Бүгін хан сарайындакеремет ерекше кеш болмақшы

– Алдар аға, бүгін біздің тойымызды жандандырып, қонақтарымызға керемет көңіл-күй сыйладыңыз. Ендеше, бүгінгі той-думанымызды жалғастырып, балалармен бірге Күлмес ханшамызды ойынға шығарайық, қалай қарайсыз?

– Құрметті хан сарайына жиналған қонақтар, кішкентай бүлдіршіндер және қадірлі апайлар! Күлмес ханшамызды күлдірген Алдар көсенің қоржынынан шыққан сыйлықты қабыл алыңыздар!

– Ертең тағы келіңіздер. Қызымның көңілі үшін баршаңызды отыз күн ойынға, қырық күн тойға шақырамыз! Жүздеріңізден күлкі кетпесін!

– Келіңіздер, келіңіздер! Бүгін хан сарайында ерекше кеш өтпек. Күлмес ханшаға арналған ән, би және ойындар ұйымдастырылады. Кім Күлмес ханшаны күлдірсе, хан дайындаған сыйлыққа ие болады.

Ескертпе: «Батырлар биі» орындалады.

– Тыңдаңыздар! Бүгін менің сарайымда ойын-сауық жасап, тойлаңыздар. Өнерлеріңізді көрсетіп, сыйлық алыңыздар!

– Бізге қонаққа сонау бір алыс шаһардан Тазша бала келіпті. Осы тойға арнап дайындаған өтірік өлеңі бар екен. Қабыл алыңыздар!

– Рахмет, Тазша бала! Тойымыздың төрінен орын ал, төрлетіңіз.

(Хан бір сәт көңілі көтеріліп күледі де, қайта мұңаяды.)

– Мм… болмады, қызыма ұнамады! Енді кім бар екен?

– Хан ием, көрші ауылдан Қаңбақ шал кемпірымен келіпті. Көрсететін өнерлері бар екен.

– Төрлетіңіздер! Тойымыздың құрметті қонағы болыңыздар! Келесі қонақтар кім болды екен?

(Хан тағы да күліп алады да, қызына қарап мұңайып қалады. Күлмес ханша күлмеген күйі отыра береді.)

– Келесі қонағымыз дарияның арғы бетінен келген Мақта қыз бен мысық. Олар бізге көңілді билерін тарту етпек. Қабыл алыңыздар!

– Енді қайтеміз? Шынымен де ешкімнің қолынан келмегені ме? Бүгін ешқайсысы әсер ете алмады ма?!

– Хабаршы, енді кім бар? Әлде сонымен болды ма?

– Жоқ, хан ием! Тек аты шулы Алдар көсе келіп тұр. Қабылдайсыз ба?

– Шақыр, шақыр, келсін. Мүмкін, бір септігі тиер.

(Осы сәтте Алдардың әуені ойнап, ол ортаға келеді. Алдар ханды алдап кетеді. Ханның алданғанын көрген Күлмес ханша еріксіз күледі. Ашуланған хан қызының күлгеніне таңырқап, Алдарды кешіреді.)

– Хан ием, сіз алданып қалғаныңызбен, Алдардың септігі тиіп, қызыңыздың жүзіне күлкі үйірілді. Оған ашуланбаңыз! Алдарды шақыртып, тойымыздың қонағы етіңіз. Дайындаған сыйымызды табыс етейік!

– Хабаршы, Алдарды алдырыңдар. Мен кешірдім! Келсін, дайындаған сыйымды алсын!

(Алдар келіп, ханның сыйлығын алады.)

– Байеке, рұқсат етсеңіз, келген қонақтарға жұмбақ жасырып, жаңылтпаш айтқызып көрсем қалай болады?

– Бүгін сен не айтсаң да, бәрі орындалады! Қалағаның болсын!

Алдар көсе балалар мен тәрбиешілерге жұмбақ жасырып, жаңылтпаш айтқызады.