Қазақша рефераттар

Геометриялық пішіндер, түстер туралы түсінік

Ұйымдастырылған оқу іс-әрекетінің технологиялық картасы

Бұл жоспар 2–3 жас аралығындағы «Балдаурен» бірінші кіші тобына арналған. Тақырып: «Түлкіде қонақта».

Негізгі мәліметтер

Жасы:
2–3
Тобы:
Бірінші кіші «Балдаурен»
Білім саласы:
Таным, Шығармашылық
Кіші сала:
Сенсорика, Мүсіндеу

Мақсаты

  • Заттарды әртүрлі түстеріне қарай топтастыруға үйрету.
  • Әртүрлі пішіндерден зат құрастыру дағдысын дамыту.
  • Тұзды қамырды алақан арасында домалақтау және жалпақтау дағдыларын қалыптастыру.
  • Қызығушылықты арттыру және тапсырманы соңына дейін орындауға тәрбиелеу.

Алдын ала жұмыс

Пішіндер мен түстерді ажырату, жұмбақ шешуге дайындық.

Сөздік жұмыс

ілгіш моншақ печенье

Дидактикалық құралдар

  • Пішіндер
  • Түстер
  • Ілгіштер (қысқыштар)
  • Орамалдар

Билингвистикалық компонент

Қазақша Орысша
түлкі лиса
моншақ бусы
қысқыш прищепка
орамал платочек

Сабақ барысы

I кезең: Мотивациялық-қозғаушы

Балаларды қызықтыру, эмоционалдық дайындық қалыптастыру.

Сюжеттік кіріспе

Тәрбиеші әрекеті

  • Түлкі есік қағып топқа кіреді.
  • Балалармен амандасады.
  • Балаларды орманға, түлкінің үйіне қонаққа баруға шақырады.

Балалар әрекеті

  • Есік қаққанға қызығушылық танытады.
  • Түлкімен амандасады.
  • Орманға баруға келіседі.

II кезең: Проблемалық-ізденушілік

Сенсорикалық тапсырмалар арқылы түсті, пішінді тану және ұсақ моториканы дамыту.

Негізгі жұмыс

Тапсырма 1: Моншақты құтқару

Түлкі балалардан көмек сұрайды: моншақтары суға шашылып қалыпты. Балалар сүзгіш арқылы моншақтарды жинап береді.

  • Моншақтарды судан сүзіп алады.
  • Түсіне қарай орамалмен суын сүртеді.
  • Орамалды қысқыштың түсіне сәйкес іледі.
  • Жиналған моншақты түлкіге сыйлайды.

Тапсырма 2: Ұнтақ ішінен пішін табу

Тәрбиеші балаларға манка (ұнтақ) ішінен геометриялық пішіндерді қолмен іздеп табуды ұсынады.

  • Табылған пішіннің атын, түсін атайды.
  • Пішіндерден үйшік құрастырады.

Сергіту сәті

Балалар көтеріңкі көңіл-күймен қимыл-қозғалыс жасайды.

Аяғымыз топ-топ,
Ал қолменен хлоп-хлоп-хлоп.
Бір оңға, бір солға,
Айналайық, кел мұнда.
Секіремін жоғары,
Қиын емес секіру.
Бір оңға, бір солға,
Айналайық, кел мұнда.

Тапсырма 3: Печенье жасау (тұзды қамыр)

Тәрбиеші балаларды тұзды қамырдан печенье жасауға шақырады: қамырды илеп, алақанға салып домалақтап, жалпақтап, оқтаумен жайып, әртүрлі қалыптармен кеседі.

  • Қамырды илейді.
  • Домалақтайды, жалпақтайды.
  • Оқтаумен жаяды.
  • Қалыптармен әртүрлі пішіндер кеседі.
  • Дайын печеньелерді түлкіге апарып береді.

III кезең: Рефлексиялық-түзетуші

Қорытындылау, кері байланыс, мадақтау.

Қорытынды

Сұрақ

Тәрбиеші: «Балалар, бүгін біз нелер жасап бердік?»

Жауап

Балалар: «Печенье жасадық, моншақ жинадық, үйшік құрастырдық, орамалдарды ілгішке ілдік».

Мадақтау

Балаларды мадақтау: смайлик бейнелі сорғыш кәмпит беру.

Күтілетін нәтиже

Жаңғыртады

Әртүрлі пішіндерден заттар құрастыруды.

Түсінеді

Геометриялық пішіндер мен түстер туралы түсінікті.

Қолданады

Пішіндерді ажыратуды, түстерді атап, топтастыруды.