Қазақша рефераттар

Семей қаласы туралы жан - жақты мағлұмат беру, көмекші есімдерге байланысты білімдерін қалыптастыру

Сабақ туралы қысқаша мәлімет

Сабақтың тақырыбы

Семей қаласы

Сабақтың түрі

Аралас сабақ

Технологиялар

  • Блум таксономиясы
  • Модульдік оқыту технологиясы
  • Дамыта оқыту элементтері
  • Интерактивті оқыту
  • СТО (сын тұрғысынан ойлау) жобасы

Әдіс-тәсілдер

Топтық жұмыс, сұрақ-жауап, іздендіру, ой шақыру, көрнекілік, талдау, салыстыру

Техникалық құралдар

Компьютер, интерактивті тақта

Пәнаралық байланыс

Орыс тілі, тарих, әдебиет, музыка, математика

Сабақтың мақсаты

Білімділік

Семей қаласы туралы жан-жақты мағлұмат беру және көмекші есімдер бойынша білімін қалыптастыру.

Дамытушылық

Жаңа сөздер мен көмекші есімдер арқылы сөз тіркесі мен сөйлем құрастыру дағдысын дамыту, ойды еркін әрі жүйелі жеткізуге үйрету.

Тәрбиелік

Мемлекеттік тілге құрметті және Отанға, туған қалаға сүйіспеншілікті тәрбиелеу.

Алдыңғы сабақпен байланыс

Өткен сабақта Астана қаласы туралы сөйлесіп, әсем әрі ірі ғимараттарды сипаттадық, жаңа сөздер мен көмекші есімдерді меңгердік. Бүгінгі сабақта Семей қаласы тақырыбын қарастырып, көмекші есімдерді қайталаймыз.

Сабақтың барысы

I. Ұйымдастыру кезеңі

Міндеті

Оқушыларды сабаққа дайындау.

Мазмұны

Сәлемдесу, оқушыларды түгендеу, назарды сабаққа аудару.

Мақсат қоюға бағыттайтын сұрақтар

  • Өткен сабақта қандай тақырыппен таныстық?
  • Бүгінгі тақырыпқа сүйеніп, сабақтың мақсаты қандай болуы мүмкін?
  • Бүгін нені білеміз және нені үйренеміз?

II. Жаңа сабақ

Топқа бөлу

I топ

Тұлпар

II топ

Сұңқар

III топ

Қыран

Әр топтан топ басшысы сайланады. Топ басшыларына бағалау парағы беріледі, сабақ соңында топ мүшелерінің жұмысын бағалайды.

I. Білім — Ой шақыру

Оқушыларға алдын ала Семей қаласы туралы мәлімет жинау тапсырылған. Жиналған ақпарат слайдтар негізінде ұсынылады.

Семей қаласы туралы негізгі деректер

  • Орналасуы: Ертіс өзені бойында.
  • Тарихы: 1718 жылы Семипалатная қамалы ретінде негізі қаланды; 1782 жылы қала мәртебесін алды; 1783 жылы Семипалатинск деп аталды.
  • Гербі (1851): көкшіл қалқан бетінде алтын тиелген түйе, оның үстінде күміс ай мен бесбұрышты жұлдыз; жоғары бөлігінде алтын тәж бейнеленген.
  • Қоғамдық рөлі: XVI–XIX ғасырдың бірінші жартысында сауда торабы; XIX ғасырда саяси жер аудару мекені.
  • Әкімшілік мәртебе: 1997 жылы Шығыс Қазақстан облысының құрамына енгізілді; 2007 жылғы Жарлықпен қала атауы Семей болып бекітілді.
  • Аумағы мен халқы: 2 781 мың га; халқы шамамен 300 мың адам.
  • Атаудың мәні: көне түркі тілінде «рухани орта» дегенді білдіреді.

Табиғаты мен көрікті жерлері

  • Ертіс өзеніндегі жаңа аспалы көпір — қаланың символы.
  • Жүздеген шақырымға созылған қарағайлы орман.
  • Орталық саябақ, Балалар саябағы, Балалар биологиялық орталығы, Су бағы, Жеңіс саябағы.

Мәдениет пен руханият

  • Тарихи-өлкетану мұражайы.
  • Абайдың қорық-мұражайы.
  • Ф. М. Достоевский мұражайы.
  • Невзоровтар отбасы атындағы бейнелеу өнері мұражайы.
  • Кітапханалар, мәдениет үйлері, Жастар сарайы.
  • Қазақ және орыс театрлары.
  • 9 мешіт, 2 православие шіркеуі және өзге де діни нысандар.

Шыңғыстау — ұлы тұлғалардың туған өңірі

Еуразия құрлығының кіндігі деп сипатталатын Шыңғыстау — Абай мен Мұхтардың туған жері. Мұнда Абайдың мұражай-үйі, Еңлік–Кебек мазары, «Еуразия кіндігі» ескерткіші, Абай–Шәкәрім кесенелері орналасқан.

Білім беру

Қалада 20 жоғары оқу орны, 14 колледж, 5 кәсіптік-техникалық мектеп, 82 жалпы білім беретін мектеп бар.

Ескерткіштер

Шәкәрім, Қабанбай батыр, Абай, Мұхтар Әуезов ескерткіштері, Ауған соғысында қаза тапқан жауынгерлерге және ядролық сынақ құрбандарына арналған ескерткіштер орнатылған.

Семейден шыққан тұлғалар

Семей өңірі қазақ ғылымы мен өнеріне үлкен үлес қосқан тұлғаларымен танымал: Абай Құнанбаев, Шәкәрім Құдайбердіұлы, Мұхтар Әуезов, әншілер Бибігүл Төлегенова мен Роза Рымбаева, ғалым Қайым Мұхаметханов, жазушы Роллан Сейсенбаев, сазгер Болат Алыбасов, айтыскер ақындар Сара Тоқтамысова мен Ринат Зайытов және т.б.

II. Түсіну — «Бес жол өлең» (Синквейн)

Тақырып: Семей

  1. Зат есім (1 сөз)
  2. Сын есім (2 сөз)
  3. Етістік (3 сөз)
  4. Мақал-мәтел немесе сөйлем (1 сөйлем)
  5. Синоним (1 сөз)

III. Қолдану — Жаттығулар мен ойындар

«Кім жылдам?» (схемамен жұмыс)

Берілген сөздерді қатыстырып, схема негізінде бірнеше сөйлем құрастырыңыз:

I топ

театр

II топ

мұражай

III топ

автобус

«Сөздер жарысы» ойыны

«Есім» сөзіндегі әр дыбысқа көмекші есім қатысқан сөз тіркесін құрастырыңыз (Е – С – І – М). Одан кейін сол сөз тіркестері негізінде сөйлемдер жазыңыз.

IV. Талдау — Фонетикалық талдау (математикалық тәсіл)

Талдауға ұсынылатын сөздер: мұражай, ескерткіш, ғимарат.

V. Салыстыру — Венн диаграммасы

Семей қаласы мен Астана қаласының ұқсастықтары мен айырмашылықтарын Венн диаграммасы арқылы салыстыру.

VI. Жинақтау — Шығармашылық жұмыс

«Ой толғау»

Көмекші есімдерді қатыстыра отырып, «Болашақтағы менің қалам» тақырыбында шағын шығарма жазу.

«Кубизм» стратегиясы

Тақырыптар: Семей, көмекші есімдер.

  1. Суреттеңіз
  2. Салыстырыңыз
  3. Зерттеңіз
  4. Қолданыңыз
  5. Атаңыз
  6. Бағалаңыз

VII. Бағалау

Топ басшылары бағалау парағы бойынша топ мүшелерінің жұмысын бағалайды.

Топ I II III IV V VI VII Баға
I топ — — — — — — — —
II топ — — — — — — — —
III топ — — — — — — — —

Үй тапсырмасы және қорытынды

III. Үй тапсырмасы

Әдеби кітаптардан көмекші есімдер кездесетін 5 сөйлем теріп жазып келу.

IV. Қоштасу

Сабақ соңында «Менің қалам — Семейім» әні орындалады.