Рахмет бөьектерім
Күз тақырыбындағы сабақ-ертеңгілік
Кабинет күз тақырыбына сай безендірілді. Сабақтың мақсаты — күз мезгілінің қыр-сырын терең меңгерту, табиғатты сүюге тәрбиелеу, оқушылардың тілін дамыту және ойлау қабілетін жетілдіру.
Көрнекіліктер
- Күз мезгіліне арналған суреттер
- Күз айлары (Қыркүйек, Қазан, Қараша)
- Мақал-мәтелдер, жасырын сөздер, табиғат құбылыстары
Ұйымдастыру кезеңі
Оқушылар музыка ырғағымен сыныпқа кіріп, безендірілуге назар аударады. Мұғалім жетекші сұрақтар арқылы ой толғауға шақырады:
- Түрлі түсті жапырақтар
- Табиғат құбылыстары
- Жасырынған сөздер
- Суреттер
- Мақал-мәтелдер
- Болжамдар
Оқушылар тақтаға және табиғат бұрышына зер салып, күз айларын атайды: Қыркүйек, Қазан, Қараша. Кейін жасырын дыбысты табу тапсырмасы беріледі: сөз қатаң дауыссыз дыбыстан басталады.
Түстер мен айларды сәйкестендіру
Мұғалім жапырақ түстерін атайды, ал оқушылар соған сай айларды сәйкестендіреді: жасыл, қызғылт, сары.
Талқылау сұрақтары
- 1 Қыркүйек айында қандай мерекелер бар?
- 2 Қазан айында қандай мерекелер бар?
- 3 Қараша айында қандай мерекелер бар?
Сахналық көрініс: «Алтын күз»
Сыныпқа молшылықтың белгісі ретінде азық-түлік пен жеміс-жидек салынған дорба (ішінде түрлі бұйымдар: жаңғақтар, кітаптар және т.б.) әкелінеді. Мұғалім сұрайды: «Бұл кім келді?» Балалар жауап береді: «Күз!»
Хор
Қуандырып біздерді,
Мерекелі күз келді.
Кел, жемісті алтын күз,
Кемелденсін халқымыз.
«Алтын күздің» сөзі
«Амансыңдар ма, балалар! Мен де асығып келдім. Сендерді көргеніме қуаныштымын. Мен сендерге құр келмедім: өзіммен бірге ойындар, жұмбақтар және күзгі сыйлықтар алып келдім».
«Көктемде себілген дән күзде мол егін болып жиналады. Күздің ең бірінші байлығы не?» — Нан.
Хор: Ас атасы — нан.
Өнер көрсету және сергіту сәті
Мұғалім оқушылардың Алтын күзге арнаған тақпақтарын, өлеңдерін және билерін тамашалауға шақырады.
Сергіту сәті
Қоюланып тағы бұлт,
Жауды жаңбыр себелеп.
Жапырақты жамылып,
Жата қалды көбелек.
1) Тақпақтар
Оқушылар кезекпен мәнерлеп оқиды.
2) Өлеңдер
Хормен орындалады.
Мұғалім: «Шат көңілді балалар шаршағанды білмейді. Алтын күздің құрметіне жапырақтар биін билейді, жемістер биін орындайды».
Ойын: «Жапырақ жинау»
Алтын күз түрлі түсті жапырақтарды көрсетіп, сол жапырақтармен ойын ойнауды ұсынады. Төрт бала шығады. Ойын үш рет қайталанады. Кім тез әрі көп жапырақ жинаса, сол оқушыға сыйлық беріледі.
Қорытынды сөздер
«Рахмет, бөбектерім! Сендер мені қуанттыңдар. Күз туралы көп біледі екенсіңдер, көп нәрсе үйрендіңдер. Мен сендерге ризамын».
Мұғалімнің қорытындысы
Ақтары мырза күз,
Уылжыған жемісті.
Күзге біз де ризамыз,
Рахмет, Алтын күз!
Жиын-теріп болатын, қамбаға астық толатын, қызыл қырман дәнге толған — бұл қай мезгіл? Оқушылар: Күз.
Осылайша «Алтын күз» ертеңгілігі аяқталады.
Үй тапсырмасы
Күз тақырыбына сурет салу.