Қазақша рефераттар

Арайлы Алтын күз

Мақсаты

Оқушылардың шығармашылық қабілеттерін және қызығушылықтарын арттыру, белсенділіктерін дамыту, ұйымшылдыққа, достыққа және жауапкершілікке тәрбиелеу.

Көрнекіліктер

  • Слайд
  • Күз суреттері
  • Шар
  • Лента
  • Жапырақтар

Сабақтың барысы

1-жүргізуші

Құрметті ұстаздар, ата-аналар, оқушылар! Көптен күткен «Арайлы Алтын күз!» атты кешімізге қош келдіңіздер!

2-жүргізуші

Күз — жыл мезгілдерінің бірі. Бұл уақытта күн салқындап, құстар жылы жаққа ұшады. Егін жиналып, жапырақтар сарғайып, жерге түседі.

1-жүргізуші

Иә, мен бұл мезгілді «Алтын күз» дер едім. Өйткені жер беті сарғайған жапырақтарды жамылып, алтын түске боялады.

2-жүргізуші

Жиналған қауым, армысыздар, бәріңіз! Келіп жетті алтын дәнді сары күз. Бірге болып қуанышта бәріңіз, бізбен бірге шаттық әнін салыңыз!

1-жүргізуші

Күз — мереке, күз — ырыстың белгісі. Қайтып барады мекеніне жыл құсы. Әнге ұласып, жырға ұласып даламыз. Алтын күздің той-думаны басталды!

Байқаудың мақсаты

Бүгінгі «Арайлы Алтын күз!» байқауында Күз Ханзадасы мен Күз Ханшайымын анықтау.

Әділқазылар алқасы

Сайыс қорытындысы әділ бағалануы үшін әділқазылар құрамы таныстырылады:

  1. 1 ________________
  2. 2 ________________
  3. 3 ________________

Сайыс құрылымы

  • 1. «Кел, танысайық»
  • 2. «Ақылы көркіне сай»
  • 3. «Көңілді аспазшы»
  • 4. «Сән үлгісі»

Әр конкурс соңында ұпай беріліп отырады. Бағалау — 5 балдық жүйе бойынша.

Қатысушылар

«Аққудай әдеміміз, сұлу жанбыз…» — деп, ортаға қатысушы жұптарды шақырамыз:

1-жұп

Әли мен Аяулым

2-жұп

Темірлан мен Хадиша

3-жұп

Мирас пен Аяжан

4-жұп

Рахим мен Диана

5-жұп

Әлішер мен Дана

6-жұп

Санжар мен Айжан

Көп сөйлеп жөн-жобадан аспайық. Қандай сайыс болса да қашпайық. Рұқсат етсеңіздер, қанеки, жұптар сайысын бастайық!

1-конкурс: «Кел, танысайық»

Әр қатысушы өздерін таныстырады. Төменде ұсынылатын өлең жолдары — таныстырудың үлгісі.

Бидай — Иманғали

Нан анасы — бидаймын, Елге астық сыйлаймын. Дәнім толып піскенде, Қауызыма сыймаймын.

Қызанақ — Нұраңсар

Топырақта шұрайлы, Өскен қызыл шырайлы. Қызанақты бала да, Қария да сұрайды.

Қияр — Ерқанат

Бекер емес онысы, Дымқылға бай қонысы. Қияр деген, бауырым, Витаминдер: А, В, С.

Қарбыз — Рахат

Күннің нұрлы шуағы Шұғыла боп шылады. Қызыл қырау ерісін, Қарбыз болып ауызда.

Қауын — Дамир

Істен қашып, бұқпағын, Дұрыс мұны ұққаның: Тәтті, дәмді қауынның Ащы терден шыққанын.

Пияз — Ануар

Пияз мына асылы, Жүр қулығын асырып: Көрсетпейді сақалын, Топыраққа жасырып.

Жапырақ — Абай

Алтын, сары, қызыл, көк — Алуан-алуан жапырақ. Күзгі бақта күлімдеп, Көз тартады жалбырап. Таудан салқын жел соқса, Сыбдырлайды қалтырап. Жақын қалды желтоқсан, Жабырқайды жапырақ.

2-конкурс: «Ақылы көркіне сай»

Жұптар тақтадағы жапырақтарды таңдап, сұрақ нөмірін анықтайды. Қойылған сұрақтарға жауап береді.

  1. 1 Қазақстан Республикасында неше облыс бар?
  2. 2 Төрт түліктің төлдерін ата.
  3. 3 Қазақтың қандай салт-дәстүрлерін білесіңдер?
  4. 4 Қазақтың қандай батырларын білесіңдер?
  5. 5 Қазақтың ұлттық тағамдарын ата.
  6. 6 Қазақтың үш биін ата.
  7. 7 Апорт алмасының отаны.
  8. 8 «Бейбітшілік құсы» деп қай құсты атайды?

Музыкалық үзіліс

Әлибек пен Сымбаттың орындауында вальс.

3-конкурс: «Көңілді аспазшы»

Әр жұп үстел үстіндегі алжапқышты тағып, орамалды басына тартады. Пышақпен екі картопты қабығын үзбей аршып, қызанақ пен қиярды әдемілеп турауы керек.

Бағалау критерийлері

  • Картоптың тазалығы
  • Қабығының үзілмеуі
  • Қияр мен қызанақтың ұқыпты әрі әсем туралуы

Музыкалық сүйемелдеу

Орыс биі.

4-конкурс: «Сән үлгісі»

Соңғы кезең — қатысушылардың сән үлгісін таныстыруы.

Қорытынды бөлім

«Арайлы Алтын күз!» байқауының барлық сындары аяқталды. Қазылар алқасы ұпайларды есептегенше, кезекті музыкалық үзіліске кезек береміз.

Музыкалық үзіліс

«Жан гүлім» әні.

Марапаттау

1-жүргізуші

Біз бұл жерде Күз Ханзадасы мен Күз Ханшайымын анықтаймыз. Жеңіс пен жеңілістен тұратын — өмір күрес. «Жеңбедім, жеңілдім» деп ренжімеңдер: Қатысудың өзі де — бір жеңіс, ұға білсең!

Әділқазылар сөзі

Күз Ханзадасы мен Күз Ханшайымы анықталып, оқушылар номинациялар бойынша марапатталады.

2-жүргізуші

Осымен бүгінгі ертеңгілігіміз өз мәресіне жетті. Қатысқандарыңызға рақмет!