Астана туралы

Сабақтың тақырыбы: Өз Астанам – өз ордам
Сабақтың мақсаты:
Білімділігі: оқушыларды еліміздің астанасы Астана қаласымен және тарихымен таныстыру. Оқушының дүниетанымын Отанға, туған елге деген сүйіспеншілігін қалыптастыру.
Дамытушылығы: оқушылардың сөздік қорын, тілін және ойлау, көру сезіну, есте сақтау қабілеттерін дамыту.
Тәрбиелігі: елжандылыққа, туған жерін сүюге, түсінгенінен нәтиже шығара білуге тәрбиелеу.
Сабақтың түрі: саяхат сабағы
Әдіс - тәсілдері: түсіндіру, сұрақ - жауап
Сабақтың көрнекілігі: компьютер, видеопроектор, слайд, суреттер, сызбалар.
Сабақтың барысы:
1. Ұйымдастыру кезеңі
Оқушылардың назарын сабаққа аудару.
2. Психологиялық дайындық.
- Армысың туған жер,
Армысың қонақтар,
Армысың достарым,
Армысың ұстазым,
Бәріңе тілеймін,
Тыныштық әлемін.
Ой қозғау. Үй тапсырмасын тексеру.
Ребус көрсетіледі)
- Балалар, мына экранға назар аударайық. Мұнда ребус берілген. Осы ребусты шешейік.
- 1 - ші ребусты шешу арқылы, Алматы деген сөз шықты.
- Ал, енді, 2 - ші ребусты шешейік.
- 2 - ші ребусты шешу арқылы Астана сөзі шықты.
- Ал, енді балалар екі ребусты шешкенімізде Қазақстандағы қандай әсем қалалардың аты шықты?
Астана – Алматы
Картамен жұмыс. Қалаларды көрсету.
- Балалар Алматы туралы не білесіңдер?
Медеу мұз айдыны бар, үлкен оқу орындары, көптекен мәдени ескерткіштер, мұражайлар бар.
3. Жаңа сабақ.
Ойын: Адасқан суреттер . Жұппен жұмыс
Мына қиылған сурет бөліктерінен бір қаланы құрастыру.
- Балалар жұмысын тексеру.
Астана қаласының суреті
- Балалар, қазіргі біздің елордамыз қалай аталады екен?
- Астана
- Астана туралы өлең, тақпақтар білесіңдер ме?.
1. Астанама қарашы,
Елімнің жас қаласы.
Неткен ұлы, неткен кең,
Қазағымның даласы!
2. Алтын күннің астында,
Желбірейді туымыз.
Қазақ деген халықтың,
Ұлы менен қызымыз.
3. Ардақталды Астанам,
Мәртебелі бас қалам.
Көркейе бер күн сайын,
Алға қарай, бас қадам.
- Тапсырманы жақсы орындадыңдар.
- Ендеше балалар, бүгінгі біздің тақырыбымыздың аты да Астана.
Сергіту сәті: Астана туралы ән орындалады.
(Астананың көрінісі көрсетіледі)
(Бейне экраннан өлең оқылады)
- Өлеңнің мағынасына назар аударып отырыңдар.
- Ал, балалар өлең не туралы екен?
- Астана туралы.
5. Оқулықпен жұмыс.
- Өздерің өлеңді іштей оқып шығыңдар (3 минут)
- Балалар өлең шумақтарына талдау жасайық.
(Оқушыларға оқытып, өлең шумақтарының мағынасын түсіндіру)
- Қосымша мағлұмат беру.
Астана туралы мен сендерге түсіндіріп өтейін.
- Басын қар басқан Алатаудың етегінде орналасқан табиғатының сұлулығы жағынан сирек кездесетін Алматы қаласы ҚР - ның орталығы болуға лайық еді.
- Алайда, 1997 жылдың 20 - шы қазанында Елбасымыз Нұрсұлтан Әбішұлы Назарбаев Ақмола қаласын ҚР - ның астанасы деп жариялау туралы жарлыққа қол қойды.
- 1998 жылдың 6 - шы мамырында Елбасының Жарлығымен ҚР - ның астанасы - Астана қаласы болып аталды.
- Ал 20 - шы мамырда ҚР Астанасының мәртебесі туралы ҚР - ның заңы қабылданды.
- Осы жылы, яғни биыл 10 - шы маусымда Тәуелсіз Қазақстан жаңа астанасының салтанатты рәсімі болып өтті.
- Міне содан бері жылдан - жылға көркейіп бүкіл дүние жүзі таныған мемлекетіміздің мәйегі, дербестігіміздің дәйегі болған Елордамызды әрдайым мақтан тұтайық!
- Астана Есілдің жағасында орналасқан
- ҚР Президентінің резиденциясы
- Парламент үйі
- Үкімет үйі
- Нұр - Астана мешіті бар.
6. Дәптермен жұмыс.
Дәптерімізді ашайық,
Қолға қалам алайық.
Салақтықтан қашайық,
Көркем етіп жазайық
1 тапсырмадағы бағанды толтырайық.
Сөздерді тасмалдау: ба - лалық, бала - лық
Ше - берхана, шебер - хана, шеберха - на.
- Ал енді балалар мына сызбаға қарайық
2 тапсырма сызбаны экраннан шығару) Астана туралы мен не білемін?
Сергіту сәті
Ойын ойнау: Жемістерді жинау Жемістер мен көкеністерде жапсырылған әріптеден дауысты тыбыстарды табу. Дауысты дыбыстар жемістерде болады.
7. Суретпен жұмыс (Бәйтеректің суреті)
- Балалар ненің суретін көріп тұрсыңдар?
- Бәйтерек туралы кім өлең, тақпақ біледі?
Оқушы:
- Ару қалам, Астанам!
Бой көтерген жас қалам.
Бәйтеректің биік шыңы,
Ерекше қой басқадан.
Оқушы:- Арайлы таң Астанам,
Тек өзіңмен мақтанам.
Бәйтерек пен Ақорда
Жас та болса, бас қалам.
- Мен енді сендерге Бәйтерек туралы түсіндіріп өтейін.
- Бәйтерек - Есілдің сол жағында бой көтерген алғашқы сәулет туындысы. Еңсесі биік, көркем Бәйтерек - бас қаламыздың символы.
Егемен мемлекетіміздің бойтұмары. Ескеркіштің биіктігі 97 метр.
- Балалар, Астана, Бәйтерек туралы бірнеше әндер бар. Сол әндердің бірі Алтынай Жорабаеваның орындауындағы Астана туралы әнді тыңдай отырып, Астананың басқа да әсем жерлерімен танысайық
8. Сабақты бекіту
- Сабағымызда Астана Алматы деп жатырмыз.
- Ал, енді, балалар Венн диаграмасы арқылы осы екі қаланың ұқсастығын айырмашылығын, ортақ қасиетін табайық. (тақтаға плакат іліп, оқушылардың өздеріне орындату)
- Ал балалар Астана қаласының әсем жерлерін айтайықшы.
- Қандай әсем жерлері бар?
- Бәйтерек
- Нұр - Астана мешіті
- Есіл өзені
- Қазіргі Астана
- Ал, енді, осы сияқты Алматы қаласының да әсем жерлерін жазайық.
- Медеу мұз айдыны
- Апорт алмасы
- Алатау тауы
- Бұрынғы Астана
- Дұрыс, балалар.
- Енді осы екі, қаланың ортақ қасиеті не екен?
- Екеуі де әсем қала
- Екі қаланың да тарихы бір қала
Венн диаграммасы арқылы Астана мен Алматының айырмашылықтармен ұқсастықтарын көрсету.
9. Сабақты қорыту
- Бүгін Отанымыздың бас қаласы Астана туралы толық білдік
- Өткен сабағымызда айтқандай өзіміздің туған жеріміз Қазақстаннан артық жер жоқ.
- Біздің Астанамыз 1998 жылы Астана қаласы болып аталса 2006 жылы Әнұранымыз да жаңарды. Әнұранымыздың авторы: Ж. Нәжімеденов, оны өңдеген Елбасымыз Нұрсұлтан Әбішұлы Назарбаев.
Әнұранды әрбір Қазақстанда тұратын Ұлттар жатқа білу керек. Біздің Астанамыз жайқалған жас қаламыз, ұрпақтан ұрпаққа аңыз болып айтылатын ардақты қала болсын!- дей келе сабағымызды Әнұранмен аяқтайық.
10. Бағалау
- Бүгінгі сабаққа үй тапсырмасын тиянақты орындап келген және жаңа сабаққа жақсы қатысқан оқушыларды бағалаймын.
11. Үйге тапсырма
- Астана өлеңін мәнерлеп, түсініп оқып келу
- Ал енді балалар сабағымыз аяқталды.
- Қонақтармен қоштасайық
- (орындарынан тұрып)
- Үлкенге де сіздер
Кішіге де сіздер
Сіздерді
Құрметтейміз біздер!
- Сау болыңыздар!