өріс атауын өзгерту мысалы

Мәселен, «Отчество» өрісін «Аты» деп өзгертеміз: өрісті жаңа кесте тізіміне өткізіп, «Переименовать поле» командасын таңдаймыз. Ашылған терезеде «Имя поля» өрісіне жаңа атауды енгізіп, OK батырмасын басамыз.

2) Конструктор көмегімен құру

ДБ терезесінен «Конструктор режимі» тармағын екі рет басамыз. Ашылған кестеде: «Өріс аты» бағанына атауларды енгіземіз, ал «Тип данных» бағаны көбіне автоматты түрде толтырылады. Егер тип сәйкес болмаса, ашылмалы тізімнен қажетті дерек типін таңдаймыз.

Соңында кестені жауып, атау беріп сақтаймыз және деректерді енгізу режимінде кестенің дайын түрін көреміз.

3) Берілгендерді енгізу арқылы құру

ДБ терезесінде «Создание таблиц путем ввода данных» командасын екі рет басамыз. Әдепкі өрістермен кесте ашылады. Сол жерде өріс атауларындағы «Поле» сөзін алып тастап, өзіміздің өріс атауларын енгіземіз.

Мысал

«Сыныптағы оқушылардың тізімі» тақырыбындағы деректер базасын бір кесте түрінде ұйымдастыруға болады (аты-жөні, сыныбы, туған күні, байланыс деректері және т.б.).

Практикалық жұмыс (компьютермен)

Оқушылар тапсырмаларды жеке орындап, нәтижесін сақтайды. Жұмыс барысында интерактивті тақта және презентация қолданылады.

№1 тапсырма: Деректер базасын жасау

  1. 1.MS Access-та жаңа деректер базасын құру командасын орындаңыз.
  2. 2.«Новая база данных» терезесінде файл атына «Информатик» деп жазып, «Создать» командасын таңдаңыз.
  3. 3.Деректер базасының құрылғанына көз жеткізіңіз.

№2 тапсырма: Шебер арқылы кесте құру

  1. 1.Құрылған ДБ терезесінде «Кесте шеберін» екі рет басыңыз.
  2. 2.«Создание таблиц» терезесінде үлгі кестені таңдаңыз. Қажетті өрістерді батырмалар арқылы «Поля новой таблицы» тізіміне жылжытыңыз.
  3. 3.Өріс атауын өзгерту қажет болса, өрісті жаңа кесте тізімінен таңдап, «Переименовать поле» командасын орындаңыз. «Имя поля» өрісіне жаңа атауды енгізіп, OK басыңыз. Содан кейін «Далее» таңдаңыз.
  4. 4.Кестеге атау беріп, сақтаңыз.
  5. 5.Шебер кестелер арасында байланыс орнатуды ұсынуы мүмкін. Қажет болса, тізімнен байланыстарды таңдап, «Связи» батырмасы арқылы түзетіңіз.
  6. 6.Уақытқа қарай кестені 3–5 жол дерекпен толтырыңыз.

№3 тапсырма: Конструктор режимінде кесте құру

  1. 1.«Информатик» ДБ терезесінде «Создание таблицы в режиме конструктора» командасын екі рет басыңыз.
  2. 2.«Имя поля» бағанына өріс атауларын енгізіңіз. «Тип данных» бағанының автоматты толтырылуына назар аударыңыз; қажет болса, ашылмалы тізімнен таңдаңыз.
  3. 3.«Описание» бағанында өрістің мазмұнын қысқаша сипаттауға болады.
  4. 4.«Общие» және «Подстановка» қабаттарында өріс қасиеттерін енгізіңіз немесе өзгеріссіз қалдырыңыз.
  5. 5.«Закрыть» батырмасын басыңыз.
  6. 6.«Сохранить изменение макета» терезесінде кесте атын енгізіп, сақтаңыз.
  7. 7.Уақытқа қарай бірнеше жол дерек енгізіңіз.

№4 тапсырма: Берілгендерді енгізу арқылы кесте құру

  1. 1.«Информатик» ДБ терезесінде «Создание таблиц путем ввода данных» командасын екі рет басыңыз.
  2. 2.Өріс атауларындағы «Поле» сөзін алып тастап, өз өріс атауларыңызды енгізіңіз.
  3. 3.Кестені жабыңыз. Атау сұралғанда кесте атын енгізіп, OK батырмасын басыңыз.