Ата Заңым мемлекет айбыны Ата Заңым асыл ойдың айдыны Туған жердің - Қазақстан елінің Ата Заңмен қорғалады байлығы

Қазақстанды әлем таныған күн

«Менің Қазақстанымды әлем таниды!» — бұл сөз елге деген сүйіспеншілікті оятатын, тәуелсіздіктің қадірін терең түсіндіретін ұстаным. Тәрбие сағаты Қазақстанның мемлекеттік рәміздерін құрметтеуден басталады: Әнұран орындалады.

Мұғалімнің сөзінен

Отан дейміз от жаққан жерімізді,
Отан дейміз өсірген елімізді.
Отан дейміз туған жер, атамекен —
Биік тау, орман, тоғай, көлімізді.

Отан дейміз кең-байтақ астананы,
Жасыл жайлау, жаңа жол, жас қаланы.
Отанның шеті де жоқ, шегі де жоқ,
Ол бірақ өз үйіңнен басталады.

Отан — кең мағыналы, қасиетті ұғым

Қазақстан — табиғаты бай, көркі көз тоймайтын өлке: асқар таулар, айдын көлдер, жайыла аққан өзендер мен қалың ормандар Алтайдан Атырауға, Ақжайықтан Алатауға дейін созылып жатыр. Халқымыз «Отан отбасынан басталады» деп бекер айтпаған: әр адамның отбасы, тұрған мекені, өскен ортасы — оның өміріндегі ең ыстық ұғым, рухани тірегі.

Отанды сүйіп, аялау үшін туған жерімізді, мемлекетімізді, тарихымызды — өткені мен бүгінін жақсы білуіміз қажет.

Сұрақ-жауап

30 тамыз:: 1995 жылы Қазақстан Республикасының Конституциясы қабылданған күн.
Ата Заң:: 98 баптан тұрады, азаматтардың құқықтары мен бостандықтарын қорғайды.

Конституция туралы шумақ

Ата Заңым — бабалардың лебізі,
Ата Заңым — барлық заңның негізі.
Арқа сүйер Ата заңда адамды,
Артық санау, кемсітудің жоқ ізі.

Ата Заңым — мемлекет айбыны,
Ата Заңым — асыл ойдың айдыны.
Туған жердің — Қазақстан елінің
Ата Заңмен қорғалады байлығы.

Балалардың ойы: Отан деген не?

Отан — өз үйің, ата-анаң, достарың, бауырың; туған өлкеңнің тау-тасы, өзені мен көлі. Қазақ елінде тұратын әр адамның Отаны — Қазақстан Республикасы.

Оқушылардың шумақтары

1-оқушы

Туған жер — алтын таң,
Кең далам, таулы орман.
Ұл мен қыз қорғаймыз,
Бақытты ұлы Отан.

2-оқушы

3-оқушы

Ән: «Менің Қазақстаным»

Тәуелсіздік: тарих пен тағылым

Бүгінгі Қазақстан — қашанда мақтанышымыз. Жылдар өте еліміз көркейіп, гүлденіп, өзге мемлекеттермен терезесі тең болып, болашаққа нық қадам басты.

Маңызды даталар мен рәміздер

1991 жылғы 16 желтоқсан — Қазақстан тәуелсіз мемлекет болып жарияланды.
Мемлекеттік рәміздер қабылданды: Ту, Елтаңба, Әнұран.

Тәуелсіздік туралы оқушылар жырынан

4-оқушы

Қазақстан Республикасының болашағы — елім, жерім,
Ата-бабам күрескен, кіндік қаным тамған туған жерім.

5-оқушы

Жарқырап нұрын төгіп көгінде күн,
Жұлдызың жарқырайды бүгін сенің.
Тәуелсіздік мерекең құтты болсын,
Қазақстан Республикам — елім менің!

6-оқушы

Егеменді, ерікті ел екенбіз,
Жылдан-жылға дамыған берекеміз.
Бостандықтың таңы атқалы талай жыл өтті,
Халайық, құтты болсын мерекеміз.

7-оқушы

Еліміздің Президенті Н. Ә. Назарбаевтың
Тәуелсіздігіміздің келешегі жолында жүзеге асырып жатқан
игі бастамаларын қолдаймыз.

8-оқушы

Жарқырап нұрын төгіп көгінде күн,
Жұлдызың жарқырайды бүгін сенің.
Тәуелсіздік мерекең құтты болсын,
Қазақстан Республикам — менің елім!

Елорда және ел тарихындағы сабақтастық

Сұрақ-жауап: Елдің аты, жердің байлығы, астана

Республикамыз:: Қазақстан Республикасы.
Қазақ жері:: Өте бай әрі кең.
Астанасы:: Астана қаласы.
Бұрынғы астаналар:: Орынбор, Қызылорда, Алматы.

Елорда күннен-күнге жаңарып, көркейіп келеді: жаңа тұрғын үйлер, зәулім ғимараттар, гүлзарлар мен фонтандар, әсем ескерткіштер бой көтерді.

Қорытынды

«Менің Қазақстанымды әлем таниды!» деген ойдың мәнін терең түсіну — әрқайсымыз үшін маңызды. Ел алдындағы және болашақ ұрпақ алдындағы жауапкершілікті ұмытпайық. Ерінбей, жалықпай білім алыңдар: ел болашағы — сендердің қолдарыңда.

Ән: «Атамекен»