В. Натурал сандардың бөлінгіштігі5 сыныпСабақ тақырыбы
Ұзақ мерзімді жоспар бөлімі
5.1В. Натурал сандардың бөлінгіштігі (5-сынып)
Сабақ тақырыбы
Натурал сандардың бөлгіштері мен еселіктері
Оқу мақсаттары (оқу бағдарламасына сілтеме)
- 5.1.1.5 — натурал санның бөлгіші мен еселігі анықтамаларын білу.
- 5.1.2.8 — натурал сандардың бөлгіштерін табу.
- 5.1.2.9 — натурал сандардың еселіктерін табу.
Сабақ мақсаттары
Барлық оқушылар
- Натурал санның бөлгіші мен еселігінің анықтамасын біледі.
- Сандардың бөлгіштері мен еселіктерін таба алады.
Оқушылардың басым бөлігі
- Натурал сандардың ортақ еселіктері мен ортақ бөлгіштерін анықтап, түсіндіре алады.
Кейбір оқушылар
- Берілген натурал санның бөлгіштері жұптарының қасиетін біледі.
- Есеп шығару барысында күрделірек тапсырмаларда бөлгіштерді/еселіктерді тиімді тәсілмен таба алады.
Сабақтың басы
Ұйымдастыру кезеңі
1) Психологиялық дайындық. Ынтымақтастық атмосферасын орнату.
«Сәлемдесу» ойыны: қатар тұрған оқушылар бір-бірімен иықпен, қолмен, шынтақпен және баспен сәлемдеседі. Бұл ойын оқушылардың көңіл күйін көтеруге бағытталған.
Топтастыру
Оқушылар дыбыстау арқылы шағын топтарға бөлінеді. Тақырыпқа байланысты оқушыларды 2, 3, 4, 5, 6 топқа біріктіремін. Әр бөлу кезінде қалдықпен бе, әлде қалдықсыз ба бөлінетінін анықтап сұраймын.
Ой қозғау
Өзің оқитын сынып оқушыларын 2 топқа, 3 топқа, 4 топқа, 5 топқа бөлуге бола ма? Неліктен?
Қорытынды: 4 топқа топтасамыз.
Тапсырма 1 — Үй тапсырмасы
Үй тапсырмасы «Ыстық орындық» стратегиясы бойынша тексеріледі. Дәптерлер тексеру үшін жиналып алынады.
Мақсаты: өткен сабақта алған білімдерін еске түсіру және кері байланыс беру.