Қазақша рефераттар

Соңғы айдарымыз Кім білімді

Сабақтың тақырыбы

Компьютерлік техниканың даму үрдісі

Сабақтың мақсаты

Білімділік

Компьютерлік техниканың дамуы туралы мәлімет беру, ұлы тұлғалардың жаңалықтарымен таныстыру, тарихи деректер арқылы ақпарат құралдарына қызығушылық қалыптастыру.

Дамытушылық

Оқушыларды зерттеу жұмысын жүргізуге бағыттау, шығармашылық қабілеттерін дамыту, ақпарат құралдарымен сауатты жұмыс істеуге баулу.

Тәрбиелік

Еңбекқорлыққа тәрбиелеу, білімді, бәсекеге қабілетті, іскер ұрпақ қалыптастыру.

Сабақ сипаттамасы

Сабақтың түрі
Жаңа сабақ
Сабақтың типі
Сайыс сабағы
Сабақ әдістері
Түсіндіру, дәлелдеу, сұрақ-жауап, талдау
Көрнекіліктер
Интерактивті тақта, слайдтар, кестелер
Пәнаралық байланыс
Тарих, дене шынықтыру

Сабақ жоспары

  1. I. Оқушыларды ұйымдастыру

    Сәлемдесу, түгелдеу, назар аударту, топқа бөлу

    2 минут

  2. II. Үй тапсырмасын тексеру

    Сайыс бөлімдері арқылы білімді пысықтау

    8 минут

    «Кім мықты»

    Сұрақтарға жауап беру (әр дұрыс жауап — 4 ұпай).

    Уақыты: 5 минут

    «Адасқан әріптер»

    Әріптерді реттеп, сөз құрастыру (әр дұрыс жауап — 5 ұпай).

    Уақыты: 3 минут

  3. III. Жаңа тақырыпты түсіндіру

    Компьютерлік техниканың даму үрдісі

    20 минут

  4. IV. Жаңа сабақты қорытындылау

    Сұрақтар, сергіту, жылдамдық және визуалды тапсырмалар

    14 минут

    «Ақиқатты ақпарат»

    5 сұрақтың біреуіне толық жауап жазу (WordPad). Әр жауап — 4 ұпай.

    Уақыты: 5 минут

    Сергіту сәті

    Қимыл-қозғалыс арқылы бой жазу, зейінді сергіту.

    Уақыты: 1 минут

    «Жүзден жүйрік – мыңнан тұлпар»

    Мәтін теру тапсырмасы: тез әрі дәл орындаған оқушыға — 5 ұпай.

    Уақыты: 6 минут

    «Кім білімді»

    Суреттерді танып, дұрыс атауын айту. Әр жауап — 5 ұпай.

    Уақыты: 2 минут

  5. V. Үй тапсырмасы және бағалау

    Тақырыпты бекіту, топтық ұпайларды қорытындылау

    1 минут

Сабақтың барысы

I. Ұйымдастыру кезеңі

Оқушылармен амандасу, түгелдеу, оқу құралдарын және сабаққа дайындығын тексеру, назарын сабаққа аудару. Ашық сабақ аясында оқушылар екі топқа бөлінеді: «Ақпарат» және «Компьютер».

II. Үй тапсырмасын тексеру

Айдар: «Кім мықты»

Төмендегі сұрақтарға жауап беріледі. Әр дұрыс жауапқа — 4 ұпай.

  • Компьютер дегеніміз не?
  • Ақпаратты қалай қорғауға болады?
  • Компьютерлік вирус дегеніміз не?
  • Ақпарат дегеніміз не?
  • Қандай архиватор бағдарламаларын білесің?
  • Ақпараттың қасиеттерін ата.
  • Адам ақпаратты қалай қабылдайды?
  • Вирустан қорғайтын бағдарламаларды қалай атаймыз?

Айдар: «Адасқан әріптер»

Әріптерді дұрыс орналастырып, сөз құрастыру керек. Әр дұрыс жауапқа — 5 ұпай.

  1. Вирустан қорғау бағдарламасының түрлері: еврироз, дорокт, детторке
  2. Қоршаған ортадан алынатын білім, мәлімет немесе команда: рақатап

III. Жаңа тақырып: Компьютерлік техниканың даму үрдісі

Компьютерлік техниканың дамуы оның ішкі құрылымдарының жетілуімен қатар жүрді. Өткен ғасырдың 70-жылдары мини-компьютерлердің қарқынды дамыған кезеңі болса, кейін дербес компьютерлер кең тарады. Ғасыр соңында интернеттің жаппай енгізілуі жаңа деңгейге жол ашты.

Соңғы жылдардағы басты үрдіс — электрондық есептеуіш машиналардың (ЭЕМ) экономика, саясат, ғылым, білім, денсаулық сақтау, әскери сала және күнделікті өмірге кеңінен енуі. Компьютер тұрмыстың ажырамас бөлігіне айналып, қолданылу аясы үнемі кеңеюде. Бүгінде оқушылардың үй тапсырмасын компьютер көмегімен орындауы қалыпты жағдай.

Негізгі ой

Компьютер эволюциясы құрылғылардың қуаты ғана емес, олардың өмірдің барлық саласына кірігуі және жаңа өзара байланысқан экожүйелердің қалыптасуымен өлшенеді.

Компьютер дамуының бесінші, ең күрделі буыны — виртуалды әлемде көрініс, қимыл және дыбыс арқылы адамға сезімдік түрде әсер ететін технологиялар. Мұндай шешімдер бүгінде жобалау мен дизайнда, пайдалы қазбаларды іздеу және өндіруде, әскери технологияларда, құрылыста, маркетинг пен жарнамада кеңінен қолданылады.

Компьютерлер, байланыс құралдары және тұрмыстық техника бір-бірін толықтырып, біртұтас кешенге айналуда. Әмбебап компьютерлердің орнын жаңа құрылғылар — смартфондар басып келеді, қалта компьютерлері көбейіп, ықшам әрі қуатты дербес компьютерлерге басымдық берілуде.

Қазіргі таңда нейрокомпьютерлер негізінде ЭЕМ-нің алтыншы буынын жасау бағытында зерттеулер жүргізілуде. 2020–2025 жылдары молекулалық, кванттық, биокомпьютерлер және оптикалық компьютерлердің кеңінен шығуы ықтимал деген болжамдар айтылуда.

IV. Қорытынды бөлім

Айдар: «Ақиқатты ақпарат»

5 сұрақтың біреуіне толық жауап беріп, мәтінді WordPad бағдарламасына енгізу қажет. Әр дұрыс орындалған жұмысқа — 4 ұпай.

  • Компьютерлік техниканың дамуы қай салаларда қолданылады?
  • Компьютер дамуының бесінші буыны қандай?
  • ЭЕМ-нің негізгі буындары нешеге бөлінеді?
  • Қазіргі таңда шығып жатқан компьютердің жаңа түрлерін ата.
  • Болашақтағы компьютерлер қандай болуы мүмкін?

Сергіту сәті

Шаршасаңдар, балалар, қолдарыңды созыңдар.

Саусақтармен ойнаңдар, қолдарыңды сермеңдер.

Денелерің шынықсын, саналарың тынықсын.

Қолдарыңды көтеріңдер — бір дейік, көп отырып қатты шаршап жүрмейік.

Қолды создық, басты бұрдық — екі деп, қозғалыспен әрбір адам жетіледі.

Алға, артқа қарадық та — үш дедік, тағы жаңа жаттығулар істедік.

Түсірейік қолды төрт пен бесті айтып, отырайық көңілді енді марқайтып.

Айдар: «Жүзден жүйрік – мыңнан тұлпар»

Әр оқушыға мәтін теру бойынша жеке тапсырма беріледі. Тапсырманы 5 минут ішінде аяқтау керек. Жылдам әрі дұрыс аяқтаған оқушыға — 5 ұпай.

Айдар: «Кім білімді»

Слайдтағы суреттерді анықтап, дұрыс атауын айту қажет. Әр жауапқа — 5 ұпай.

V. Үй тапсырмасы және бағалау

Үй тапсырмасы

«Компьютерлік техниканың даму үрдісі» тақырыбын қайталау және қысқаша конспект дайындау.

Топ Кім мықты Адасқан әріптер Ақиқатты ақпарат Кім білімді Жалпы ұпай
Ақпарат — — — — —
Компьютер — — — — —

Бағалау кезінде топтағы белсенділік танытқан оқушылардың жауаптары мен тапсырмаларды орындау сапасы ескеріледі.