Слайд бойынша көрсетіп түсіндіру
Ұйымдастырылған оқу іс-әрекетінің сипаттамасы
- Білім беру саласы
- Коммуникация
- Ұйымдастырылған оқу іс-әрекеті
- Көркем әдебиет
- Тақырыбы
- «Шалқан» ертегісі
- Мақсаты
- Балаларға ертегіні мәнерлеп оқып беру және мазмұнын әңгімелету. Әдеби кейіпкерлердің іс-әрекеті мен мінез-құлқын түсінуге, қызығушылығын арттыруға ықпал ету.
Әдіс-тәсілдер мен көрнекіліктер
Әдіс-тәсілдер
- Түсіндіру, әңгімелеу
- Тақпақтар айту
- Дидактикалық ойын
- Үстел үсті театры арқылы әңгімелеу
- Слайд арқылы көрсету және түсіндіру
Көрнекілігі
- Слайдтар
- Үстел үсті театры
Мотивациялық-қозғаушы кезең
Шаттық шеңбері
Алақанды ашайық.
Күннің нұрын шашайық.
Жүрек жылуын салайық,
Осы жақсы тілектерді
Қонақтарға сыйлайық.
Іздену-ұйымдастырушы кезең
Күз туралы тақпақ
Алтын сары, қызыл, көк —
Алуан-алуан жапырақ.
Күзгі бақты күлімдеп,
Көз тартады атырап.
Сұрақ-жауап
- Сұрақ: Балалар, қай мезгіл туралы айттық?
- Тапсырма: Күз мезгіліне қатысты сурет көрсетіп, балаларға әңгімелету.
Тосын сәт
Дыбыс: «Мияу-мияу» деген үн естіледі.
Сұрақ: Балалар, қандай дыбыс естіліп тұр?
Жауап: Мысық келді. Мысық балалармен амандасады.
Дидактикалық ойын: «Жемістер мен көкөністерді ажырат»
Мысықтың өтініші: «Балалар, көмектесесіңдер ме? Мен бақшадан жемістер мен көкөністер жинадым, бірақ қайсысы жеміс, қайсысы көкөніс екенін ажырата алмай тұрмын».
Ойын шарты
- Жемістерді ағашқа орналастыру.
- Көкөністерді жерге орналастыру.
Сұрақ
Мысық: «Балалар, жемістер мен көкөністер туралы қандай тақпақ білесіңдер?»