Сұрақты соңына дейін тыңдамап, кейін жауап беру
Интеллектуалдық сайыс: «Архимедтің ізбасарлары»
Мақсаты
- Оқушылардың математикаға қызығушылығын арттыру, математикалық ойлауын, шығармашылық белсенділігін дамыту; логикалық әрі қызықты есептер мен ойындар арқылы білімін тексеру және сынып көшбасшысын анықтау.
- Пәнге деген ынтаны күшейту, сауаттылықты арттыру, есептеу дағдыларын жетілдіру, алған білімді тереңдету.
- Адамгершілікке, әсемдікті бағалауға, еңбекқорлыққа, бір-бірін сыйлауға және әдептілікке тәрбиелеу.
Көрнекілігі
Барысы
Жүргізуші: «Қош келдіңіздер, қадірлі ұстаздар, ата-аналар және оқушылар! Математика жанкүйерлері! Адамзат тарихының қай кезеңінде де ғұламалар ғылым мен білімге ерекше мән берген. Білім — жүйелі еңбектің, үздіксіз үйренудің және оқығанды зердеге тоқудың нәтижесі. Бүгін біз математиканың қыр-сырына үңіліп, көңілді демалып, біліміміз бен тапқырлығымызды сынау үшін жиналдық».
Құрметті қонақтар! Сіздерді 1 «Ә» сынып оқушылары арасында өтетін «Архимедтің ізбасарлары» атты интеллектуалдық сайысты тамашалауға шақырамыз. Әділқазылар алқасымен танысыңыздар.
Жүргізушінің шақыру сөзі:
«Математика сырлары қызықтырды біздерді. Ойынға бірге қатысуға шақырамыз сіздерді!»
Осыдан кейін сайыскерлер алдын ала белгіленген нөмір бойынша ортаға шақырылып, өздерін таныстырады.
Сайыс құрылымы: 6 айналым
I айналым — «Бәйге»
Жылдам сұрақтар: әр оқушыға 5 сұрақ. Әр дұрыс жауапқа — 1 ұпай.
II айналым — «Көкпар»
Ұяшық таңдау арқылы сұрақтарға жауап беру. Дұрыс жауапқа — 5 ұпай.
III айналым — «Білімпаз»
Білімді жан-жақты тексеруге арналған тапсырмалар.
IV айналым — «Тапқырлық»
Логикалық тапсырмалар.
V айналым — «Жорға»
Тест тапсырмаларын орындау.
VI айналым — Өлең-есептер
Математикалық өлең-есептерді шешу.
I айналым — «Бәйге»
Әр оқушыға 5 сұрақ қойылады. Міндет — тез әрі дұрыс жауап беру. Әр дұрыс жауап 1 ұпай болып есептеледі. Сұрақ толық қойылып болған соң жауап беріледі.
№1
- 5 + 2 = ?
- Үшбұрыштың қабырғасы қалай аталады?
- Сәуле дегеніміз не?
- Ағашта 7 торғай отыр еді. Оның 3-еуі ұшып кетті. Неше торғай қалды?
- 6 санының алдындағы санды ата.
№2
- 9 − 4 = ?
- 8-ден кейінгі санды ата.
- 2 + 5 = 7 теңдігіндегі 7 саны қалай аталады?
- Төртбұрыштың неше қабырғасы бар?
- 1 дм-де неше см бар?
№3
- 3 + 6 = ?
- 5 пен 8-дің арасындағы сандарды ата.
- 6 − 4 = 2 теңдігіндегі 6 саны қалай аталады?
- 10 см неше дм-ге тең?
- Бесбұрыштың неше қабырғасы бар?
№4
- 1 + 6 = ?
- Қандай фигураларды білесің?
- 5 санының құрамын ата.
- 9 − 2 = 7 теңдігіндегі 2 саны қалай аталады?
- Қандай бұрыштарды білесің?
№5
- 7 санының құрамын ата.
- 3 пен 6-ның арасындағы сандарды ата.
- 10 + 0 = ?
- 5 + 3 = 8 теңдігіндегі 5 саны қалай аталады?
- 2-ден 9-ға дейінгі сандарды өсу ретімен ата.
№6
- 9 санының құрамын ата.
- 4 + 6 = 10 теңдігіндегі 6 саны қалай аталады?
- 10 см мен 1 дм-нің арасына қандай таңба қойылады?
- 2 + 7 = ?
- Екі таңбалы санды ата.
№7
- Ең үлкен бір таңбалы санды ата.
- 5 + 2 = ?
- 8 санының құрамын ата.
- 5, 4, 9 сандарын пайдаланып төрт теңдік құр.
- Бір нүктеден тарайтын фигура қалай аталады?
№8
- Ең кіші бір таңбалы санды ата.
- 8 − 3 = ?
- Мәні 5-ке тең болатын теңдіктер құр.
- Кесіндінің ұзындығын немен өлшейміз?
- 2, 6, 8 сандарын пайдаланып төрт теңдік құр.
№9
- 9 − 7 = ?
- Сандар қатарын кему ретімен атап шық.
- 6 санының құрамын ата.
- Үшбұрыштың неше қабырғасы бар?
- 5 − 0 = ?
II айналым — «Көкпар»
Ойын шарты: әр ойыншы ұяшық таңдайды. Ұяшықта берілген сұраққа жауап береді. Дұрыс жауап үшін 5 ұпай беріледі.
Сұрақтар
- Қосу амалының компоненттерін ата.
- Азайту амалының компоненттерін ата.
- Тік төртбұрыштың қабырғалары қалай аталады?
- Оң қолыңда 5 жұлдызша, сол қолыңда 4 жұлдызша. Барлығы неше жұлдызша?
- 5 − 3 = 2 теңдігіндегі 2 саны қалай аталады?
- 7 + 2 = 9 теңдігіндегі 9 саны қалай аталады?
- Сәуледе 7 қуыршақ бар еді. Ол 2 қуыршағын Зәуреге берді. Сәуледе неше қуыршақ қалды?
- Қосылғыштың бірі 2 болатын қосындыларды ата.
- 7 − 4 = 3 теңдігіндегі 4 саны қалай аталады?