Біреуде олақ

Жұмбақтар (дене мүшелері туралы)

Төмендегі қысқа да ұтқыр жұмбақтар адам денесінің мүшелеріне арналған. Әр жұмбақтың соңында жауабы жақша ішінде берілген.

Қанша ғұмыр кешеді,
Сонша ғұмыр өседі.

Жауабы: Шаш

Өзгені көріп екеуі,
Бір-бірін көрмей кетеді.

Жауабы: Көз

Күні бойы тынымсыз қаққан,
Түнде діңкелеп қыбырсыз жатқан.

Жауабы: Кірпік

Барлығын тыңдар,
Ізетті мұндай —
Айтшы, кім бар?

Жауабы: Құлақ

Оңқай біреу,
Солақай біреу,
Бір-біріне сүйеу.

Жауабы: Қол

Пұшық келсін,
Дөң келсін,
Жаманы жоқ —
Дем берсін.

Жауабы: Мұрын

Оймақтайы бар, дүрдигені бар,
Кезергені бар, боялғаны бар,
Сүйілмегені бар, сүйдіргені бар.

Жауабы: Ерін

Пышақ десең, жөн емес,
Бірақ пышақтан кем емес.

Жауабы: Тіс

Біреуде шешен,
Біреуде олақ.
Біреуде ұзын,
Біреуде шолақ.

Жауабы: Тіл

Осы кезбе екеуімен,
Талай жерге жетемін мен.

Жауабы: Аяқ

Дем алуды білмейтін,
Еңбекқор деп білетін.

Жауабы: Жүрек

Өзіне ауа —
Жетсе дауа.

Жауабы: Өкпе