Қазақша рефераттар

Power Point бағдарламасын іске қосу тәсілдері

Сабақтың мақсаты

PowerPoint бағдарламасы бойынша өткен тақырыптарды қайталау және оқушылардың теориялық білімін практикалық жұмыстар арқылы бекіту.

Білімділік

PowerPoint бағдарламасының қолданылу мақсатын түсіндіру, бағдарламаны іске қосу және жұмысты бастау жолдарын үйрету.

Дамытушылық

PowerPoint қолдану аймағын анықтау, бағдарламаны іске қосу, слайдтарға әртүрлі объектілер енгізу және анимация баптауларын қолдану дағдыларын қалыптастыру.

Тәрбиелік

Оқушыларды топпен жұмыс істеуге баулу, отансүйгіштікке және патриоттық рухқа тәрбиелеу.

⏱

Сабақ барысы

Сабақ құрылымы уақытты тиімді жоспарлауға және теориядан практикаға біртіндеп өтуге бағытталған.

  1. 1) Ұйымдастыру бөлімі. Сабаққа алғашқы дайындық

    5 минут

  2. 2) Топқа бөлу

    2 минут

  3. 3) Сұрақтарға жауап беру

    5 минут

  4. 4) Компьютердегі практикалық жұмыс

    20 минут

  5. 5) Ребус шешу

    5 минут

  6. 6) «Сөз тапқанға қолқа жоқ» ойыны

    5 минут

  7. 7) Қорытынды. Оқушыларды бағалау

    3 минут

Топтарға бөлу

Сынып екі топқа бөлінеді. Топ атаулары: «Презентация» және «Слайд».

1-кезең: Теориялық сұрақтар

  • PowerPoint бағдарламасын қалай іске қосамыз?
  • PowerPoint бағдарламасын іске қосудың қандай тәсілдері бар?
  • PowerPoint терезесінің элементтерін атаңдар.
  • «Презентация» ұғымы нені білдіреді?
  • Слайдтарды көрсету режимдері қандай?
  • Слайд қандай объектілерден тұрады?

Еске салу

Теориялық бөлімдегі жауаптар практикалық тапсырмаға тікелей қажет болады: слайд құрылымы, көрсетілім режимдері, объектілер кірістіру және анимация баптаулары.

Күтілетін нәтиже

Оқушылар PowerPoint-та бірнеше слайдтан тұратын презентацияны өздігінен құрып, мазмұнды көрнекі және дұрыс рәсімдей алады.

2-кезең: Практикалық тапсырма

Әр топқа тақырып бойынша презентация дайындау тапсырылады. Нәтижесінде жұмыс қорғалып, ұпай беріледі.

1-топ: «Қазақ елі»

Тақырып мазмұнын ашатын, құрылымы дұрыс, көрнекі презентация дайындаңдар.

2-топ: «Тәуелсіз Қазақстан»

Тақырыпқа сай мәтін, сурет және мультимедиа қолдана отырып презентация жасаңаңдар.

Орындау талаптары

  1. 1 Бағдарламаны іске қосып, бірнеше слайдтан тұратын презентация жасаңыздар.
  2. 2 Тақырыпқа сай фон таңдаңыздар.
  3. 3 Жобаның мақсаты мен міндеттерін енгізіңіздер.
  4. 4 Жоба мақсатына сәйкес суреттер қосыңыздар.
  5. 5 Жобаға дыбыс немесе бейнеклип енгізіңіздер.
  6. 6 Слайдтарға анимация баптауларын қолданыңыздар.

3–4-кезең: Ойын элементтері

Ребус шешу

Топтар ребусты шешіп, дұрыс жауап үшін қосымша ұпай жинайды.

«Сөз тапқанға қолқа жоқ»

Әр топ өз атауының бас әрпіне байланысты сөздер тізімін құрастырады. 5 минут ішінде кемінде 10 сөз жазу қажет.

Қорытынды және бағалау

Сабақ соңында топтардың ұпайлары есептеліп, оқушылардың жұмысы бағаланады. Қорғау кезінде мазмұнның ашылуы, безендірілуі, мультимедиа қолданылуы және анимацияның орындылығы ескеріледі.

Үй тапсырмасы

  • «Презентация» тақырыбына сөзжұмбақ құрастырып келу.
  • «Мәңгілік ел» және «Менің отбасым» тақырыптарына презентация құру.