Қазақша рефераттар

Сигналды картамен дауысты, дауыссыз дыбыстарды ажырату

Сабақтың тақырыбы

Ё ё дыбысы және әрпі.

Сабақтың түрі

Жаңа сабақ

Қолданылатын технология

Ойын технологиясы

Көрнекілігі

Слайдтар (суреттер, әріп таңбасы, сызба, сигналды карта)

Әдіс-тәсілдер

Көрнекілік, қайталау, түсіндіру, ой қозғау, ойын

Сабақтың мақсаты

  1. Оқушыларды Ё ё дыбысы және әрпімен таныстыру, ұсынылған сөздерге дыбыстық талдау жасай білуге үйрету.
  2. Ойлау және есте сақтау қабілетін дамыту.
  3. Еңбексүйгіштікке, ұқыптылыққа тәрбиелеу.

Сабақ барысы

I. Ұйымдастыру

  • Психологиялық ахуал қалыптастыру.

II. Өткенді қайталау

  • Өткен Ф дыбысын еске түсіру және қайталау.
  • Сигналды картамен дауысты және дауыссыз дыбыстарды ажырату.

III. Жаңа сабақ

1) «Ойлан, тап» ойыны: жұмбақ шешу

Шахтёрде бар, шахтада жоқ.
Монтёрде бар, мақтада жоқ.
Ойланайық, қарайық —
Бұл қай әріп?

Жауабы: Ё. Оқушылар Ё дыбысын хормен айтып, дыбыстық талдау жасайды.

Талқылау сұрағы: «Бұл әріп неге ұқсайды?»

2) Танымдық ертегі: Ё дыбысының пайда болуы

Ерте-ерте, ертеде дауысты дыбыстар жиналып, ән салып отырады. Бір кезде олар түсініксіз дыбысты естиді. Тыңдап қараса — ол Й дыбысы екен. Олар қонақты ортаға шақырып, бірге ән салуға ұсынады. Бірақ Й дыбысы дауысты дыбыстар сияқты созылып айтылмайды. Сонда О дыбысы қосылып айтуға ұсыныс жасайды. Осылайша [Й’] + [О] қосылып, Ё дыбысы пайда болыпты.

3) Ереже және мысалдар

Ё — дауысты дыбыс. Ол екі дыбыстан құралады: й + о.

Ё көбіне орыс тілінен енген сөздерде кездеседі: монтёр, шахтёр, актёр.

Тапсырма: берілген сөздерге буындық және дыбыстық талдау жасау. «Ёлка» сөзіне дыбыстық талдау жүргізу.

4) Сергіту сәті

Бір, екі, үш —
Жинап қолға күш.
Қолға қалам аламыз,
Әдемілеп жазамыз.

5) Жазу жұмысы

Ё ё әрпін дұрыс жазуға жаттығу: әріп элементтерін сақтау, жолдан шықпау, ұқыптылыққа мән беру.

6) Оқулықпен жұмыс: «Шахтер» өлеңі (С. Мәуленов)

Шахтерлерді ел біледі,
Оған сарай — жер асты.
Көмір қазып жүреді,
Қопарып ол тау-тас ты.

Бала оқитын зәулім үй
Қалмау үшін суынып,
Көмірден тау үйеді,
Беру үшін жылылық.

Сұрақ 1

Өлең кім туралы?

Сұрақ 2

Өлеңде бүгінгі өткен дыбыс бар ма?

Сұрақ 3

Тізбектеп оқу.

7) Сергіту сәті

Бір оңға, бір солға.

8) «Мен бастаймын, сен аяқта» ойыны (сөйлем құрастыру)

Шарты: мұғалім сөйлемді бастап айтады, оқушылар аяқтайды.

  • Мұғалім: «Шахтёр…» — Оқушылар: «Шахтёр көмір қазады».
  • Мұғалім: «Элеватор…» — Оқушылар: «Элеватор — астық сақтайтын ғимарат».

Қорытындылау

Бүгін қандай әріппен таныстық? Ё ё

Ё дыбысы қандай дыбыс?

Дыбыс деген не?

Буын қандай дыбысқа байланысты?

Сабақ соңында оқушылардың белсенділігі бағаланып, мадақтау сөздері айтылады.