Мұғалімнің алғы сөзі

Бастауыш - білім бесігі
(әдеби - сазды кеш)
I - бөлім: Кіріспе.
- Мұғалімнің алғы сөзі.
- Бастауыш – білім бесігі - қысқа есепті баяндама.
- Қазақстан Республикасының әнұраны (оқушылардың орындауында)
II - бөлім: Білім негізі – бастауышта.
Негігі бөлім
- Әдеби - сазды монтаж.
- Ы. Алтынсарин. Әке мен бала
(сахналық қойылым)
- Шағын концерт.
III - бөлім: Қорытынды
- Ата - аналар комитеті сөз алады
- Мектеп басшыларына сөз беру.
- Марапаттау, сынып жетекшісінің қорытынды сөзі.
Кеш соңы.
Кешті өткізудегі мақсатым: Білім негізі бастауыштан қаланатын, мектеп өмірінің алғашқы баспалдағын аяқтап отырған оқушыларымның 4 жыл бойы алған білімдерін одан әрі шыңдап, болашақтың білімді ұрпағы болуларына ақ жол тілеп, ата - аналарына, басқа да пән мұғалімдеріне ризашылығымды білдіру. Бастауыш сыныптарда білім берген аяулы ұстаздарымен қоштасу рәсімін жасау.
Көрнекіліктері: Оқушылардың шығармашылығынан көрме, жазған шығармалары, салған суреттері, жасаған бұйымдары. Ұлы кемеңгер би - бабаларымыздың асыл сөздері, Еліміздің рәміздері, фото - альбом, суретті плакат.
Өтілу барысы:
I - бөлім. Кіріспе.
Мұғалімнің алғы сөзі.
- Бастауыш - білім бесігі - қысқаша есепті баяндама.
- Қ. Р - ның әнұраны оқушылардың орындауында
II - бөлім: Білім негізі - бастауышта
НЕГІЗГІ БӨЛІМ
Жүргізушілер екі оқушы\бір ұл, бір қыз\
1 - жүргізуші
Ассалаумағалейкум, ағайын!
2 - жүргізуші
- Армысыздар қымбатты ұстаздар, аяулы ата - аналар! Біз бүгін ең алғаш қалам ұстатып, әліппемен таныстырған сүйікті ұстазымызға, жанымызға білімнің жарық сәулесін сыйлаған мектеп – анаға алғысымызды айтамыз.
1 - жүргізуші
Мектебім, жылы ұя бесігім
Күнде ашық мен үшін есігің
Білімнің шуағын мол сепкен
Ұстазым, қымбат қой есімің.
2 - жүргізуші:
Кеп - кешегі тоқырау қайда қалған
Шықпаушы едік бір елі айналаңнан
Мейірімің бе, ұстаздық жүрегің бе?
Жан дүниесін баланың жаулап алған.
ХОР: Мұғалім - ол біздің
Ираида
Мектебім, алтын ұям, нұрың жарық
Жайнаттың үмітімнің гүлін жарып,
Сүйкімді сенің күміс қоңырауың
Тұрады құлағыма сыңғыр қағып.
Мырзабек:
Өткіздім, алтын ұям, нұрың жарық
Жайнаттың үмітімнің гүлін жарып
Сүйкімді сенің күміс қоңырауың
Тұрады құлағыма сыңғыр қағып.
Гүлфия:
Әліппем менің! Әліппе - менің дүнием
Сенен мен әлі үйренемін деп сүйінем
Әлемнің барлық азаматына бір тілек
Әліппе ұстап, бүлдіршін шықсын үйіңнен.
Ербол:
Мен бүгін бұрынғыдан саналымын
Қоңырау боп күмбірлейді жаңа күнім
Бет алып бара жатыр болашаққа
Аяулы он бір жасар балалығым
Аяжан:
Мектеп – үйім, ұстаздарым – ата - анам.
Сенен өсіп, сенен ғана нәр алам
Саяң ыстық, сен мәуелі бәйтерек
Тамырланып сан тарапқа тараған.
Құндыз:
Жиғанда арман құшағын
Өзіңе мен де ұқсармын.
Жеткенше қайрат, күш әлім
Биікке самғап ұшармын.
Ринат:
Ақылшы асыл, ұстазым
Жолымды айқын нұсқадың,
Қасыма кеп, қанша сен
Қамқор боп қалам ұштадың.
Индира:
Өз аузына қаратқан
Ұстаз үнін ұғамын.
Сөйтіп әрбір сабақтан
Сәл есейіп шығамын.
Гүлфия:
Жүзің жылы, құшағың кең
Сенен түлеп, ұшамын мен.
Өзің берген біліміңмен
Биіктерге шығамын мен.
ХОР: Ұстазым
1 - жүргізуші:
Жастың өсті санасы,
Елжірейді жүрегі.
Бастауышқа бар бала,
Алғыс айтып жүреді.
2 - жүргізуші:
Ұқсаттыңыз сіз бізді балаңызға
Ұқсатып ек біз сізді анамызға
Жақын тарттың, біртіндеп бауыр бастың
Жүргеніңді ұнаттық арамызда.
Ираида:
Ұстаздықты сүйіп, қалап таңдаса
Өнегесін жас ұрпаққа арнаса
Нағыз ұстаз міне осы дер едім.
Қиыны мен қызығына қанбаса.
Айбек:
Бойымызда бұлан күш
Еркін өскен ұланбыз.
Оқу білім үйреткен,
Ұстаздарға мың алғыс.
Сұлуай:
Жаңалық мол, көп екен
Меңгеруді қалайды.
Альфия апай үйреткен,
Информатика сабағы.
Бекзат:
Замзагүл, Света апайдан
Жалықпай білім мол алдық.
Ертегі тыңдап солардан
Орысша оқып, жаза алдық.
Аяжан:
Күмбірлеген күй тыңдатып
Ән салып күй тартқызды.
Жадыра апай жалықпай
Әуелетіп ән айтқызды.
Алтай:
Алғашқы әрпін тыңдатып,
Өзге тілді сөйлеткен.
Айгерім, Әсем апайлар
Ағылшын тілін үйреткен.
Мырзабек:
Гүлжан апай жайдарлы
Ақылмен кеңес береді.
Ұстаздардың ұстазы
Әлі де көп бізге берері
Біз үшін сіз анасыз
Бәрімізге панасыз.
Осылай күліп әрдайым
Жүз жасқа да барыңыз.
ХОР: Әрқашан күн сөнбесін

1 - жүргізуші: Халқымыздың ұлы кемеңгер ойшылы Абай атамыздың қара сөзінен үзінді.
Фариза: Күллі адам баласын қор қылатын үш нәрсе бар. Сонан қашпақ керек: әуелі надандық, екінші - еріншектік, үшінші - залымдық деп білесің.
Ираида: Надандық - білім - ғылымның жоқтығы, дүниеден еш нәрсені оларсыз біліп болмайды. Білімсіздік хайуандық болады.
Айбек: Еріншектік күллі дүнтиедегі өнердің дұишпаны. Талапсыздық, жігерсіздік, ұятсыздық, кедейилік - бәрі де осыдан шығады.
Индира: Залымдық адам баласының дұшпаны. Адам баласына дұшпан болса, адамнан бөлінеді, бір жыртқыш хайуан хисабына қосылады.
Сұлуай: Бес арыстың бірі Шәкәрімнің Еріншек өлеңінен үзінді.
2 - жүргізуші: Ы. Алтынсариннің Әке мен бала әңгімесі бойынша сахналық көрініс.
1 - жүргізуші: Келесі кезекті ән - биге береміз. Біздің өз күшімізбен әзірленген шағын концертті тамашалайсыздар.
III - бөлім Қорытынды: Сынып жетекшісі: Адильгереева Гүлжан Сапақызы
- Құрметті шәкірттерім бүгінгі әзірленген тамаша кештеріңізге көп - көп рахмет. Болашақтың барысы, келешектің қожасы - сіздерсіздер. Осы бастауыштан алған білімдеріңізді одан әрі шыңдай отырып, биіктерден көріне беріңіздер деп тілек айтамын.
- Ата - аналар комитеті сөз алады.
- Мектеп басшыларына сөз беру.
- Марапаттау.
- Қорытынды.