Қазақша рефераттар

Оқушыларды даярлау

Кіріспе бөлім

Бұл ертеңгілік — мектепалды даярлық сыныбы оқушыларының бір жылдық еңбегінің қорытындысы. Кеше ғана мектеп табалдырығын именіп аттаған бүлдіршіндер бүгін саналы оқушы болып, 1-сыныпқа қадам басқалы тұр. Білім кемесіне мініп, ілім іздеп алға ұмтылу — әр азаматтың борышы.

Бүгін сіздер балалардың алған білімін, жетістігін және өнерін тамашалайсыздар. «Біз мектепке барамыз» ертеңгілігін бастауға рұқсат етіңіздер.

Жүргізушінің сәлемдесуі

Жүргізуші

Армысыңдар, қымбатты мұғалімдер,

Біздер үшін ашатын сан жұмбақты.

Құшақ жайып қарсы аламыз сіздерді,

Шәкірттердің қылықтары тым тәтті.

Жүргізуші

Қош келіпсіз, ақ жаулықты аналар,

Жүздеріңнен мейірім мен нұр тамар.

Алдарыңда жауқазындай құлпырған

Тұр алаңсыз балғын шақты балалар.

1-бөлім. Әдеби бөлім: өлеңдер оқу

Мұғалімнің сөзі

Өтті оқу, сан сабақ,

Бүгін — үлкен салтанат.

Ойыншықпен қоштасып,

Оқулықпен достаспақ.

Өңкей білгіш балдырған,

Құтты болсын тойларың!

Қазақстан — кең байтақ өлкем

Қазақстанның жері үлкен: батыстан шығысқа қарай шамамен 3 000 км, солтүстіктен оңтүстікке қарай 1 700 км созылып жатыр. Табиғаты алуан түрлі: мұнда тау да бар, өзен де бар, шөл де бар.

Мемлекеттік рәміздер — елдіктің белгісі

Өлең

Рәміздерім — елдігімнің белгісі,

Білу керек баладағы ең кіші.

Рәміздерім — Әнұран, Ту, Елтаңба,

Рәміздерді жатқа білген жөн кісі.

Мемлекеттік Ту

Қазақстан Республикасының Мемлекеттік Туы — тік бұрышты көгілдір мата. Ортасында шұғылалы күн, күннің астында қалықтаған қыран құс бейнеленген. Сол жағында ұлттық өрнек салынған тік жолақ орналасқан. Тудың өлшемі: ені 1 м, ұзындығы 2 м.

Көк аспандай көкпеңбек — Қазақстан жалауы.

Көк емес ол тектен-тек — елдің ашық қабағы.

Ақ ниеті — алтын күн, асқақ арман — қыраны.

Жалауы бұл — халқымның мәртебесі, мақтаны.

Мемлекеттік Елтаңба

Мемлекеттік Елтаңбада көгілдір түс аясында шаңырақ бейнеленген. Шаңырақты айнала күн сәулесіндей тараған уықтар бар. Оны аңыздағы пырақтардың қанаты көмкеріп тұр. Жоғарғы жағында жұлдыз, төменгі жағында «Қазақстан» деген жазу орналасқан. Негізгі реңдері — алтын және көгілдір.

Елтаңбасы елімнің неткен айбат, әдемі!

Құт, береке — шаңырақ, орын алған ол төрден.

Қанатты қос арғымақ екі жақтан көмкерген.

Еркіндігім — Елтаңбам, билігім өз қолымда!

Хор

Әнұран

Отбасы — мейірімнің мектебі

Анам — күнім, жүрегім,

Әкем — өмір тірегім.

Сен — бақытты ұлансың,

Бәрі саған қуансын!

Қарындасың — қанатың,

Ел-Отаның — жаннатың.

Сен — бақытты ұлансың,

Бәрі саған қуансын.

Хор

«Біз өмірдің гүліміз»

Құндылықтар туралы шумақ

Денсаулық — бірінші, сол жадыңда жүрсінші!

Екіншісі — еркіндік, құстай самғап желпіндік!

Үшіншісі — тіліміз, онсыз жоқ-ау күніміз.

Төртіншісі — күш-қайрат, арманыңа ұш, қанат!

Аспандай мөлдірмін, жайлауымдай жазықпын.

Өзенімдей өршілмін, гүлдерімдей нәзікпін.

Туған елдің ұлымын, Отанымның гүлімін.

Туған жерге тағзым

О, алақай, туған жер! Жақсы-ақ бақша-бауларың!

Көзге ыстық көрінер сенің асқар тауларың.

Туған жердің жырларын қызғалдақтай терейік,

Кең өлкенің қырларын жүр, аралап келейік!

Жүр, аралап келейік!

Ана тілі — жан ары

Тіліңді үйрен күнде сен, ол іс деме жай ғана.

Өз тіліңді білмесең, «білгішпін» деп ойлама.

Өзге тілді үйренсең — өркендейді адамдық,

Өз тіліңнен жиренсең — өлім, қылмыс, надандық.

Ақ сүтіндей ананың — ана тілің жан арың!

Өсірген ой, білімді — сүйем туған тілімді.

Мақсат етем әр сөздің мәнін терең білуді.

Түйін

Тіл — білімнің кілті, білім — болашақтың шамы.

Хор

«Болайықшы осындай»

«Ана» деген сөз — ең аяулы

Сөздерді ең аяулы жақсы көріп жаттадым,

Енді білдім оларды кімнің ойлап тапқанын.

Ана деген сөзді де, аға деген сөзді де,

Әке деген сөзді де, тәте деген сөзді де,

Апа деген сөзді де — ойлап тапқан балалар!

«Күнім», «жаным» дегенді,

«Құлыншағым» дегенді,

«Ботақаным» дегенді,

«Айналайын» дегенді —

Ойлап тапқан аналар!

Ана туралы ой

Өмірде ана — бұлақ, ана — пана,

Өмірді өркендетер ана ғана.

Ана — біздің елде ардақты адам,

Өзінің аяулысы — Отанды да «Ана» деп халық текке айтпаған.

Отан туралы жыр

Отан — жерім, Отан — суым,

Отан қуат нәр береді.

Отан — ұран, Отан — туым,

Отан мәңгі гүлденеді!

Отан деген — атамекен,

Отан деген — туған жер.

Отан — ана, Отан — үлкен,

Қазақстан — туған ел!

Отан — әкем, Отан — атам,

Осы сөзім қате ме екен?

Қате болса, неге біздер

Дейміз оны — Атамекен?

Атам, әжем, әкем, анам —

Төртеуі де Отан маған.

Мақтанамын Отаныммен,

Отаныма ботамын мен.

Хор

«Отан»

Мектепке қадам

Үйдегі жауапкершілік

Апам үшін күнде мен отынға ағаш жарамын.

Су құямын гүлге де, дүкенге де барамын.

Қоям шайын қайнатып, үй ішін де сыпырамын.

Жылай қалса бөпемді жұбатамын ойнатып.

Апам бірақ мен үшін оқымайды сабақты.

Болашақ оқушының уәдесі

Мектепке енді барамыз, біз оқушы боламыз.

Жақсы оқып сабақты, кілең бестік аламыз.

Ойыншықты жинаймыз, бөбектерге сыйлаймыз.

Үлкен болып өссек те, даярлықты қимаймыз.

Хор

«Мұғалім — ол біздің...»

Шумақ

Біз мектепке барамыз, қолға қалам аламыз.

Кітапты да оқимыз, суретті де саламыз.

Үлкендердей тап-таза жазамыз тақтаға,

Үлгілі бала боламыз, жүретіндей мақтана.

Қоштасу

Адамдықтың бастауын өзімізбен аламыз.

Даярлық сынып, енді біз қоштасамыз сізбенен.

Ашып мектеп есігін, мінеміз білім кемеге.

Өсиет

Мектебің — мынау, класың — осында он жыл тұрасың.

Тарыдай болып кіресің, таудай болып шығасың.

Хор

«Әліппе»

2-бөлім. Біз білімді баламыз

Бұл бөлімде балалар мектепалды даярлық сыныбында өткен пәндер бойынша сұрақтарға жауап беріп, білімін көрсетеді.

Сауат ашу

  • Алфавитте 42 әріп бар.
  • Дыбыс 2-ге бөлінеді.
  • Дауысты дыбыс — 15.
  • Дауыссыз дыбыс — 25.
  • 2 белгі бар.
  • Сөздер мен сөйлемдер құрастыру.

Математика

Хор: «Есеп сабағы»

  • 1-ден 20-ға дейін санау, үш тілде санау.
  • Геометриялық пішіндерді атау.
  • Есептер шығару.

Хор: «Бүгін қай күн?»

Тіл дамыту

  • Біздің еліміз қалай аталады?
  • Біз қандай мемлекетпіз?
  • Елбасымыз кім?
  • Елордамыз қай қала?
  • Мемлекеттік рәміздерді ата!

Мұғалімнің сөзі

Балалар, сендермен танысуға кімнің келгенін қараңдаршы.

Әліппенің сөзі

Сәлем, гүлдей балғындар,

Бақшадан тәлім алдыңдар.

Ер жеткен, ақылды достар,

Енді мектеп шақырды.

Үлгеріңдер әр іске,

Үйретемін білімге.

Кәне, қалмай бірің де,

Мектеп жаққа жүріңдер.

Бәрі: Әліппені сүйеміз, әдеппен бас иеміз.

Оқу туралы үндеу

Мұғалім: Оқуға, ойға жан құмар, оқысын сені балғындар. Қанықсын әрбір сөзіңе, қамқоршы болғын өзің де.

Әліппе: Әріптен ғылым басталған, оқуды менмін бастаған. Ұстазын тыңдап, ұқыппен оқыған бала мақсатына жетеді.

Бәрі: Мектепте жақсы оқимыз, ойға бәрін тоқимыз.

3-бөлім. Біз өнерпаз баламыз

Балалардың шығармашылық қабілетін ашатын көңілді концерттік бағдарлама.

Ән

  • «Апа, туған күніңмен»
  • «Апатайым — анашым»
  • «Құттықтаймын, мама»
  • «Анашым»
  • «Әрқашан күн сөнбесін»

Би

  • «Қара жорға»
  • Үнді биі
  • «Қуыршақтар»
  • «Чунга-Чанга»
  • «Кукарелла»

Алғыс

Хор: Адам етіп баптаған, ардақтап бізді мақтаған тәрбиешімізге мың алғыс!

Қорытынды бөлім

Мұғалімнің сөзі

Құрметті ата-аналар, ұстаздар, қонақтар! Бүгін бүлдіршіндердің білімін де, өнерін де тамашаладыңыздар. Назар қойып тыңдап, қолдау білдіргендеріңіз үшін алғыс айтамыз. Енді құттықтау сөз кезегін ата-аналарға береміз: ақ тілектеріңізді білдіріңіздер.

Құттықтау сөз — ата-аналар мен қонақтарға беріледі.