Жүгіру бағытында орындалатын жаттығулар
Дене шынықтыру сабағының жоспары
Сабақтың тақырыбы
Уақыт есебімен 4×100 м жүгіру (эстафета)
Өтетін орны
Спорт алаңы
Керекті құралдар
- Ағаш таяқша
- Ысқырық
- Секундомер
Мақсаты
- Икемділік, жылдамдық, шыдамдылық қабілеттерін дамыту және тәрбиелеу.
- Жүгіру тәсілдерін жетілдіру.
I. Дайындық бөлімі
Қауіпсіздік пен тәртіпке көңіл бөлу
Ұйымдастыру кезеңі
- Сапқа тұрғызу.
- Сәлемдесу.
- Рапорт қабылдау.
- Журнал бойынша түгендеу.
- Сабақтың тақырыбы және мақсатымен таныстыру.
- Бұрылулар: оңға, солға, кері.
Жүру бағытында орындалатын жаттығулар
- 1 Қол жоғары, аяқтың ұшымен жүру.
- 2 Қол белде, өкшемен жүру.
- 3 Қолды екі жаққа созып, аяқтың ішкі және сыртқы қырымен жүру.
- 4 Қол желкеде, жартылай отырып жүру.
- 5 Толық отырып жүру.
Тыныс алуды қалпына келтіру
Екі қолды жоғары көтеріп, демді ішке тартамыз. Қолды төмен түсіріп, демді сыртқа шығарамыз.
Ескерту: тыныс алу бірқалыпты, қозғалыс ырғақты орындалады.
Жүгіру бағытында орындалатын жаттығулар
- 1 Тізені жоғары көтеріп жүгіру.
- 2 Өкшені жамбасқа лақтыра жүгіру.
- 3 Аяқтың басын алға сілтей жүгіру.
- 4 Оң және сол жақ қырымен, қолды айналдыра жүгіру.
- 5 Артпен жүгіру.
Соңында өкпені қалыпқа келтіріп, жүріс арқылы тынысты реттейміз.
Жалпы дамыту жаттығулары (бір орында)
| № | Бастапқы қалып (Б.Қ.) | Орындау тәртібі |
|---|---|---|
| 1 | Аяқ иық деңгейінде, қол белде. | 1–4 санағында басты оңға, 5–8 санағында басты солға айналдыру. |
| 2 | Аяқ иық мөлшерінде, екі қол иықта. | 1–4 санағында қолды алға, 5–8 санағында артқа айналдыру. |
| 3 | Екі қол кеуде тұсында. | 1–2 санағында жартылай, 3–4 санағында толық ашу. |
| 4 | Оң қол белде, сол қол жоғары. | 1–2 санағында оң жақ бүйірге еңкею, 3–4 санағында сол жаққа еңкею. |
| 5 | Қол белде. | 1–4 санағында белді оңға, 5–8 санағында солға айналдыру. |