Алған білімдерін пысықтау
Сабақтың тақырыбы
Ойнайық та, ойлайық!
Сабақтың мақсаты
-
Білімділік: оқушылардың математикалық білім деңгейін тексеру, алған білімдерін пысықтау.
-
Дамытушылық: өлең-есептер, ертегі-есептер және сөзжұмбақтар арқылы логикалық ойлау қабілетін дамыту.
-
Тәрбиелік: пәнге қызығушылықты арттыру, өз ойын еркін жеткізе білуге баулу, ауызбіршілік пен ұйымшылдыққа тәрбиелеу, туған жер табиғатын сүюге және қорғауға үйрету.
Ұйымдастыру мәліметтері
- Сабақтың түрі
- Танымдық ойын-сайыс сабағы
- Сабақтың әдісі
- Сұрақ-жауап, көрнекілік, ізденушілік, ойын, құрастыру
- Көрнекіліктер
- Сөзжұмбақ, бейнелі сөздер, санамақ, викторина, интерактивті тақта, тест, ертегі-есеп, өлең-есеп, слайд
Сабақтың барысы
Ұйымдастыру бөлімі
Құрметті ұстаздар мен оқушылар! 1–4 сыныптар арасында өтетін «Ойнайық та, ойлайық» сайыс сағатына қош келдіңіздер. Сайысымыздың негізгі мақсаты — әртүрлі математикалық ойын тапсырмалары арқылы білімді тереңдету және алған білімді пысықтау.
Сайыс барысында өлең-есептер, ертегі-есептер, сөзжұмбақтар және бейнелі сөздер ұсынылады. Әр дұрыс жауап үшін 1 ұпай қосылады. Ең көп ұпай жинаған топ «Жас математик» номинациясына ие болады.
Қатысушылар
Топ
«Ақ сұңқар»
Топ
«Жас қыран»
Сайыс кезеңдері
- 1 І тур — Әзіл есептер
- 2 ІІ тур — Математикалық ребустар
- 3 ІІІ тур — Танграм ойыны
- 4 IV тур — Математикалық жұмбақтар
- 5 V тур — Санамақ жарысы
І тур — Әзіл есептер
«Ақ сұңқар» тобы
1 ұпайЕтік киген Мысық төрт шортан ұстады. Бұл — ұстаған балықтарының жартысы. Ол барлығы неше балық ұстады?
Жауабы
8 шортан
«Жас қыран» тобы
1 ұпай1 кг етті пісіруге 1 сағат қажет. Осындай еттің 0,5 кг бөлігін пісіруге қанша уақыт керек?
Жауабы
1 сағат
«Ақ сұңқар» тобы
1 ұпайҮш ағайынды: Арман, Аян, Аслан. Үшеуі де әртүрлі сыныпта оқиды. Аслан Арманнан үлкен, ал Аян Асланнан кіші емес. Бұл үйдің үлкені, ортаншысы, кішісі кім?
Жауабы
Ең үлкені — Аян, ортаншысы — Аслан, ең кішісі — Арман
«Жас қыран» тобы
1 ұпайӘділет, Еркін, Ерлан лагерьде кездесті. Біреуі — Оралдан, екіншісі — Ақтаудан, үшіншісі — Астанадан келген. Ерлан мен Оралдан келген Еркін бір бөлмеге орналасты. Екеуі де Ақтауда болып көрмеген. Әрқайсысы қай қаладан келген?
Жауабы
Әділет — Ақтаудан, Еркін — Оралдан, Ерлан — Астанадан
ІІ тур — Математикалық ребустар
Бұл кезеңде топтар ребустарды шешіп, жауаптарын дәлелдеп айтады. Әр дұрыс шешім — 1 ұпай.
ІІІ тур — Танграм ойыны
Бұл кезеңде қатысушылар танграм бөлшектерінен берілген пішінді құрастырады. Нақты әрі жылдам орындау — жеңістің кілті.
IV тур — Математикалық жұмбақтар
Жұмбақ
Бұлбұлдың 2 құлақ, 1 басы бар,
Салдыраған 8 жерден таңбасы бар.
Бұлбұлды жолға салып айдағанда,
Салатын неше түрлі жорғасы бар.
Жауабы
Домбыра
Жұмбақ
Екі айнасы бар, екі найзасы бар,
Төрт сылдырмағы бар,
Бір шыбыртқысы бар.
Жауабы
Сиыр
Жұмбақ
Тоғыз белбеу, қос жібек,
Екі мұрын, бір шүмек.
Жауабы
Домбыра
Жұмбақ
Өзі 4 қанатты және 6 аяқты,
Сөйтсе де тікұшақтың көшірмесіндей.
Жауабы
Инелік
Жұмбақ
Жоқ өзінде бас та, қас та, мойын да,
Ұзындығы жазулы тұр бойында.
Жауабы
Сызғыш
Жұмбақ
Қарнында бір көлдің балығы бар,
Немесе жандының алыбы бар.
Жауабы
Кит
Жұмбақ
Аяғы біреу, қолы жоқ,
Шиыр-шиыр жолы көп.
Жауабы
Қалам
Жұмбақ
Екі ағайынды — екеуі де бір үйде,
Бірін-бірі көрмейді.
Жауабы
Көз
Математикалық мақал-мәтелдер
Жақша ішінде мақалдың толық нұсқасы берілді.
1. Жеті жұрттың тілін біл, (жеті түрлі білім ал)
2. Білекті бірді жығады, (білімді мыңды жығады)
3. Екі жақсы қас болмас, (екі жаман дос болмас)
4. Досыңды үш күн сынама, (үш жыл сына)
5. Бір елі ауызға — (екі елі қақпақ)
6. Жүз теңгең болғанша, (жүз досың болсын)
7. Отыз тістен шыққан сөз, (отыз елге тарайды)
8. Жалқаудың екі досы бар: (бірі — ұйқы, бірі — күлкі)
9. Бес бармақ жиылса, (жұдырық болады)
10. Ер бір рет өледі, (қорқақ мың рет өледі)
V тур — Санамақ жарысы
Бұл кезеңде топтар санамақ арқылы жылдамдық пен дәлдікті көрсетеді. Дұрыс әрі шапшаң жауаптар ұпаймен бағаланады.
Сайыстың қорытындысы
Бағалау
Әр кезең бойынша жинаған ұпайлар қосылып, жалпы нәтиже шығарылады.
Марапаттау
Ең жоғары ұпай жинаған топқа «Жас математик» атағы беріледі.
Кері байланыс
Оқушылар өз әсерімен бөлісіп, қандай тапсырмалар қызықты болғанын атап өтеді.