Қазақша рефераттар

Сабағымыздың безендіруіне байланысты қандай ертегіге саяхатқа шығамыз деп ойлайсыңдар

Сабақтың тақырыбы: сын есімді қайталау

Бұл сабақта модульдік оқыту тәсілдері арқылы оқушылардың жаңаша білім алу дағдыларын дамыту, сын есім туралы білімдерін кеңейту және тақырыпты жүйелі түрде қайталау көзделеді.

Сабақтың мақсаты

  • Модульдерді қолдану арқылы оқушылардың белсенді оқу дағдыларын арттыру.
  • Сын есім туралы білімді нақтылау және кеңейту.
  • Сын есімге қатысты толық мағлұмат беру, талдау дағдыларын дамыту.

Көрнекіліктер

  • Слайдтар
  • Жыл мезгілдерінің суреттері
  • Бейнетаспа

Сабақтың басталуы

Амандасу

Сәлеметсің бе, Күн?!

Сәлеметсің бе, Жер?!

Сәлеметсіз бе, сіз?!

Сәлеметпіз, біз?!

Мұғалімнің кіріспе сөзі

Жалықпа сен, жалықпа,

Оқы, тоқы арманда.

Бәрін білген балаға

Жақын болар алыста.

Мұғалім оқушыларға: «Оқуға ешқашан жалықпаңдар. Оқудан жалықпаған бала ғана алысты жақын қылады», — деп оқу еңбегінің мәнін түсіндіреді.

Сюжеттік сабақ: ертегілер әлеміне саяхат

Бүгінгі сабақ ертегі желісімен өтеді. Сынып безендірілуіне қарап, қай ертегіге саяхат жасайтынымызды оқушылар болжап көреді. Одан кейін санау арқылы топтарға бөлінеді.

Ертегі желісі: «Бауырсақ»

Мұғалім «Бауырсақ» ертегісінің қысқаша желісін еске түсіріп, әр кейіпкердің тапсырмасын біртіндеп ұсынады.

Тапсырмалар жүйесі

Атасының тапсырмасы

Жұптық жұмыс
  • Сын есім дегеніміз не? Ережесін айтып, мысал келтіру.
  • Ережені қысқа әрі нақты тұжырымдап, мысалдарды дәлел ретінде көрсету.

Мақалмен жұмыс

Топтық талдау

Топ ішінде мақалдың мағынасын ашып, ойды дәлелдермен түсіндіру:

«Өнер алды — қызыл тіл».

Қоянның тапсырмасы

Мәтінмен жұмыс

Ұлы ақын Абайдың өлеңдерінен сын есімдерді тауып, сөйлемдегі қызметін талдау.

Аюдың тапсырмасы

Қорытындылау

Топ басшысының сын есім туралы ережені қаншалықты мұқият тыңдағанын тексеру үшін «Балық» сызбасын толтыру.

«Балық» сызбасы (идея)

  • Анықтама
  • Сұрақтары
  • Мысалдар
  • Сөйлемдегі қызметі

Қасқырдың тапсырмасы

Сұрақ-жауап
  • Қазақ тілінде неше сөз табы бар?
  • Мысалдар арқылы біз қандай сөз табын талдадық?
  • Осы тақырып бойынша қандай қорытынды жасаймыз?

Сұрақтар топтамасы

  • Сын есім дегеніміз не?
  • Сын есімнің сұрақтары қандай?
  • Абайдың қай өлеңдерінде сын есімдер жиі қолданылады?
  • Сын есім септеле ме?