Қазақша рефераттар

Ұлтымыз қазақ, ана тіліміз қазақ тілі

Оқу іс-әрекетінің қысқаша сипаттамасы

Ұйымдастырылған оқу іс-әрекеті: Тіл дамыту

Білім беру саласы: Қатынас

Тақырып

Туған тілім — ардағым, туған жерім — шаңырағым

Мақсаты

  • Балалардың тілін дамыту.
  • Зейінін тұрақтандыру.
  • Ойлау қабілетін жетілдіру.
  • Сөздік қорын байыту.
  • Байланыстырып сөйлеуін дамыту.

Міндеттері

Білімділік: Қазақстан Республикасы туралы түсініктерін кеңейту, Отанын және туған жерін танып-білуге, құрметтеуге үйрету.

Тәрбиелік: Тілін, дінін, елін, жерін, Отанын сүюге және қадірлеуге баулу.

Көрнекілігі

  • Презентация, мақал-мәтелдер.
  • «Астанаға саяхат» бұрышы: Бәйтерек, әсем ғимараттар.
  • Қазақстан Республикасының рәміздері: Ту, Елтаңба, Әнұран.
  • Қазақстан картасы, «Алтын адам» және т.б.

Әдіс-тәсілдері

  • Көрсету
  • Түсіндіру
  • Сұрақ-жауап
  • Саяхат
  • Ойын

Мотивациялық кезең: «Жүректен — жүрекке»

Н. Жанаевтың өлеңі

Қарашы күз келді, күз келді,

Сары алтын жауыпты іздерді.

Құс біткен керуен тізеді,

Көңілсіз еткен күз енеді.

Сұрақ:

Өлеңде жылдың қай мезгілі туралы айтылған?

Күзгі суреттер бойынша әңгіме

  1. Саябақта
  2. Егіс алқабында
  3. Біздің аулада

Жылы тілек

Көк аспанда күн күлсін!

Бірге күлсін бүлдіршін.

Көк аспанда күн күлсін,

Жерге ұдайы нұр құйсын!

Жеке қасиеттерді бекіту

  • Сен әдептісің.
  • Сен мейірімдісің.
  • Сен адалсың.
  • Сен қайырымдысың.
  • Сен ақкөңілсің.
  • Сен сабырлысың.
  • Сен көріктісің.

Ізденіс кезеңі: сұрақ-жауап арқылы ой қозғау

Негізгі сұрақтар

  • Біздің еліміз, Отанымыз қалай аталады?
  • Тәуелсіздік алғанымызға неше жыл болды?
  • Елімізді басқарып отырған тұңғыш Президентіміз кім?
  • Қазақстан Республикасының рәміздерін ата.
  • Біз қай тілде сөйлейміз? Ана тіліміз қандай? Ұлтымыз кім?

Жауаптар (бекіту)

Еліміз
Тәуелсіз Қазақстан Республикасы.
Тәуелсіздік жылдары
Тәуелсіздік алғанымызға 20 жыл болды.
Тұңғыш Президент
Нұрсұлтан Әбішұлы Назарбаев.
Рәміздер
Ту, Елтаңба, Гимн.
Ана тілі, ұлт
Ұлтымыз — қазақ, ана тіліміз — қазақ тілі.

Тіл туралы ой

Қазақ тілі — ұрпақтан ұрпаққа жалғасқан қастерлі мұра. Оның сақталуы мен дамуына көптеген ақын-жазушылар зор үлес қосты. Солардың бірі — Қадыр Мырзалиевтің тілге арналған өлеңдерін еске түсіру арқылы балалардың ана тіліне құрметін арттыру көзделеді.

«Астанаға саяхат»: танысу және пікір алмасу

Саяхат мазмұны

  • Топ бұрышындағы «Астанаға саяхат» аймағына шолу жасау.
  • Әсем ғимараттармен танысу, нысандардың ерекшелігін айту.
  • Бәйтерек туралы ой қозғап, оның символдық мәнін талқылау.
  • Астана қаласы туралы балалардың ойын ортаға салу.

Негізгі ұғымдар

  • Елдік рәміздер — тәуелсіздіктің белгісі.
  • Ана тілі — халықтың рухани тірегі.
  • Туған жер — қадірлі мекен, ортақ шаңырақ.

Қазақ тілі туралы жыр шумақтары

Ана тілім, дана тілім — бақытым,

Қазақ тілін білу — менің парызым.

Тілім менің — ұмытылмас тірлігім,

Кім біледі тіліміздің тағдырын.

Тіліңе берік байланғын,

Тіл айдынына келіп жайланғын.

Аққудай аппақ арыңсың,

Ана тіл — сенен айналдым.

Тіл мәйегі: мақал-мәтелдер, жұмбақтар және балалардың өлеңдері

Тіл туралы мақал-мәтелдер

  • 1. Ана тілім алпыс тілге татиды.
  • 2. Ат жүйрігі айырады, тіл жүйрігі қайырады.
  • 3. Атағыңды өсіретіні де — тіл, өшіретіні де — тіл.

Жұмбақтар

  1. Көк лағым көгенде жатып семіреді.
  2. Қалың киімді ұнатады, шешіндірсең жылатады.
  3. Жаздай інге тығылып,
    Жатқан қызыл түлкіні.
    Құйрығынан суырып,
    Әкелді әжем бір күні.

Балалардың ана тілі туралы өлеңдері

1-бүлдіршін

Ана тілің — арың бұл,
Ұятың боп тұр бетте.
Өзге тілдің бәрін біл,
Өз тіліңді құрметте.

2-бүлдіршін

Тіл деген қасиетті ұғым екен,
Қазақ тілі — жырлайтын жырым екен.
Ұмытпайық тілімізді ешқашан,
Қасиетін сақтайтын сырым екен.

3-бүлдіршін

Мәртебесі тіліміздің биік екен,
Қазағыма қазақ тіл боп енген екен.
Тілімізді ұмытпайық әрқашан,
Қазақ тіл боп мәңгілікке қалған екен.

4-бүлдіршін

Ана тілім — кәусар бұлағым,
Қана алмас сенсіз құмарым.
Әр әрпің маған бір-бір тау,
Шыңына қалай шығамын?

Рефлексия және қорытынды

М. Әлімбаевтың өлеңі

Кіршіксіз қардай сақтаңдар

Қазақтың тілін ғаламат.

Ана тіл — арым, иманым,

Аманат саған, аманат.

Ана тілі ана сүтімен даритынын ұмытпайық. Балалар алған білімдерімен бөлісіп, өздеріне ұнаған бөлімдерді атап өтеді.

Күтілетін нәтиже: білуі керек

  • Ана тіліміз — қазақ тілі екенін.
  • Қазақ тілінің мәртебесін.
  • Қазақстан Республикасының рәміздерін.
  • Мақал-мәтелдер мен жұмбақтарды.

Күтілетін нәтиже: қалыптасады

  • Танымы мен ойлауы.
  • Сөздік-тілдік қоры.
  • Байланыстырып сөйлеу дағдысы.
  • Сұрақтарға жауап беру қабілеті.