Биология 7 сынып Тақырыбы
Биология · 7-сынып
Асқабақ және орамжапырақ тұқымдастары
Бұл тақырып жабық тұқымды өсімдіктердің қосжарнақтылар класына жататын екі маңызды тұқымдасты — асқабақ және орамжапырақ тұқымдастарын — таныстырады. Сабақ барысында олардың түрлері, құрылысы, сондай-ақ тағамдық және дәрілік маңызы талданып, салыстырылады.
Мақсаты
Оқушыларға жабық тұқымды өсімдіктердің қосжарнақтылар класының өкілдері ретінде асқабақ және орамжапырақ тұқымдастарының тағамдық және дәрілік маңызын түсіндіру; түрлері мен құрылысы бойынша ойлау, талдау, салыстыру, қорытынды жасау дағдыларын дамыту және кестелермен жұмыс істеу қабілеттерін жетілдіру.
Пәнаралық байланыс
- География
- Тарих
- Химия
- Медицина
Міндеттері
Пікір білдіру арқылы оқушылардың сөйлеу мәнері мен мәдениетін дамыту, тіл ұстарту шеберлігін жетілдіру.
Ойын элементтері, кестелер және ауызша диктанттар арқылы ой-өрісін кеңейту, пәнге қызығушылығын арттыру.
Күтілетін нәтиже
- Асқабақ және орамжапырақ тұқымдастарының түрлерін топпен оқып, меңгереді.
- Топтық жұмыс арқылы ұжымдық жұмысқа, ұйымшылдыққа және сыни ойлауға үйренеді.
- Өзіндік идеялары мен ойларын ашық айтып, оқушының өзіндік «Менін» қалыптастырады.