Қазақша рефераттар

Өлеңді мәнерлеп оқуы

Сабақ туралы қысқаша мәлімет

Пәні

Әдебиеттік оқу

Тақырыбы

Жарасқан Әбдірашев: «Алматы – бас қалам, Жас қала – Астанам»

Мақсаты

Оқушыларды Жарасқан Әбдірашевтың «Алматы – бас қалам, Жас қала – Астанам» өлеңін мәнерлеп әрі түсініп оқуға үйрету, өлеңнің өзекті ойын ашуға жағдай жасау.

Міндеттері

  • Өз бетінше шығармашылықпен жұмыс істеуге баулу.
  • Байланыстырып сөйлеуін және шығармашылық ойлауын дамыту.
  • Өз ойын еркін, дәл жеткізуге дағдыландыру.

Қолданылған модульдер мен тәсілдер

Модульдер

  • Оқыту мен оқудағы жаңа тәсілдер
  • Сыни тұрғыдан ойлауға үйрету
  • Ақпараттық-коммуникациялық технологияларды қолдану
  • Оқыту үшін бағалау және оқуды бағалау
  • Білім берудегі басқару және көшбасшылық
  • Оқушылардың жас ерекшелігіне сәйкес оқыту және оқу

Стратегиялар

Диалог Түрткі болу сұрақтары Ментальды карта Сөзжұмбақ Сергіту сәті Әнге билету Венн диаграммасы Бес жолды өлең Эссе Критерий арқылы бағалау Рефлексия: «Екі жұлдыз, бір тілек»

Сабақтың барысы

I. Кіріспе

Ұйымдастыру және психологиялық дайындық

«Балқашым – балбұлағым,
Мақтанар туған жерім.
Алаңсыз боп құшағыңда,
Ер жетіп өсіп келемін.»

Топқа бөлу

Оқушылар бірлесе жұмыс істеу үшін сурет қиындылары арқылы 4 топқа бөлінеді:

  • 1-топ: Балқаш
  • 2-топ: Алматы
  • 3-топ: Астана
  • 4-топ: Көкшетау

Үй жұмысын тексеру

  • 1-, 2-, 3-топ: «Көкшетау» өлеңін тізбектей жатқа айтады.
  • 4-топ: өлең бойынша ментальды карта құрады.
  • Өлең мазмұны бойынша қысқаша талқылау жүргізіледі.

II. Негізгі бөлім

Жаңа тақырыпқа кіріспе

  • «Жарасқан Әбдірашев кім?» тақырыбында слайд көрсетіледі.

Түрткі болу сұрақтары

  • Қазір қандай тарауды өтіп жатырмыз? Оқыған шығармаларды атаңдар.
  • Алматы қаласы туралы не айта аласыңдар?
  • Астана қаласы жайлы не білесіңдер?
  • Қазақстанның астаналары қандай болған? Атап көріңдер.

Оқулықпен жұмыс

  • Мұғалім өлеңді мәнерлеп оқиды.
  • Оқушылар өлеңді тізбектей оқиды.

Сергіту сәті

«Алматы – бас қалам, Астана – жас қалам» тақырыбындағы әнмен қимыл-қозғалыс арқылы сергіту ұйымдастырылады.

Сөзжұмбақ (өлең мазмұны бойынша)

Сөздер тізімі

  1. 1) Қара
  2. 2) Бас
  3. 3) Тау
  4. 4) Сарыарқа
  5. 5) Керілген
  6. 6) Болашағы

Сұрақтар

  1. 1) Қарт Алатауды автор кім дейді?
  2. 2) Ақын Алматыны қандай қала деп атайды?
  3. 3) Елге несі бар қала жарасады дейді?
  4. 4) Алашаны еске түсіретін қай өлке?
  5. 5) Астана қандай даланың сәні?
  6. 6) Сарыарқада қазақтың несі бар дейді?

III. Қорытынды

Топтық жұмыс

1-топ

Ментальды карта құру.

2-топ

«Бес жолды өлең» құрастыру (синквейн).

  • 1-жол: зат есім (1 сөз)
  • 2-жол: сын есім (2 сөз)
  • 3-жол: етістік (3 сөз)
  • 4-жол: сөйлем (4 сөз)
  • 5-жол: зат есім (тақырыпты түйіндеу)

3-топ

Эссе жазу: «Туған қалам».

4-топ

Венн диаграммасы: Алматы мен Астананы салыстыру.

Рефлексия

«Екі жұлдыз, бір тілек»: әр оқушы екі ұнаған тұсты және бір ұсынысын жазады немесе ауызша айтады.

Бағалау (критерийлер бойынша)

  1. Үй жұмысына жауап беру.
  2. Сұрақ-жауапқа қатысу.
  3. Өлеңді мәнерлеп оқуы.
  4. Пікірталасқа қатысып, өз ойын жеткізе алуы.
  5. Топтық жұмыста белсенділік танытуы.

Үй тапсырмасы

Өлеңді жаттау және мазмұндау.