Қазақша рефераттар

Денені қалыпқа келтіру жаттығулары

Сабақ туралы жалпы мәлімет

Сыныбы
10
Сабақтың тақырыбы
Төменгі және жоғарғы сөреден жүгіру техникасы
Сабақ өтетін жер
Мектеп алаңы

Қажетті құрал-жабдықтар

  • Секундомер
  • Ысқырық
  • Ақ және қызыл түсті жалаушалар

Сабақтың мақсаты

  1. Төменгі және жоғарғы сөреден жүгіру техникасын меңгерту арқылы икемділікті және тұтас қозғалыс үйлесімділігін қалыптастыру.
  2. Оқушылардың шапшаңдық пен шыдамдылық қасиеттерін дамыту.
  3. Адамгершілікке және төзімділікке тәрбиелеу.

Сабақтың міндеттері

  • а) Денсаулықты нығайту

    Дене жүктемесін жүйелі түрде арттыру арқылы ағзаны шынықтыру.

  • ә) Жеке тұлғаны дамыту

    Қозғалыс мәдениетін қалыптастырып, үйлесімді дамуға ықпал ету.

  • б) Еңбекқорлыққа тәрбиелеу

    Тәртіп пен табандылықты бекіту, өзін-өзі бақылауды дамыту.

Дайындық бөлімі (10–12 минут)

Сабақ басында тәртіп, қауіпсіздік және қозғалысқа дайындау жұмыстары орындалады.

1–3. Ұйымдастыру және саптық жаттығулар

  • Сапқа тұрғызу

    «Түзел!», «Тік тұр!» командалары. Рапорт қабылдау және сәлемдесу.

  • Сабақ тақырыбын хабарлау

    Бүгінгі негізгі дағды: төменгі және жоғарғы сөреден дұрыс шығу.

  • Саптық жаттығулар

    Оңға, солға, кері айналу; бір қатардан екі қатарға сап түзеу және т.б.

4–6. Қыздыру: жүріс, жүгіру және тыныс алу

Жай жүріспен қыздыру

  • Қол жоғарыда, аяқтың ұшымен жүру.
  • Қол белде, өкшемен жүру.
  • Қол белде, табанның ішкі және сыртқы қырымен жүру.
  • Қол алда, жартылай отырып жүру.

Жай жүгіріспен қыздыру

  • Бірқалыпты жүгіру.
  • Оң және сол қапталмен жүгіру.
  • Оң және сол қапталмен аяқтарды айқастыра (қайшылап) жүгіру.
  • Қолды шынтақтан бүгіп, тізені алақанға тигізіп жүгіру.
  • Қол артта, өкшені алақанға тигізіп жүгіру.

Тыныс алу жаттығуы

Қол жоғарыда, аяқтың ұшымен терең дем алып, еңкейіп дем шығару.

7. Жалпы дамыту жаттығулары

Басты айналдыру

Б.қ.: аяқ иық көлемінде, қол белде. 1–2 — солға, 3–4 — оңға.

Шынтақты айналдыру

Б.қ.: аяқ иық көлемінде, қол иықта. 1–2 — алға, 3–4 — артқа.

Белді айналдыру

Б.қ.: аяқ иық көлемінде, қол белде. 1–2 — солға, 3–4 — оңға.

Кешенді қозғалыс

Б.қ.: аяқ иық кеңдігінде. 1 — қолды жоғары көтеру; 2 — еңкейіп қолды аяқ ұшына тигізу; 3 — қолды алға созып отыру; 4 — бастапқы қалыпқа келу.

Отыру-қалпына келу

Б.қ.: аяқ иық кеңдігінде, қол алда. 1 — отыру; 2 — бастапқы қалыпқа келу.

Негізгі бөлім (28–30 минут)

Негізгі назар — сөреден шығу, үдеу (разгон) және мәре сызығын дұрыс кесіп өту.

1. Төменгі сөреден жүгіру техникасы

Тірегіш бұрыштары

Алдыңғы тірегіштің тұрақты бұрышы шамамен 45°, ал артқы тірегіштің бұрышы 80°-қа дейін өзгеруі мүмкін.

  1. «Сөреге!»

    Екі қолдың ұшын жерге тіреп, иықтарды сөре сызығының үстіне немесе сәл алға шығарады; бір тізерлеп отырады.

  2. «Дайындал!»

    Артқы тізе мен денені сәл көтеріп, ауыз арқылы тез әрі терең тыныс алады.

  3. «Жүгір!» («Марш»)

    Қолды жерден көтеріп, алға қарай бар күшпен ұмтылады; алғашқы қадамдар қысқа әрі қуатты орындалады.

  4. Мәре сызығын өту

    Мәреге шамамен 1 м қалғанда денені алға еңкейтіп, жылдамдықты бәсеңдетпей мәре сызығын жүгіріп өткен дұрыс.

2. Төменгі сөреден жүгіру (жаттығу көлемі)

  • 2 × 30 м

    Сөреден шығу және алғашқы үдеуді бекіту.

  • 1 × 40 м

    Үдеуді бірқалыпты ұзарту.

  • 1 × 60 м

    Жылдамдықты сақтау және мәре аймағына дайындалу.

3. Жоғарғы сөреден жүгіру техникасы

  • Жоғарғы сөреден жүгіру түрегеп тұрған бастапқы қалыптан басталады.
  • «Дайын бол!» пәрменінен кейін аяқтарды бүгіп, кеудені алға еңкейтеді.
  • «Марш!» пәрмені естілгенде, кеуде сөреден шыққаннан кейін тез жазылып, екпін жинайды.

4. Жоғарғы сөреден жүгіру (орындау тәсілі)

Жоғарғы сөреден ең жоғары жылдамдықпен жүгіріп, кейін біртіндеп екпінді (қарқынды) жүгіру ырғағына көшеді.

Негізгі ескерту

Қимыл үйлесімділігіне, қол жұмысына және дене қалпының тұрақтылығына назар аударылады.

Қорытынды бөлім

Жүктемені біртіндеп төмендетіп, ағзаны қалпына келтіруге бағытталған жұмыс жүргізіледі.

Сабақты аяқтау реті

  1. Оқушыларды сапқа тұрғызу.
  2. Денені қалыпқа келтіру жаттығулары.
  3. Сабақты қорытындылау.

Үй тапсырмасы

100 м жүгіру.