Көше жарнамасы

Сабақтың тақырыбы: Жарнамалар
Сабақтың мақсаты: Оқушыларды әсемдікке, сұлулыққа баулу, жан дүниесін байыту, ой - санасын кеңейту.
1. Білімділік: Оқушыларға жарнама жайында мағлұматтар беру, білімдерін толықтыру
2. Дамытушылығы: Оқушылардың көркем шығармашылық қабілеттерін дамыту, және топпен еркін жұмыс жасай білу қабілеттерін жетілдіру.
3. Тәрбиелік: Отансүйгіштікке, адамгершілікке, әдептілікке тәрбиелеу.
Сабақтың түрі: түсіндіру, практикалық жұмыс
Сабаққа қажетті құрал - жабдықтар: ақ қағаз, түрлі - түсті қарындаш, краска, палитра т. б.
Сабақтың көрнекілігі: жарнама макеттері, фото суреттер, слайд
Пәнаралық байланыс: тарих, сызу, композиция, технология
І. Сабақтың барысы:
1. Ұйымдастыру кезеңі:
ІІ. Үй тапсырмасын тексеру:
III. Жаңа сабақты түсіндіру
IV. Сергіту сәті
V. Шығармашылық жұмыс
VI. Қорытынды
VII. Үйге тапсырма
VIII. Білімді бағалау

1. Ұйымдастыру кезеңі: Оқушылармен амандасу, отырғызу, сабаққа дайындығын тексеру.
2. Үй тапсырмасы
Оқушыларға карточкілер арқылы сұрақ беріп және оған жауап беру арқылы бағалау.
1. Дизайн өнері дегеніміз не?
2. Дизайнның қандай түрлерін білесіңдер?
3. Дизайнның ең алғашқы түрі қашан және қайда пайда болды?
4. Қағаз пластикасы қалай аталады?
5. Қазақ халқының қол өнерінен дизайнды қалай байқауға болады? Не жатады?
6. Дизайнды оқып үйренудің қандай заңдылықтары бар?

Сыныпты үш топқа бөліну арқылы оқушылардың сабаққа деген қызығушылығын, белсенділігін көтеру.
- Балалар, сабағымызды үш топқа бөлініп, сайыс ретінде жүргізейік.
А) тобы *Тағамдар жарнамасы*
Ә) тобы *Көше жарнамасы*
Б) тобы *Театр жарнамасы*

3. Жаңа сабақ:
Жарнама, реклама (франц. reclame, лат. reclamo — жар саламын) — тауарлардың, қызмет көрсетудің тұтынушылық қасиеті туралы ақпарат беру және оған деген сұранысты көбейту мақсатында таратылатын хабарлама; белгілі бір адамдар, ұйымдар, әдебиет пен өнер шығармалары туралы хабар таратып, оларды әйгілеу. Жарнама көпшілік ақпарат құралдары (теледидар, радио, газет, Интернет, проспектілер, плакаттар, т. б.) арқылы жүзеге асырылатын коммуникацияның ақылы түрі болып табылады. Кез келген Жарнама хабарламалық, болмаса назар аудартушылық сипатымен ерекшеленді. Жарнаманың түрлері көп: сату орнындағы жарнама, институционалдық (жақсы пікір қалыптастыру мақсатындағы) жарнама, хабарламалық жарнама, сауда және көлік жүйесіндегі жарнама, көше жарнамасы (плакат, афиша), ауызша жарнама, баспалық жарнама т. б. Жарнаманың қарапайым түрлері б. з. б. пайда болды. Ежелгі Грекия мен Ежелгі Римде Жарнама хабарландыруларын ағаш тақтайларға жазып, халық көп жиналатын алаңдарда айғайлап жар салатын болған. Баспаға басылған жарнамалар Англия мен Францияда 17 ғ - да пайда болды. Жарнама қазақ халқына да ежелден белгілі. Оның ауызша үлгілері фольклорлық әдебиетте “жарлық шашу”, “жар салу” ұғымдарымен берілген. Жарнама үлгілері “Қобыланды батыр”, “Мұңлық - Зарлық” және “Оғызнама” жырларында бар. 19 ғ - дың аяғында “Түркістан уәлаяты”, “Дала уалаяты” газеттерінде саяси - экон. мәселелерге байланысты, оқу - ағарту, әдебиет және өнер - білім бойынша жарнамалар берілген. 20 ғ - да жарнаманың мақсаты мен мазмұны кеңейіп, икемділігі артты, Жарнама тілінің ішкі құрылымы сараланды. Нарықтық экономиканың қанат жаюына орай Қазақстанда жарнамалық қызмет түрлері сан алуан болып дамуда. Жарнама стратегиясымен айналысатын жарнама компаниялары пайда болды. Жарнаманың бір түрі — афиша (affіcher — хабарландыру, іліп қою). Театр афишалары — спектакльдер және басқа да көңіл көтеретін шаралар туралы хабарландырулар. Афишалар театрдың алдына, көшелерге, алаңдарға және басқа да көпшілік жүретін орындарға ілінеді.
Жарнаманың түрлері:
1) Тауар жарнамасының мақсаты – жалпы тауар категориясына алғашқы сұранысты ынталандыру. Мұндай жарнама салалық өткізуді өсіруге бағытталған болса, марка жарнамасы осы өткізу көлемінен өзі үлесін бөліп алуға арналған. 2) Корпорация немесе компания жарнамасы олардың бейнесін жасауға бағытталған. 3) Бірлескен жарнамада өндіруші бөлшек саудагерлердің тауарды жарнамалауға кеткен шығындарының орнын толтырады. 4) Имидж жарнаманың негізгі мақсаты – адамдар санасында тауардың немесе фирманың жағымды бейнесін жасау, ал ынталандырушы жарнаманың мақсаты – тауарлар мен қызметтердің өткізілуін ынталандыру. 5) Баспа жарнамасы – ол тек көріп, қабылдауға арналған жарнамалық - каталогтық басылымдар (каталог, проспект, буклет, плакат, листовкалар) және жарнамалық - сыйлықтық басылымдар (үстелге қоятын және қабырғаға ілінетін фирмалық күнтізбелер, іс күнделіктері, жазу кітапшалары, қалта күнтізбелері, т. б. жатады). Баспа жарнамасының мақсаты - болашақ сатып алушыларды жарнамаланған фирма тауарларымен толық таныстыру. 6) Радиожарнама. Негізгі түрлері – радиохабарландырулар, радиожурналдар, радиорепортаждар, радиороликтер. 7) Тележарнама. Ең танымал түрлері: телеролик, телехабарландыру, жарнамалық бағдарламалар, бағдарлама арасындағы телезаставкалар. 8) Аудиовизуалды жарнама. Бұл – жарнамалық роликтер, жарнамалық - техникалық фильмдер, жарнамалық - беделді фильмдер, бейне фильмдер және слайдтар. 9) Сыртқы жарнама. Бұл – көру сезімі арқылы қабылданатын жарнама. Негізінен бұл жарнама тұтыну тауарлары үшін қолданылады. Қалың көпшілікке арналған. Оның түрлері: жарнамалық тақталар, афишалар, транспаранттар, түрлі - түсті жазбалар, билбордтар, экрандар, дүкендер сөресі, фирмалық жазулар.
4. Сергіту сәті.
5. Шығармашылық жұмыс.
Енді қазір біз топ бойынша әркім өз жарнамаларын салады. Біз ен бірінші ар суретті салмас бұрын оның эскизін салып алуымыз керек. Бірінші жәнегі суретті қай жерден бастаймыз альбомның ортаңғы сызығын тауып алуымыз керек. Содан біздің жарнамамыздыздың үйлесімін, композициясын дұрыс құрастырамыз. Оның сәйкестігін түсінің айырмашылығын табуымыз керек. Жұмыс істеу кезінде өте мұқият болу керек.
9. Қорытынды
Сұрақтар:
1. Жарнама дегеніміз не?
2. Жарнаманың түрлері?
3. Жарнама қашан пайда болды?
10. Үйге тапсырма.
Ар түрлі жарнама макетін жасап келу
11. Бағалау.
Оқушылардың жұмыстарына талдау жасап, өз деңгейлеріне сай етіп бағалау



Ұқсас жұмыстар

Сыртқы жарнама дизайнын құру
Жарнаманың экономикалық тиімділігі
Жарнамалық әдістердің психотехнологиясы
Жарнама тілінің коммуникативті аспектісі
Ынталандырушы жарнама
Кәсіпорында өнімді жоспарлау мен өткізуді ұйымдастырудың маңыздылығы
Трансляция бойынша роликтердің мынадай түрлері
Жарнама туралы
Қазақ ономастикасының өзекті мәселелері
ЖАРНАМА ТЕОРИЯСЫ МЕН ӘДІСТЕМЕСІ
Бегұлы болыс Көшекұлы - Тама тайпасының Дәулеткелді руынан шыққан белгілі тұлға
Мәдімар Райымбекұлы (1864 - 1923, Әулиеата уезі Көшеней болысы) - қоғам қайраткері
Қазіргі дәуір атыс айқайдың дәуірі емес, іс дәуірі, - деп Сұлтанбек Қожанов айтқандай, қазір сөзге емес, іске көшетін заман
Күршім ауданы жұртшылығы үшін бүгінде үлкен мерекеге айналған айтулы шара - өмірден ерте озған дарынды сазгер жерлесіміз Оралхан Көшеровтің творчествосына арналған, екі жылда бір өтіп келе жатқан Оралхан көктемі атты ән конкурсы
Үйдің маңындағы аулада ойнағаным және бала - бақшаға барған көше әлі есімде
Бес - алты көше
Полярлық координаталарға көше отырып есепте
Газет жарнамасының артықшылығы
Көшеде жүру ережелерін пысықтау
Көшеде суды кешсе - Есер кешер