Елтаңбамыздың авторларын ата
Солтүстік Қазақстан облысы, Тайынша ауданы, Тайынша қаласы, № 1 орта мектебі
Қазақ тілі мен әдебиеті пәні мұғалімі: Шаяхметова Р. С.
Қазақ тілі апталығы аясындағы іс-шара сценарийі
Іс-шара туралы
Тақырыбы: «Бірлігіміз жарасқан»
Өткізілу формасы: сайыс
Қатысушылар: мұғалімдер мен оқушылар
Ескерту
Сценарийде слайд нөмірлері (1–19) көрсетілген. Қажет болса, оларды презентацияға сәйкестендіріңіз.
Кіріспе сөз
Жүргізуші: Қайырлы күн, құрметті әріптестер мен оқушылар! (слайд 1–2)
«Отаны бірдің – тілегі бір, жүрегі бір» деген жақсы сөз бар. Жүзі басқа болса да жүрегі бір, тілі басқа болса да тілегі бір, атасы басқа болса да Отаны бір қаншама ұлт пен ұлыстың басын біріктіріп отырған Қазақстан – көп ұлт өкілдері мекендейтін мемлекет. Бұл – біздің байлығымыз әрі ортақ мақсатымыз.
Ел бірлігі – ең асыл қасиет. (слайд 3)
Бірлігі берекелі, тірлігі мерекелі, ынтымағы жарасқан елдің ғана ырысы мен табысы мол болмақ. Бірлік, ынтымақ, сабыр мен парасаттылық – ең алдымен өзімізге керек.
Н. Ә. Назарбаев: «Тілсіз халық болмайды, халықсыз ел болмайды.»
Туған тілім – тірлігімнің айғағы,
Тілім барда айтылар сыр ойдағы.
Өссе тілім, мен де бірге өсемін,
Өшсе тілім, мен де бірге өшемін.
Қазақстанның мемлекеттік тілі – қазақ тілі. «Бірлік бар жерде тірлік бар» дегендей, «Бірлігіміз жарасқан» атты іс-шарамызды бастаймыз.
Сайыс құрылымы
Атаулы шара сайыс түрінде өтеді. Білім мен білік додасына төрт топ қатысады. (слайд 4)
«Сұңқар» тобы
Ойыншылар құрамы: қатысушылар
«Тапқыр» тобы
Ойыншылар құрамы: қатысушылар
«Намыс» тобы
Ойыншылар құрамы: қатысушылар
«Жігер» тобы
Ойыншылар құрамы: қатысушылар
Қазылар алқасы
- Қазақ тілі пәні мұғалімі
- Оқу ісінің меңгерушісі
- Тәрбие ісінің меңгерушісі
Сайыс 6 негізгі айналымнан тұрады. Төменде әр бөлімнің мазмұны берілген.
Айналымдар
I айналым — Танысу
Әр топ өздерін таныстырады
Командалар атауы, ұраны және мүшелері қысқаша таныстырылады.
II айналым — «Аударып, толықтыр»
(слайд 5–9)
Берілген сөздерді қазақ тіліне аударып, тиісті нұсқасын толықтырыңыз:
Город — …
Мальчик — …
Класс — …
Замок — …
День — …
Цветок — …
Звук — …
Рисунок — …
Привычка — …
Смейся — …
Белый — …
Вопрос — …
Месяц — …
Богатый — …
Февраль — …
Небо — …
III айналым — «Көрерменнен көрімдік»
(слайд 10)
Топ ойыншылары қима қағаздағы сөздерді алып, қимылмен немесе жуық сөздер арқылы түсіндіреді.
Үш айналым аяқталған соң қазылар алқасына сөз беріледі.
IV айналым — «Сөзстан»
(слайд 11)
Қатысушыларға бір сөз беріледі. Белгіленген уақыт ішінде сол сөздегі әріптерден жаңа сөздер құрастырыңыз. Бір әріпті бір рет қана қолдануға болады.
Тәртіп
- Уақыт шектеулі.
- Әріптер қайталанбайды.
- Жазылған сөздер қазылар алқасына тапсырылады.
Музыкалық пауза
Жүргізуші: Берілген уақыт аяқталды. Енді әр топ жазылған сөздерін қазылар алқасына береді.
V айналым — «Мен көркем сөз шеберімін»
(слайд 12)
Әр топ дайындап келген шығармадан үзінді оқиды. Үзіндіні мәнерлеп оқу талап етіледі.
VI айналым — «Бейне-сұрақ»
(слайд 13)
Бейнематериал бойынша жасырылған сөзді табу.
VII айналым — «Сұрақ-жауап»
(слайд 14–18)
I топ (слайд 15)
- Шешен билерді ата.
- Қазақша ай аттарын ата.
- Қазақстан Республикасының Ата заңы қай жылы қабылданды?
- Әнұранның авторлары кімдер?
- Қазақтың ұлттық аспабында орындалатын әуен қалай аталады?
II топ (слайд 16)
- Ұлттық киімдерді ата.
- Қазақша апта күндерін ата.
- Қазақстан халқы өзінің тұңғыш Президентін қашан сайлады?
- Қазақстан Туының авторы кім?
- Ән орындайтын адамды кім дейміз?
III топ (слайд 17)
- Ұлттық ойындарды ата.
- Наурыз көже неше түрлі тағамнан жасалады?
- Қазақстан Республикасы тәуелсіздігін қашан алды?
- Киіз үйдің бөліктерін ата.
- Сиыр сүтінен жасалатын қандай тағамдарды білесің?
IV топ (слайд 18)
- Ұлттық аспаптарды ата.
- Қазақстанның атақты спортшыларын ата.
- Қазақ тілінде қандай газет-журналдар шығады?
- Ұлттық тағамдарды ата.
- Елтаңбамыздың авторларын ата.
Қорытынды
Жүргізуші: Қазылар алқасы қорытынды шығарғанша, музыкалық сәлем жолдаймыз. («Күн әдемі» әні орындалады.)
Құрметті әділқазылар алқасы, сөз кезегі өздеріңізде.
Жанымды әттең қажап тұр,
Көңіл бөл тілге аз-ақ бір.
Жүрекпен ұғып тыңдасаң,
Қазақтың тілі ғажап тіл.
Жүргізуші: Назарларыңызға және еңбектеріңізге көп рақмет! Көріскенше күн жақсы! (слайд 19)