Қазақша рефераттар

Ұсақ моншақтардан панно жасау

Сабақтардың тақырыптары

  • 1 Ашықхаттан үй жиһазын жасау
  • 2 Құмыраны дәндермен безендіру
  • 3 Түйме салатын қобдиша жасау
  • 4 Былғарыдан сөмке тігу

Сабақ үлгісі

Тақырыбы

Ұсақ моншақтардан панно жасау.

Мақсаты

  • Оқушыларды ұсақ моншақтардан панно жасауға үйрету.
  • Ой-өрісін және қиялын дамыту.
  • Әсемдікке баулу, эстетикалық тәрбие беру.

Сабақтың типі

Аралас сабақ

Әдісі

Сұрақ-жауап, түсіндіру, көрнекілік

Көрнекілігі

Моншақтардан жасалған әртүрлі бұйымдар

Қажетті материалдар мен құралдар

  • Түрлі-түсті ұсақ моншақтар
  • Көбелек, жапырақ, жұлдызша бейнелі пайеткалар
  • Қатты қағаз
  • Қарындаш
  • ПВА желімі
  • Ағылшын түйреуіші

Сабақтың барысы

  1. I. Ұйымдастыру кезеңі

    Сабаққа дайындық

    Оқушылардың жұмыс орны мен құралдарының дайындығы тексеріледі.

  2. II. Мақсат қою кезеңі

    Тақырып пен мақсат

    Сабақтың тақырыбы мен мақсаты таныстырылады.

  3. III. Жаңа материалды түсіндіру кезеңі

    Мұғалімнің түсіндірмесі

    Ұсақ моншақтарды алқа, сырға жасап, сондай-ақ әртүрлі киімдерді безендіруге қолдануға болады.

    Өзімізге ұнайтын кез келген суретті таңдап алып, соның негізінде панно жасауға да болады.

    Сергіту сәті: қысқа қимыл-қозғалыс жаттығулары орындалады.

  4. IV. Жаңа материалды меңгергенін тексеру кезеңі

    Оқулық, сұрақ-жауап, практика

    1) Оқулықпен жұмыс

    Мәтін іштей оқылады, кейін тізбектей оқыту ұйымдастырылады.

    2) Сұрақ-жауап

    Тақырып бойынша жетекші сұрақтар қойылып, оқушылардың түсіну деңгейі анықталады.

    3) Практикалық жұмыс

    Жұмысты орындау реті:

    1. 1

      Ең алдымен қатты қағаз бетіне қарындашпен себеттегі гүлдің суретін саламыз.

    2. 2

      Суреттің бетіне қылқаламмен желімді жұқа етіп жағамыз. Желім кеппей тұрғанда үстіне ұсақ моншақтарды жапсырамыз. Себетті аяқтағаннан кейін гүлдерді безендіреміз.

    3. 3

      Гүл мен себетті толық безендіріп болған соң, панноға көбелек, жұлдызша және жапырақ бейнелі пайеткаларды жапсырамыз.

    4. 4

      Дайын панноға жақтау жасап, оны әшекейлейміз.

  5. V. Бекіту кезеңі

    Қорытындылау

    Талқылауға арналған сұрақтар:

    • Бүгінгі сабақта нені үйрендік?
    • Өзің қандай гүлді ұнатасың?
    • Желімді не үшін жұқа етіп жағамыз?

  6. VI. Бағалау

    Нәтижені талдау

    Оқушылардың жұмыстарын өзара салыстыра отырып, еңбегі бағаланады.