Көнерген сөздерді тауып, түріне ажыратыңдар
Сабақтың тақырыбы: Көнерген сөздер
Бұл сабақта оқушылардың өткен тақырыптар бойынша білімін тексеріп, көнерген сөздер туралы теориялық білімін тәжірибе жүзінде бекіту көзделеді.
Сабақтың мақсаты
Білімділік
- Өтілген тақырыптар бойынша меңгерген білімдерін тексеру.
- Көнерген сөздер бойынша теориялық білімді практикада қолдану.
Дамытушылық
- Ойлау қабілетін дамыту арқылы өздігінен жұмыс істеу дағдыларын жетілдіру.
- Тіл байлығын арттыру және сөздік қорын молайту.
Тәрбиелік
Оқушыларды адамгершілік асыл қасиеттерге баули отырып, ұлттық салт-дәстүрді бойына сіңіруге бағыттау.
Сабақтың сипаттамасы
Сабақтың түрі
Бекіту, жинақтау сабағы.
Әдіс-тәсілдер
Іздендіру, топтастыру, сұрақ-жауап, талдау.
Көрнекіліктер
Интерактивті тақта, тірек сызбалар, үйлестірмелі кеспе қағаздар.
Пәнаралық байланыс
Әдебиет, тарих, халықтық педагогика.
Сабақтың барысы
-
1
Ұйымдастыру кезеңі
Сыныпты сабаққа дайындау, зейінді шоғырландыру.
-
2
Үй тапсырмасын сұрау
162-жаттығу: шешендік сөздер мен ауыз әдебиеті үлгілерінің бірінен көнерген сөздерді тауып жазыңдар. Олардың көнерген сөздің қай түріне жататынын анықтаңдар.
-
3
Жинақтау, бекіту
Негізгі ұғымдарды жүйелеу, мысалдар арқылы бекіту және тапсырмалар орындау.
-
4
Сабақты қорытындылау
Өткен материалды түйіндеу, негізгі тұжырымдарды айту.
-
5
Білімдерін бағалау
Тапсырмаларға сүйене отырып, оқушылардың жұмысын бағалау.
-
6
Үйге тапсырма
Төмендегі тапсырмаларды орындау.
Ой шақыру: көнерген сөздердің түрлері
Тарихи сөздер
- Ел басқаруға байланысты атаулар
- Қару-жараққа қатысты атаулар
- Әкімшілік сөздер
Архаизм сөздер
- Мата атаулары
- Әдет-ғұрып атаулары
- Діни сөздер
- Киім-кешек, ыдыс-аяқ атаулары
- Жыл атаулары
- Ай атаулары
Оқулықпен жұмыс
157-жаттығу
1-топ
Үш сөзге сөйлем құрау.
2-топ
Фонетикалық талдау жасау.
3-топ
Мәтіннен көнерген сөздерді табу.
Бой сергіту: тапсырмалар
1-тапсырма
Көнерген сөзді тауып, түрін ажыратыңдар.
«Адамның, шөптің, құстың жаманын әкел дегенде, уәзірлерімнің алып келген жаманы еді.»
2-тапсырма
Көнерген сөзді тауып, түрін ажыратыңдар.
«Кешке ханның екі баласы күзетке барғанда, Кендебай да жасырынып барып отырады.»
3-тапсырма
Көнерген сөзді табыңдар.
«Сөйлей білген бір жақсы,
Істей білген он жақсы.
Тігілмеген ішіктен,
Қолыңда бар тон жақсы.»
4-тапсырма
Көнерген сөздерді тауып, түрін ажыратыңдар.
«Ақсуат би ауыл үстін ат тұяғы шаңдатады деп, ауылына аттылы кісіні түсірмейді екен.»
5-тапсырма
Көнерген сөздерді тауып, түрін ажыратыңдар.
«Біздің Байұлының барымтаға барған бір жігітін Әлімнің кісілері өлтіргелі үш жыл болды.»
6-тапсырма
Көнерген сөзді табыңдар.
«Бас аман болса, бөрік табылады.»
Үйге тапсырма
- Көнерген сөздерге көркем әдебиеттен 5 сөйлем жазу.
- Суреттер топтамасындағы 28-суретке сүйене отырып, шағын әңгіме құрастыру.